බෙංගාල බොක්කට දකුණින් මුහුදු ප්‍රදේශය මැද ඉදිරි දින කිහිපය තුළ අඩු පීඩන තත්ත්වයක් ඇතිවිය හැකි බවත් එය ශ්‍රී ලංකාවට ද බලපෑ හැකි බවත් කාලගුණ විද්‍යා දෙපාර්තමේන්තුව නිවේදනය කරයි.

මේ හේතුවෙන් දිවයිනේ නැගෙනහිර සහ උතුරුමැද පළාත්වලට හෙට (5) රාත්‍රීයේ සිට වැසි වැඩි වනු ඇතැයි අපේක්ෂා කෙරේ.

මේ සම්බන්ධයෙන් කාලගුණ විද්‍යා දෙපාර්මේන්තුව නිකුත් කර ඇති උපදෙස් අනුව නාවික හා ධීවර ප්‍රජාව විමසිලිමත් විය යුතු බව සඳහන් කෙරේ.

උතුර, නැගෙනහිර සහ උතුරුමැද පළාත්වල වරින් වර තද වැසි ඇතිවිය හැකි බවත් අනෙකුත් පෙදෙස්වල පස්වරු 2.00 ට පසුව වැසි හෝ ගිගිරුම් සහිත වැසි ඇතිවිය හැති බවත් කාලගුණ විද්‍යා දෙපාර්තමේන්තුව කියයි.

බස්නාහිර,සබරගමුව සහ මධ්‍යම පළාත්වල සමහර ස්ථානවලට ඉදිරි දින කිහිපය තුළ උදය කාලයේ අධික මීදුම සහිත තත්ත්වයක් පැවතිය හැකි බව කාලගුණ විද්‍යා දෙපාර්තමේන්තුව පවසයි.

ගිගුරුම් සහිත වැසි ඇතිවන විට තරමක තද සුළං ද ඇති විය හැකි බවත් අකුණු මගින් සිදුවන අනතුරු අවම කර ගැනීම සඳහා ප්‍රමාණවත් පුර්වාරක්ෂාවකට යොමුවන ලෙස මහජනතාවගෙන් කරුණිකව ඉල්ලා සිටී.

(28535)