ඇමෙරිකාවේ ටෙක්සාස් ප්‍රාන්තයේ සිදුවූ වෙඩි තැබීමකින් පස්දෙනකු පමණ මියගොස් බොහෝ පිරිසක් තුවාල ලබා ඇතැයි වාර්තා වේ. 

මිඩ්ලන්ඩ් හා ඔඩිස්සා නගර යා කරමින් දිවෙන මාර්ගයකදී මෙම වෙඩිතැබීම සිදුව ඇති අතර මෙය ටෙක්සාස් ප්‍රාන්තයේ මාසයක් ඇතුළත සිදුවූ දෙවන වෙඩි තැබීම බව මාධ්‍ය වාර්තා කර ඇත.

මෝටර් රියකින් පැමිණි තුවක්කුකරු එම ස්ථානයෙන් ගමන්ගත් මෝටර් රථ වලට වෙඩි තැබූ බවත් ඔහු නැවැත්වීමට උත්සාහ කළ පොලිස් නිලධාරියකුට ද වෙඩි තබා ඇති බවත් බලධාරීහු පවසති. 

සැකකරු ට්‍රක් රථයක් පැහැරගෙන පලායාමට උත්සාහ කළ අවස්ථාවේ  පොලිස් වෙඩි ප්‍රහාර වැදී මියගොස් ඇතැයි සඳහන් වේ.

වෙඩිතැබීමට හේතුව පැහැදිලි නොමැති බව පොලිසිය පවසයි. සති තුනකට පමණ පෙර එල් පැසෝ ප්‍රදේශයේ සිදුවූ වෙඩි තැබීමකින් 22 දෙදෙනෙකු මියගියහ. 

 

(බීබීසී ඇසුරිණි - 085)