(යොහාන් භාසුර)

දොම්පේ ‘හෙළ සුවය භාවනා ආරාණ්‍ය සේනාසනය’ සහ රේගු නිලධාරීන් පිරිසගේ අනුග‍්‍රහයෙන් දොම්පේ ප‍්‍රාදේශීය රෝහලේ ‘කොවිඞ්’ රෝගී ප‍්‍රතිකාර ඒකකයට එකවර පුද්ගලයන් සිවුදෙනකුට ඔක්සිජන් ලබාදිය හැකි යන්ත‍්‍රයක් ප‍්‍රදානය කළහ.

දොම්පේ ප‍්‍රාදේශීය රෝහලේ ‘කොවිඞ්’ රෝගී ප‍්‍රතිකාර ඒකකයේ ප‍්‍රධානී වෛද්‍ය උදයංග නවීන් රත්නායක මහතාගේ ඉල්ලීමකට අනුව සහකාර රේගු අධිකාරී කැළුම් තුෂාර මහතාගේ සම්බන්ධීකරණයෙන් මෙම ඔක්සිජන් යන්ත‍්‍රය ප‍්‍රදානය කළේය.

මෙම ප‍්‍රතිකාර මධ්‍යස්ථානයට දිනකට ‘කොවිඞ්’ ආසොදිතයන් 100 කට ආසන්න සංඛ්‍යාවක් ඇතුළත් කරන අතර එම ආසාදිතයන් අතරින් ඔක්සිජන් ලබාදිය යුතු මට්ටමේ රෝගීහූ නේවාසිකව ප‍්‍රතිකාර ලබති.