2025 ජනවාරි මස 15 වන බදාදා
චීනයේ ‘බෑන්ක් ඔෆ් චයිනා’ වෙතින් එක්සත් ජනපද ඩොලර් මිලියන 300ක ණය මුදලක් ලබාගැනීම සම්බන්ධයෙන් සළකා බලමින් සිටින බව මුදල් රාජ්ය අමාත්ය ඉරාන් වික්රමරත්න මහතා පවසයි.
එම මුදල් එක්සත් ජනපද ඩොලර් බිලියනයක් දක්වා ඉහළ නැංවිය හැකි යැයි ද වික්රමරත්න මහතා කියයි. රොයිටර් පුවත් සේවයට අදහස් දක්වමින් හෙතෙම ඒ බව ප්රකාශ කර තිබේ. මුදල් රාජ්ය අමාත්ය ඉරාන් වික්රමරත්න මහතා එහිදි මෙසේ ද සඳහන් කර ඇත.
“අපි බෑන්ක් ඔෆ් චයිනා වෙතින් ඩොලර් මිලියන 300ක මුදලක් ලබාගැනීම කෙරෙහි සලකා බලනවා. එය ඩොලර් බිලියනයක් දක්වා ඉහළ නංවා ගන්න පුළුවන්. එම මුදල්වලින් ඉදිරි මාස කිහිපයේදී ගෙවීමට තිබෙන ණය නැවත ගෙවීම් ගෙවා අවසන් කරන්න පුළුවන්. දැඩි කොන්දේසි සහ ශ්රේණිගත කිරීමේ ආයතන ණය ශ්රේණිගත කිරීම්වලින් ශ්රී ලංකාව පහත දැමීම නිසා ජාත්යන්තර වෙළෙඳපොළවලින් ණය ගැනීම ඉතා දුෂ්කර කාර්යයක් වෙලා. ණය මුදලේ ප්රමාණය, කාලය, මිල යනාදිය සම්බන්ධයෙන් ආණ්ඩුවේ අනුකමිටුවක් ඉදිරියේදී සාකච්ඡා පවත්වනු ඇත.
පසුගිය වසර අවසන් වනවිට ශ්රී ලංකාවේ සමස්ත ණයවලින් හතරෙන් එකකට ආසන්න ප්රමාණයක් චීන ණය විය. චීනය ශ්රී ලංකාවට වරාය, මහාමාර්ග, අධිවේගී මාර්ග සහ තවත් යටිතල පහසුකම් සංවර්ධනය කිරීමේ ව්යාපෘති සඳහා එක්සත් ජනපද ඩොලර් බිලියන 8කට ආසන්න මුදලක් ණයට ලබා දී තිබේ.
මේ සම්බන්ධයෙන් කොළඹ පිහිටි ‘බෑන්ක් ඔෆ් චයිනා’ බැංකුව සම්බන්ධ කරගැනීමට උත්සාහ කළ ද එය අසාර්ථක විය.
රොයිටර් ඇසුරිනි
055
දොඩංගොඩ විල්පාත ප්රදේශයේ නිවසකට අද අළුයම වෙඩි ප්රහාරයක් එල්ලවී ඇති බව දොඩංගොඩ පොලිසිය පවසයි .
