නිරෝධායනය කරන ලද ජපාන ඩයමන්ඩ් ප්‍රින්සස් නෞකාවේ සිටි කොරෝනා වෛරස ආසාදිත මගීන් දෙදෙනකු මියගොස් තිබේ.

ජපාන පුරවැසියන් වන මොවුන් දෙදෙනාගේම වයස අවුරුදු 80ක් පමණ වන බවත් ඔවුන් වෙනත් රෝග තත්ත්ව වලින් ද පෙළෙමින් සිටි බවත් වෛද්‍යවරු පවසති.

ජපාන‍යේ රෝහල්වල ප්‍රතිකාර ලබමින් සිටියදී මොවුන් මියගොස් ඇත. ඩයමන්ඩ් ප්‍රින්සස් නෞකාවේ 621 දෙනෙකු වෛරසය සඳහා ධනාත්මක බව තහවුරු වී ඇත. මෙය චීනයෙන් පිටත හමුවුණු වැඩිම රෝගීන් සංඛ්‍යාව වේ.

නෞකාවේ මගීන් 3700ක් සිටි අතර දින 14ක නිරෝධායන කාලයකින් පසු වෛරසය සඳහා ධනාත්මක නොවූ පුද්ගලයන්ට නෞකාවෙන් පිටත්ව යාමට අවසර දී ඇත.

කෙසේ වුවද ආසාදිතයන් දිගින් දිගටම ඉහළ යෑම හේතුවෙන් නෞකාවේ නිරෝධයන සැලැස්ම සම්බන්ධව විවේචන එල්ල වෙමින් තිබේ.

ජපාන කෝබේ විශ්ව විද්‍යාලයේ බෝ නොවන රෝගී අංශයේ මහාචාර්යවරයකු වන කොන්ටාරෝ ඉවාටා නැව නිරීක්ෂණය කිරීමෙන් පසු පවසා ඇත්තේ එහි තත්ත්වය මුළුමනින්ම අවුල් සහගත බවයි.

කෙසේවුවද ජපාන සෞඛ්‍ය අමාත්‍යාංශ නිලධාරියකු මෙයට පිළිතුරු ලෙස පවසා ඇත්තේ ඉතාම සංකීර්ණ තත්ත්වයක් යටතේ බළධාරීන් මහත් කැපවීමකින් වැඩ කළ බවයි.

(බීබීසී ඇසුරිණි - 085)