(ජයන්ත සමරකෝන්)
 
වීසා කාලය අවසන්ව නීතිවිරෝධීව ශ්‍රී ලංකාවේ රැඳී සිටි ඉන්දියානුවන් 14දෙනෙකු ආගමන හා විගමන දෙපාර්තමේන්තුවේ නිලධාරීන් විසින් අද(08)  අත්අඩංගුවට ගෙන ඇත.
 
මෙයින් ඉන්දියානුවෝ 12දෙනෙක් අලුත්ගම ප්‍රදේශයේ හෝටලයක ඉදිකිරීම් කටයුතුවල යෙදී සිටි අය වෙති.
 
එම පුද්ගලයන් 12 දෙනා සංචාරක වීසා මත පැමිණ එම කාලය ඉක්මවා, නීතිවිරෝධීව රැඳී සිටිමින් ඉදිකිරීමේ සේවාවන්හි යෙදී ඇති බවත්, අනෙක් දෙදෙනා නේවාසික වීසා මත පැමිණ එම වීසාකාලය ඉක්මවා රැඳී සිටි බවත් පරීක්ෂණවලදී හෙළි වී ඇත.
 
මෙම සැකකරුවන් 14 දෙනා මිරිහාන රැඳවුම් නිවාසයේ රඳවා ප්‍රශ්න කරගෙන යන බව එම විමර්ශන හා බුද්ධි ඒකකය පවසයි.
 
මොවුන්ට නඩු පවරා දඬුවම් කර රටින් පිටුවහල් කරන බවද එම ඒකකය සඳහන් කරයි.