‘ජනතාවට කැඳ වතුරවත් නැති රටක් හදන්න හදනවා ‘

(අංජුල මහික වීරරත්න)

පොහොර නැතුව කෘෂිකර්මාන්තය කඩා වැටෙද්දී ඩොලර් නැතුව පිටරටින් වත් ආහාර ගෙන්වන්න නොහැකි තත්ත්වයක් යටතේ ජනතාවට කැඳ වතුර ටිකක් නැති රටක් හදන්නට ආණ්ඩුව කටයුතු කරමින් සිටින බව එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා පැවසීය.

රටෙි ආහාර හිඟයක් ඇති වෙද්දී විදේශයකින් හෝ ආහාර ආනයනය කිරීමට නම් ඩොලර් තිබිය යුතු බව කී විජයවර්ධන මහතා ජනතාව අඟහිඟ මොහොතක කන පරිප්පු පවා මේ නිසා ගෙන්වීමට බැරි අවදානමක් පවතින බව පෙන්වා දුන්නේය.

එක්සත් ජාතික පක්ෂ ප්‍රතිසංවිධාන වැඩසටහන යටතේ මොණරාගල දිස්ත්‍රික්කයේ වැල්ලවාය, බුත්තල හා මොණරාගල මැතිවරණ ආසනවල පැවැති පක්ෂ ක්‍රියාකාරීන්ගේ හමුවලට සහභාගී වෙමින් නියෝජ්‍ය නායක රුවන් විජයවර්ධන මහතා මෙි බව ප්‍රකාශ කළේය.

එහිදි වැඩිදුරටත් අදහස් දැක්වූ නියෝජ්‍ය නායකවරයා කීවෙි ඉදිරි රජයක් යටතේ මුලින්ම බලන්නේ එජාප පාක්ෂිකයන් ගැන බවයි.

අදහස් (4)

‘ජනතාවට කැඳ වතුරවත් නැති රටක් හදන්න හදනවා ‘

එච් එම් ගුණවර්ධන Sunday, 21 November 2021 11:27 AM

රටේ දියුණුවට නම් සුදුස්සාට සුදුසු තැන දියයුතුය.. පාක්ෂිකයාට තැනක් දීම තවත් අගාධයට රට ගෙනයාමකි. කවදා හැදෙයිද මේ පාලකයින්?

: 0 7

පිටිගල මිලානෝ Sunday, 21 November 2021 11:39 AM

හපෝයි...!!! එජාපේ...!!!

: 1 4

Senarath Sunday, 21 November 2021 12:36 PM

ඔයාගේ ලොක්කා 2015 සිට 2019 වෙනකම් කෙරුවේ කොහොමද කියලා අමතකද? කුඹුරු අක්කර ලක්ෂයක් ගොඩකරන්න සැලසුම් කළා. මුළු විදේශ ණය මුදල ඩොලර් බිලියන 7 සිට 14 දක්වා වැඩිකළා. කිසිම සංවර්ධන වැඩක් නොකර... ඒ මදිවට හම්බන්තොට වරායත් විකුණුවා. ඔබලා අද වෙනකම් බලයේ හිටියා නම් මැරුණු සංඛ්‍යාව ලක්ෂයත් පැනලා.. එහෙම නම් අද බොන්න වෙන්නේ කැඳ තමයි. ඔයාලව ඇපත් නැතිවෙන්න ජනතාව ප්‍රතික්ෂේප කළා.

: 2 8

senaSunday, 21 November 2021 07:33 PM

සෙනරත්, කොළඹ ගාලුමුවදොර, හමුදා මූලස්ථානය සහ හම්බන්තොට වරාය චීනයට විකුණා දැමීම සිදුකරන ලද්දේ රාජපක්ෂලා විසිනි. චීනයෙන් ලබාගත් ණය පියවා ගන්නට නොහැකිව පළමුව හමුදා මූලස්ථානය සින්නක්කරව චීනයට විකුණා දමන ලදී. දෙවනුව හම්බන්තොට වරාය චීනයට විකුණා දමන ලදී නමුත් යහපාලන රජය විසින් චීන රජය සමග සකච්ඡා කොට සින්නකරව චීනයට ලබාදී තිබූ වරාය නැවත 99 අවුරුදු බද්දට ශ්‍රී ලංකාවට නැවත පවරා ගන්නා ලදී. චීන රජය අකමැත්තෙන් වුවද එයට එකඟ කරවා 99 අවුරුදු බද්දට එකඟත්වයට පැමිණීමට රනිල් වික්‍රමසිංහ අගමැතිවරයාට හැකිවිය... රටේ මහජනතාවට සත්‍ය පහදාදීමට එක්සත් ජාතික පක්ෂය විසින් කළයුතුවේ...

: 0 1