(නිමන්ති රණසිංහ) 

පොළොන්නරුව සින්නවෙට්ටි ප්‍රදේශයේදී මාධ්‍ය හමුවක් පවත්වමින් ජාතීන් අතර අසමගියක් ඇතිවන ප්‍රකාශයක් කළැයි බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමියන්ට එරෙහි පැමිණිල්ල නීතිපති උපදෙස් ලැබෙන තෙක් දෙසැම්බර් 06 වැනිදා තෙක් කල් තැබීමට කොළඹ ප්‍රධාන මහේස්ත්‍රාත් ලංකා ජයරත්න මහත්මිය නියෝග කළාය.

 පැමිණිල්ල වෙනුවෙන් කරුණු දැක්වූ සංවිධානාත්මක අපරාධ නිවාරණ කොට්ඨාසය දැනුම් දුන්නේ මෙම සිද්ධියට අදාලව නීතිපති උපදෙස් පතා ඇති බවයි. මෙතෙක් නීතිපති උපදෙස් නොලැබුණු බව පොලිසිය දැනුම් දුන්නේය.