පළාත් සභාවලට අයත් වාහන දෙදහසකට වැඩි සංඛ්යාවක් පසුගිය කාලසීමාවේදී අතුරුදන්ව ඇතැයි රාජ්ය පරිපාලන පළාත් සභා හා පළාත් පාලන අමාත්යාංශ ආරංචි මාර්ග සඳහ
අම්පාර දිස්ත්රික්කයට ඇද හැලෙන ධාරිනිපතා වර්ෂාව සමග ඉගිණියාගල සේනානායක සමුද්රෙය් ජල මට්ටම අඩි 104 දක්වා ඉහල ගොස් ඇතැයි අම්පාර වාරිමාර්ග ඉංජිනේරු වසන
ඇමතිවරුන්ගේ බංගලා කුලියට ලබාගැනීමට පෞද්ගලික ආයතනත් දහයකට වැඩි සංඛ්යාවක් ඉල්ලීම් ඉදිරිපත් කර ඇතැයි රාජ්ය පරිපාලන පළාත් සභා හා පළාත් පාලන අමාත්යා
රජයේ ඉඩම් බද්දට ගත් වැවිලි සමාගම් විසිතුනක් රුපියල් කෝටි 59 කට ආසන්න බදු මුදලක් රජයට ගෙවීම පැහැර හැර ඇතැයි ජාතික විගණන කාර්යාලය නිකුත් කළ වාර්තාවක සඳ
පවතින අයහපත් කාලගුණික තත්ත්වය හේතුවෙන් දිස්ත්රික්ක පහක ප්රාදේශීය ලේකම් කොට්ඨාස 12ක් සඳහා නායයෑමේ පළමු මට්ටමේ අනතුරු ඇඟවීමේ නිවේදනය නිකුත් කිරීමට ජ
2025 ජනවාරි මස 08
209
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
2024 දෙසැම්බර් මස 24
551
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
299
0
දශක 3කට අධික කාලයක් තිස්සේ ශ්රී ලාංකිකයින්ගේ මුඛ සෞඛ්යය වෙනුවෙන් කැපවන ප්රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
චීනයෙන් ඩොලර් මිලියන 300 ක ණයක් ගන්න යයි
මංජුල බිරැට් Wednesday, 16 January 2019 10:26 AM
එක ණයක් ගෙවන්න, තව ණයක් ගත්තාම හරියනවද? මලවිකාර...
ධනුෂ්කWednesday, 16 January 2019 02:36 PM
මේ රටේ පැවති හා පවතින අාණ්ඩුවලට කතිර ගැසු ජනතාවගෙන් ඉල්ලා සිටිනවා. ඔබ කැපුවත් කොල, කැපුවත් නිල් කියා තව දුරටත් කතිරය ගසනවා නම් එ් මේ රට වලපල්ලට යවන්නට ගසන කතිරයක්. හිටපු අයත් ඉන්න අයත් රට ණය කරා. ණය අරන් ණය ගෙව්වා. ණය අරන් ලාභ ලබන දේවල් කලේ නෑ. කරපු දේ ඔබේ හෘද සාක්ෂියම දන්නවා. ලාභ ලැබෙන දේ කළා නම් අද ණය ගෙවන්න ණය ගන්නේ නෑ. මහින්දගේ කාලෙත් ණය ගෙවන්න ණය ගත්තා. ඉදිරියටත් මේ කවුරු අාවත් කරන්නේ මේ දේම තමා. ණය ගන්නේ සැප විඳින්නේ ඔවුන් ණයගෙවන්නේ දුක් විඳින්නේ අප. ඔවුන් පරම්පරා ගාණකට හොයාගෙන ඉවරයි. මතක තබා ගන්න පිහිය රත්තරන් විය හැක හැබැයි අැන්නොත් වෙන්නේ එකම දේ.
Hafeel Wednesday, 16 January 2019 04:45 PM
ණය බර අඩු කරන්න ආපු ආණ්ඩුව. මේ ප්රධාන පක්ෂ දෙකටම කිසිම සැලැස්මක් නැහැ රටේ ණය බර අඩුකරන්න.
