(අමල් වික්‍රමරත්න)

තැපැල් දෙපාර්තමේන්තුවේ තැපැල් කාර්යාලවල පරිගණක ජාලයේ පවතින දෝෂයක් නිසා ජනතාව මහත් අසීරුතාවයට පත්වී ඇත.

දැනට සතියකට ආසන්න කාලයක් පුරා මහජනතාවට විදුලි, ජල, දුරකථන, බිල්පත් ගෙවීම් සිදුකිරීමට නොහැකි වී ඇති අතර තවත් පිරිසකගේ ගෙවන ලද බිල්පත් යාවත්කාලීන නොවීම හේතුවෙන් ගැටලුවලට මුහුණ පෑමට සිදුව ඇත.

මේ අතර තැපැල් ඇනවුම් සේවාවද මෙම පරිගණක දෝෂය නිසා මුළුමනින්ම ඇනහිට ඇත.

මේ හේතුවෙන් තැපැල් ඇනවුම් භාවිතයට හුරුව සිටි විශාල පාරිභෝගික පිරිසකට ද එම සේවාව සලසා දීමට නොහැකි වීම තුළ තැපෑලට ද බරපතල අර්බුදයක් හටගෙන ඇතැයි තැපැල් සේවකයෝ පවසති.