(ක්‍රිෂාන් ජීවක ජයරුක්)

දින කිහිපයක සිට පැවති ධාරාණිපාත වර්ෂාව හේතුවෙන් නිල්වලා ගඟේ ජල මට්ටම අද (24) වන විට ගංවතුර මට්ටම දක්වා ඉහළ ගොස් ඇතැයි වාරිමාර්ග දෙපාර්තමේන්තුව පවසයි.

හේ හේතුවෙන් ගඟ දෙපස පදිංචි ජනතාව ඒ පිළිබදව දැඩි අවධානයකින් සිටින ලෙසට එම දෙපාර්තමේන්තුව දැනුම් දෙයි.

වාරිමාර්ග දෙපාර්තමේන්තුවේ අධ්‍යක්ෂක ඉංජිනේරු ආර්.එම්.එම්.ආර්.අලවතුගොඩ මහතාගේ අත්සනින් යුතුව අද (24) උදෑසන 6.00ට නිකුත් කළ නිවේදනයට අනුව ගෙවී ගිය පැය 9 ක කාලය තුළ අකුරැස්ස පානදුගම ජල මාපකයේ අගය 6.92 දක්වා ඉහළ ගොස් තිබේ.

ඒ අනුව එහි සුළු ගංවතුර මට්ටම 6.00 වන අතර මහ ගංවතුර මට්ටම 6.50 වේ.

කෙසේ වෙතත් එම කාලය තුළ වර්ෂාපතනයේ යම් අඩුවක් දැකගන්නට තිබෙන බවත් තවදුරටත් වර්ෂාව පැවතිය හොත් ගඟේ ජලමට්ටම තවදුරටත් ඉහළ යා හැකි බවත් එම නිවේදනයේ වැඩිදුරටත් සඳහන් වේ.