(රංජන් කස්තුරි)

ජනාධිපතිවරයා ආරාධනා කළහොත් නැවත ආණ්ඩුකාරධූරය බාරගන්නා බව නැගෙනහිර පළාතේ හිටපු ආණ්ඩුකාර එම්.ඒ.එල්.එම් හිස්බුල්ලා මහතා පැවැසීය.

තමා ශ්‍රී ලංකා නිදහස් පක්ෂයේ දේශපාලඥයකු වන හෙයින් පක්ෂ නායක ජනාධිපතිවරයා ලබාදෙන ඕනෑම තනතුරක් බාර ගන්නා බවද හෙතෙම කීය.

තනතුරක් ලබානොදුන්නද පක්ෂයේ ජයග්‍රහණය වෙනුවෙන් තවදුරටත් කැපවෙන බවද හිස්බුල්ලා මහතා සඳහන් කළේය.

කොළඹදී අද (30) පැවැති ප්‍රවෘත්ති සාකච්ඡාවකදී මාධ්‍යවේදියෙකු ඇසූ ප්‍රශ්නයකට පිළිතුරු දෙමින් හිස්බුල්ලා මහතා එම අදහස් පළ කළේය.