ඩී.ජී.සුගතපාල
 
අක්මීමන හිනිදුම්ගොඩ ප්‍රදේශයේදී පුතෙකු විසින් තම මව සහ පියා ඝාතනය කර ඇතැයි අක්මීමන පොලිසිය පවසයි.


මෙසේ ඝාතනයට ලක්ව ඇත්තේ අක්මීමන හිනිදුම්ගොඩ ආනන්ගොඩ පදිංචිව සිටි කිරින්ද ලියන ආරච්චිගේ චන්ද්‍රපාල (61) සහ කොහොඹන් ප්‍රියන්ති මල්ලිකා (51) යන අඹුසැමි යුවළ බව පොලිසිය පවසයි.


ඔවුන්ගේ පුතා විසින් දෙමව්පියන්ට පහර දෙන බවටඊයේ (18) රාත්‍රියේ ලද පණිවුඩයක් අනුව පොලිස් නිලධාරීන් එම නිවසට ගොස් පරික්ෂා කළ විට පුතා පවසා ඇත්තේ දෙමව්පියන් රැකියාවට ගොස් තවම නිවසට නොපැමිණි බවයි.


ඔහු අත්අඩංගුවට ගෙන ප්‍රශ්න කිරීමේදී තමා දෙමව්පියන් ඝාතනය කළ බව පවසා ඇත. නිවස පිටුපස කසළ ගොඩක සඟවා තිබී මළ සිරුරු සොයාගත් බව පොලිසිය පවසයි.