CHANDIMAWednesday, 16 January 2019 05:00 PM
හිටපු උන් ණය අරන් කොටසකින් වැඩකරලා කොටසක් හොරා කෑවා. මේ අය ගන්න ණය මහබැංකුවට දාලා අපිට ගෙවන්න කියලා පස්සේ කුට්ටිය පිටින්ම හොරා කනවා. වෙන උන් පැනයන්න කිට්ටුව පින් දහම් කරනවා. හැට පැනලා වෙවුල වෙවුල තවත් හොරාකනවා.
d.upul Wednesday, 16 January 2019 10:53 AM
ඇති වෙයිද මන්දා, මේ හොරාකන කැවිල්ලට...
upali Wednesday, 16 January 2019 10:56 AM
ණයක් ගන්න එකත් මෙයාලට හරි වීරකමක් වෙලා.. මෙහෙම ගියොත් රටට අබ සරණයි. කැබිනට් එක තව වැඩිකරමු ආණ්ඩුක්රම ව්යවස්ථා හදමු. එතකොට සේරම හරි..
Nuwan Wednesday, 16 January 2019 11:34 AM
ඡන්දයක් ළඟ එන නිසා මොනවා හරි අවිධිමත් සංවර්ධන වැඩ, බොරු රැකියා මවලා කරලා ජනතාව රවට්ටන්න වගේ යන්නේ....
Indunill Wednesday, 16 January 2019 11:41 AM
ඔබේ බාප්පද ගෙවන්නේ ඔව්ව...? පාර්ලිමේන්තුවේ හරක් 225 ට කන්න තණකොළ ගේන්න ඔච්චර යනවද?
ජයන්ත මිලානෝ Wednesday, 16 January 2019 11:50 AM
මෙහෙම ණය ගන්න එක අපට දුකක් වුණාට එතුමන්ලාට සතුටක්... තව මාස කීපයක් පවතින රජය... හැකිතාක් ඉදිරි මැතිවරණයට අවශ්ය මුදල් උපයාගන්න අවශ්ය නිසා කොමිස්, හොඳ වාහනයක් මෙමගින් ගන්නට මග පාදාගත හැකිවීමයි...
sampath Wednesday, 16 January 2019 12:21 PM
ණය ගන්නෝ වැනසෙන්නෝ කියලයි පැරැන්නෝ නම් කිව්වේ. අර ණය ගෙවන්න ඉදිරිපත් වුන කෙනාගෙන් ණය ගත්තොත් මොකද වෙන්නේ?
chandima Wednesday, 16 January 2019 12:54 PM
ඒ මොකද? සුදු බාප්පලා දෙන්න බැහැ කිව්වද?
saman Wednesday, 16 January 2019 12:56 PM
ගත්තට කමක් නැහැ. එ්ත් මහබැංකුවට නම් දාන්න එපා. ගෙවන ණයක් කෙලින්ම ගෙවලා දාන්න. නැතිනම් ඕකටත් විදලා තමයි මාරුවෙන්නේ.
Kamal Wednesday, 16 January 2019 01:06 PM
ඕන මෝඩයෙකුට තේරෙනවා එක ණයක් ගෙවන්න, තව ණයක් ගත්තාම හරියනවද කියලා? රටේ වියදම් අඩුකරගන්න මොනවද තියෙන අදහස ආණ්ඩුවට... විපක්ෂයටත් එහෙමමයි. මේ වෙලාවේ ඔක්කොම පටි තදකරගන්න ඕන වෙලාව... ඒ වුණාට අලුත් ප්රාඩෝ නැතුව පාර්ලිමේන්තු එන්න පුලුවන්ද මේ අයට? රට කන හැතිකරේ..
wasanthaWednesday, 16 January 2019 02:01 PM
මේ කතාව ඇත්ත. රටේ ආර්ථිකය ඉහටත් උඩින් ණය වී තිබුණත්, අපේ මැති ඇමැතිලා පාවෙන වාහන එංගලන්තේ මහ රැජිනටවත් නැතුව ඇති...
