නේපාලයට ඇදහැළෙන අධික වැසි හා නායයෑම් හේතුවෙන් අද (3) දසදෙනෙක් ජීවිතක්ෂයට පත්වූහ.
එම දසදෙනාගෙන් අට දෙනකු ඉදිකිරීම් ස්ථානයක පුද්ගලයන් බවත් අනෙක් දෙදෙනා එකම පවුලේ සාමාජිකයන් දෙදෙනකු බවත් නේපාල බලධාරීහු සඳහන් කළහ.
ඉකුත් මැයි මාසයේ සිට නේපාලයට වැසි ඇද හැළෙන අතර ගංවතුර හා නායයෑමේ සිදුවීම් ද වාර්තා වේ. ගංවතුර හා නායයෑම් හේතුවෙන් මේ වනවිට නේපාලයෙන් වාර්තා වන මරණ ගණන 177ක් දක්වා ඉහළ ගොස් තිබේ.
දකුණු ආසියානු කලාපයේ රටවල වාර්ෂික වැසි සමය මේ වනවිට ආරම්භ වී තිබේ. බංග්ලාදේශයට බලපෑ ගංවතුර හේතුවෙන් ඉකුත් ජූනි මාසයේදී පමණක් මරණ 135 ක් වාර්තා විය. දශක දෙකකට පසු බංග්ලාදේශයට වැඩිම කාලයක් ගංවතුර තත්ත්වයක් බලපෑ තිබුණේ මෙවර බව ද වාර්තා විය. ඉන්දියාවට බලපෑ තිබෙන ගංවතුර හේතුවෙන් ඇසෑම් සහ බිහාර යන ප්රාන්තවල මිලියන ගණනක් අවතැන් වී සිටින අතර 120 දෙනකු මරණයට පත්ව ඇත.
නේපාලයේ මෝසම් වැසි සමය මේ වනවිට ආරම්භ වී තිබේ. එම සමයේදී මැයි සිට සැප්තැම්බර් මාසය දක්වා වැසි ඇද හැළේ. මේ වනවිට ගංවතුර හෝ නායයෑම් හෝ සිදුවීම් හේතුවෙන් පුද්ගලයින් 57 දෙනකු අතුරුදන් වී ඇති බවත් 111 දෙනකු තුවාල ලබා ඇති බවත් නේපාල බලධාරීහු සඳහන් කළහ.
භූතානයට ද ගංවතුර තත්ත්වයක් බලපා තිබේ. ගංවතුරට සිර වී සිටි ගම්වැසියන් පිරිසක් මුදාගැනීමට ගිය භූතානයේ හමුදා සොල්දාදුවෝ හතරදෙනෙක් ඉකුත් මාසයේදී මරණයට පත්වූහ.
දකුණු ආසියානු කලාපයට මේ වනවිට නව කොරෝනා වයිරසයෙන් ද දැඩි බලපෑමක් එල්ල වී තිබේ. අහිතකර කාලගුණ තත්ත්ව නිසා එම තත්ත්වය නරකම අතට හැරී තිබේ.
අහිතකර කාලගුණ තත්ත්වය හේතුවෙන් බංග්ලාදේශයේ මිලියනයකට වැඩි පිරිසක් අවතැන් වී සිටින අතර ඉඩම් හෙක්ටයාර දහස් ගණනක් ද විනාශ වී ඇත. ඒ හේතුවෙන් 60,000කට ආසන්න පිරිසක් ජනයාගෙන් පිරි අවතැන් කඳවුරුවලට යොමු කර ඇත.
බංග්ලාදේශයෙන් මේ වනවිට වාර්තා වන නව කොරෝනා වයිරස ආසාදිතයන්ගේ සමස්ත ගණන 240,746ක් වන අතර වාර්තා වන වයිරස ආසාදිත මරණ ගණන 3,154කි.
රොයිටර්
055
පොලිස්පතිවරයා පත් කළ ආකාරය සම්බන්ධයෙන් විපක්ෂ නායක සජිත් ප්රේමදාස මහතා ආණ්ඩුක්රම ව්යවස්ථා සභා රැස්වීමේදී අද (26) සිය විරෝධය පළ කර ඇතැයි වාර්තාවේ.
මෙරට ආර්ථිකය නිවැරදි මගකට යොමු කෙරෙන ආර්ථික පරිවර්තන පනත් කෙටුම්පත සම්මත කර ගැනිමට සහාය වූ පාර්ලිමේන්තුවේ සියලු දේශපාලන පක්ෂ වෙත සිය ස්තුතිය පළ කරන බ
දෙමළ ජාතික සන්ධානය ජනාධිපතිවරණයට අපේක්ෂකයකු ඉදිරිපත් නොකරන බව එහි පාර්ලිමේන්තු මන්ත්රී නීතිඥ එම් .ඒ සුමන්තිරන් මහතා පැවසීය.
ශ්රේෂ්ඨාධිකරණය මගින් ලබා දෙන නියෝග ක්රියාත්මක කිරීමට රටේ ජනාධිපතිවරයා හා ව්යවස්ථායකය බැඳී සිටිනවා , පාර්ලිමේන්තු වරප්රසාදවලට මුවා වී එම අධිකරණ
කැබිතිගොල්ලෑව විහාර හල්මිල්ලෑව ගමේ ’’මහ කාඩිගල’’ වැව යටතේ ඇති කුඹුරු යායට පාරක් නොමැති නිසා ගොවීන් දැඩි දුෂ්කරතාවයන්ට මුහුණ දෙන බව මහා කාඩිගල කුඹුර
රටේ තරුණ පරපුර වෙනසක් ඉල්ලා ගාලුමුවදොර අරගලයක් කළ බවත් ඔවුන් ඉල්ලා සිටින වෙනස ලබාදීමට තමන් ඉදිරිපත්ව සිටින බවත් පාර්ලිමේන්තු මන්ත්රී සරත් ෆොන්සේකා
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
නේපාලයේ ගංවතුරින් 10ක් මරුට