(විමුක්ති රොද්‍රිගූ)

ශ්‍රී ලංකාවේ ප්‍රධාන අහාර අළෙවි සමාගමක් වන ඒස්රායල් හෝල්ඩින්ග්ස් සමාගමේ ‘චැරියට්’ සන්නාම තානාපති ලෙස ශ්‍රී ලංකා ක්‍රිකට් ක්‍රීඩක භානුක රාජපක්‍ෂ පසුගියදා පත්වීම් ලැබීය.

එහිදී ඒස්රායල් හෝල්ඩින්ග්ස් සභාපති ෂිරාන් පීරිස් මහතා භානුක රාජපක්ෂට නිල වශයෙන් සන්නාම තානාපති ධූරය පිරිනැමීය.

එම සමාගමේ 2022 වසරේ චැරියට් සන්නාම තානාපති පත්කිරීමේ නිල උත්සවය කොළඹ ෂැන්ග්‍රිලා හෝටලයේදී පසුගියදා පැවැත්විණි.

ඒස්රායල් හෝල්ඩින්ග්ස් සභාපති ෂිරාන් පීරිස් මහතාගේ බිරිඳ දිමුතු  පීරිස් සහ භානුක රාජපක්ෂගේ බිරිඳ සැන්ඩි්‍රන් රාජපක්ෂ යන මහත්මීහූ  ඇතුළු පිරිසකගේ සහභාගිත්වයෙන් සහභාගිත්වයෙන් එම උත්සවය පැවැත්විණි.

ආසියාවේ විශිෂ්ටතම ව්‍යාපාරිකයා  සම්මානය ඇතුළුව සම්මාන 11 දිනා ඇති  ශිරාන් පීරිස් මහතා 2010 වසරේදී සිය පවුලට අයත් සමාගම හරහා ආහාර කර්මාන්තය ආරම්භ කළේය.

මෙම සමාගම කොකෝවා කුඩු, වියළි පළතුරු, රස ගන්වනයන්  ඇතුළු ආහාර රැසක් දේශීය නිෂ්පාදන වෙළෙඳපොළට නිකුත් කළේය. 2012 වසරේදී එම ව්‍යාපාරය යම් මට්ටමකට ගොඩනැගීමෙන් අනතුරුව ශිරාන් මහතා සිය බිරිඳ සමඟ එකතුව චොකලට් කර්මාන්තයේ ආයෝජනය ඇරඹීය.

‘අනෝද්ස් කොකෝවා’  ව්‍යාපාරය සාර්ථක වීමෙන් පසුව ශිරාන් පීරිස් මහතා  2015 වසරේ ඒස්රායල් අලෙවිකරණ පුද්ගලික සමාගම ඇරඹීය. එතැන් සිට ඒස්රායල් අලෙවිකරණ පුද්ගලික සමාගම අංශ කිහිපයක් ඔස්සේ වර්ධනය වෙමින් ඒස්රායල් හෝල්ඩින්ග්ස් දක්වා පැමිණ තිබේ.  

ඒස්රායල් හෝල්ඩින්ග්ස් මේ වන විට 300 කට අධික සේවක පිරිසකගෙන් සහ නවීන පහසුකම් සහිත කාර්යාල පහකින් සමන්විත වේ.

ඒස්රායල් හෝල්ඩින්ග්ස් 2020 වසරේදී ‘චැරියට්’ සන්නාමය  මිලට ගත් අතර එම අවස්ථාවේදී පාඩු ලැබූ සන්නාමයක් වූ ‘චැරියට්’ ඒස්රායල් හෝල්ඩින්ග්ස් හැකියාව මත කෝවිඩ් වසංගතය හමුවේ වුවද අභියෝග ජයගනිමින් , වර්ධනය විය.

චැරියට් සන්නාම තානාපති ලෙස පත්වීමෙන් පසු භානුක රාජපක්ෂ මහතා පැමිණ සිටි පිරිස අමතමින් මෙසේ පැවසීය

 ”මම චැරියට් සන්නාමය සමග අත්වැල් බැඳ ගැනීමට ප්‍රධානතම හේතුව වුයේ එහි ක්‍රියාත්මක වන විශේෂ ව්‍යපෘති. ඒවා අතරින් විශේෂම ව්‍යාපෘතිය තමයි ක්‍රිකට් ක්‍රීඩකයෙක් වීමට සිහින දකින දක්ෂතාවය සහිත නැගීඑන දරුවන්ට අවශ්‍ය මගපෙන්වීම සහ අනුග්‍රාහකත්වය  ලබාදීම සඳහා ආරම්භ වන ක්‍රිකට් ඇකඩමිය. දක්ෂතාවය තිබෙන ඕනෑම දරුවෙකුට අපි අවශ්‍ය මග පෙන්වීම සහ අනුග්‍රාහකත්වය ලබා දෙමින් සර්ව සම්පුර්ණ ක්‍රීඩකයකු බිහිකිරීමට උත්සහ කරනවා. මෙය කිසිම ලාභයක් බලාපොරොත්තුවෙන් කරන වැඩක් නෙමෙයි. අපි ක්‍රිකට් ඇකඩමියට බඳවා ගන්නා දරුවන්ගෙන් කිසිම දෙයක් නැවත බලාපොරොත්තු වෙන්නේ නැහැ. මම ඉන්දියාවේ අයි.පී.එල් තරඟාවලිය ක්‍රීඩා කිරීම සඳහා පිටත් වෙනවා චැරියට් සන්නාමයත් මාත් එක්ක යනවා මම චැරියට් සන්නාමය සමග දිගු කාලයක් වැඩකිරීමට බලාපොරොත්තු වෙනවා”

ඒස්රායල් හෝල්ඩින්ග්ස් සභාපති ෂිරාන් පීරිස් මහතා එමිදී මෙසේ පැවසීය.

”අපි අපේ ව්‍යාපාරය පවත්වාගෙන යන්නේ එක් මූලික ප්‍රතිපත්තියක් මත, අපි අපේ දරුවන්ට දෙන්නේ හොඳම දේ අපිට ඕනේ ඒ හොඳම දේ අපේ පරිභෝගිකයන්ටත් දෙන්නයි”

(ඡායාරූප: හිමත් මතීෂ)