(මනුල වික්‍රම)

රජරට විශ්වවිද්‍යාලයේ සිසුන් පිරිසක් ඇතුළු විවිධ දුෂ්කරතා  මැද අධ්‍යාපනය ලබන සිසුන් පිරිසකට මිරිසවැටිය විහාරාධිකාරී හා රජරටව විශ්වවිද්‍යාලයේ කුලපති ඊතල්වැටුණුවැවේ ඤාණතිලක නාහිමියෝ අද (19) පාපැදි පරිත්‍යාග කළහ. මෙම  සිසු සිසුවියන් තෝරාගෙන තිබුණේ අනුරාධපුර නගරයට බොහෝ දුර දුෂ්කර පළාත්වලිනි.

විශ්ව විද්‍යාලයක කුලපති ධුරය දරන කෙනෙකු සිය විශ්ව විද්‍යාලයේ සිසුන් උදෙසා ප්‍රථම වරට මෙවැනි සුබසාධක කටයුත්තක් දියත් කිරීම මෙහි විශේෂත්වයයි.

කොළඹ ප්‍රදේශයේ සැදැහැවතුන් පිරිසක් වන  සාලිය නවරත්න පවුලේ පිරිස හා  හිටපු නාවික හමුදාපති අද්මිරාල් ජයන්ත පෙරේරා මහතාගේ පවුලේ පිරිස ඇතුළු කණ්ඩායමක් මේ සඳහා අනුග්‍රහය ලබාදෙමින් එක්වූහ.  රුපියල් 30000කට ආසන්න වටිනාකමකින් යුතු පාපැදි 15ක්  පරිත්‍යාගයට ඇතුළත් වූ අතර මෙම දරුවන්ගේ ගමන් පහසුව වෙනුවෙන් මෙම දානය සිදු කෙරිණි.  ඊට සමගාමීව මහ සඟරුවන උදෙසා දහවල් දානමය පිංකමක් ද එහිදි සිදුකෙරිණි.