බිමල් ශ්‍යාමන් ජයසිංහ

කාන්තාවක් ඇතුළු පුද්ගලයන් තිදෙනෙකු දින 11 ක් තුළ දී ඝාතනය කර තවත් කාන්තාවකට බරපතල තුවාල සිදුකළ සැකකාර පුද්ගලයා ලබන 18 වැනි දා තෙක් රක්ෂිත බන්ධනාගාර ගත කරන ලෙස නුගේගොඩ අතිරේක මහෙස්ත්‍රාත් හර්ෂ පැල්පොල මහතා අද (5) නියෝග කළේය.

මෙලෙස රක්ෂිත බන්ධනාගාර ගත කරන ලද්දේ හෝමාගම පදිංචි සදුන් සමීර සේනානායන (25) හැවිරිදි තරුණයෙකි.

ඉකුත් 24 වැනි දා මොරටුව එගොඩ උයන ලී මෝලක් තුළ දී 51 හැවිරිදි පුද්ගලයකු පුළුස්සා ඝාතනය කිරිම, 29 වැනි දා නවගමුව හෝටලයක් තුළදී 25 හැවිරිදි තරුණියක් පුළුස්සා ඝාතනය කිරිම හා ඉකුත් 3 වැනි දා නුගේගොඩ නිවසකදී 69 හැවිරිදි කාන්තාවකට පිහියෙන් ඇණ ඝාතනය කර තවත් කාන්තාවකට තුවාල සිදු කිරිම සම්බන්ධයෙන් සැකකරු චෝදනා ලබා තිබේ.