(නාලක සංජීව දහනායක)

ජනාධිපති ගෝඨාභය රාජපක්‍ෂ මහතා අද (07) ඕස්ට්‍රේලියානු අගමැති ස්කොට් මොරිසන් මහතාට දුරකතනයෙන් අමතමින් ලැව්ගිනි හේතුවෙන් එරටට සිදුව ඇති විනාශය සම්බන්ධයෙන් තම සංවේගය පළකර තිබේ

ලැව් ගිනි හේතුවෙන් නෑ හිතවතුන් අහිමිවූ පවුල් වෙත තම ශෝකය පළ කර ඇති ජනාධිපතිවරයා 2004 වසරේ බලපෑ සුනාමියෙන් හා වරින් වර ඇතිවන ගංවතුර ඇතුළු ස්වාභාවික විපත්වලට මුහුණ දුන් රටක් ලෙස ලංකාවේ ජනතාවට ඕස්ට්‍රේලියානු ජනයා මේ මොහොතේ විඳින වේදනාව තේරුම්ගත හැකි බවද පවසා ඇත.

මෙම ආපදා අවස්තාවේදී ඕස්ට්‍රේලියානු ජනයා වෙත මෙරටින් තේ තොගයක් පරිත්‍යාග කරන බවද එහිදී ජනාධිපතිවරයා ඕස්ට්‍රේලියානු අගමැතිවරයාට පවසා තිබේ.

සාමාන්‍යයෙන් වසරේ මෙම කාලසීමාවේදී ලැව්ගිනි හට ගැනීම ඕස්ට්‍රේලියාවට සාමාන්‍ය දෙයක් වුවද මෙවර හටගෙන ඇති ලැව්ගිනි පෙර වසරවලට වඩා බියකරු හා විනාශකාරීවී ඇත. මෙම ලැව්ගිනි හේතුවෙන් දැන්ට පුද්ගලයන් තිස්දෙනෙකු ජීවිතක්‍ෂයට පත්ව ඇති අතරලක්‍ෂයකට වඩා වැඩි වනසතුන් ජීවිතක්‍ෂයට පත්ව ඇත.