Janahitha Wednesday, 16 January 2019 01:08 PM
වෙන මොනවා කරන්නද හැබැයි කියන්න එපා මේවා මහින්ද ගත්ත ණය කියලා...
lanka Wednesday, 16 January 2019 01:15 PM
කව්රු කෙසේ කීවත්, අද පැහැදිලිවම අපට තිබෙන්නේ නය රෝල් කරමින් ඉදිරියට යන ආර්ථිකයක්. මෙයට එක් ප්රධාන හේතුවක් නම් අතීතයේ ලබාගත් ණයෙන් ඉදිකරනලද මහා මාර්ග, වරාය, ගුවන් තොටුපළවල් වැනි දෙයින් ලබාගත් ණය ආපසු ගෙවීමට තරම් අාදායමක් නොලැබීමයි. තව හේතුවක් නම් මහජනයා විසින් රටට ආනයන කරන ඉන්ධන වැනි අත්යවශ්ය දේ සඳහා වැඩිපුර සිල්ලර මිලක් ගෙවීමට අකමැත්තක් දැක්වීමයි. එබැවින්, මා සිතන්නේ අද රටේ ඇති ආර්ථික තත්වයට දේශපාලකයින් සහ මහජනයා යන දෙපාර්ශවයම එකසේ වගකිව යුතු බවයි.
නිමල් Wednesday, 16 January 2019 02:41 PM
ගමු ගමු. හොසේට ණය ගමු. අපිට සේවය කරලා ඔයගොල්ලෝ සැප සම්පත් ලබාගෙන ගියාම අපි ඉන්නවා ඕවා ගෙවන්න...
wipula Wednesday, 16 January 2019 02:55 PM
මුළු ලෝකෙම වගේ දන්නවා ශ්රී ලංකාව, china debt policy එකට අහුවෙලා දැන්,ණය ගෙවා ගන්න බැරි කමට රටේ කොටස් විකුණනවා කියලා, තවත් ණය අර ගැනීම දැනදැනත් වලේ වැටෙනවා වගේ වැඩක්.. අපිට කියලා කියන්න අවුරුදු 2500 සංස්කෘතියක් තිබුණට වැඩක් නැහැ. අපට කියලා කියාගන්න ලෝකේ තියෙන එකම තැනින් කැබලි කැබලි දවසින් දවස විකුණන්න වුනොත්....
ධම්ම Wednesday, 16 January 2019 04:03 PM
මේ ණය ගෙවන්න රටේ කොයි කෑල්ලද විකුණන්න හිතාගෙන ඉන්නේ ඉරාන් මහත්තයා...?
hasantha Wednesday, 16 January 2019 04:27 PM
මෙහෙම අපිට වෙන කව්රුත් ණය දෙන්නේ නෑ. ඒ හින්දා ඕගොල්ලෝ දෙන්න කියල ඉල්ලුවම තියෙන අඩුම පොලියටද දෙන්නේ නැත්තම් වැඩිම පොලියටද? එදා වේල කන ආර්ථික දැක්මක් තියෙන රටක ඉපදෙන්න අපි හැමෝම පව් කරලා තියෙන්න ඕන.
naya denna Wednesday, 16 January 2019 06:07 PM
දැන් එදා එයා ගත්ත ණය, මෙදා මෙයා ගෙව්වලුනේ ,දැන් මෙයා මෙදා ගන්න ණය ආයෙත් එයා ඊළඟට ගෙවයි
maheshika Wednesday, 16 January 2019 08:49 PM
මුහුණු පොතේ ආතල් දෙන කට්ටිය ඔන්න බලාගන්න ලොකුම ණය වාරිකය ගෙවන්නේ කොහේ තියන සල්ලිවලින්ද කියල.
De Silva Wednesday, 16 January 2019 10:22 PM
චීනෙ ණය උගුලකට රට අහුවෙලා කිය කිය චීනෙන්ම ණය ගන්න ආණ්ඩුව.
ලුම්බිණි Wednesday, 16 January 2019 11:14 PM
මෙම ණය "මුදල්වලින් ඉදිරි මාස කිහිපයේදී ගෙවීමට තිබෙන ණය නැවත ගෙවීම් ගෙවා අවසන් කරන්න පුළුවන්". ණය ගැනීම ගැන කවුරුත් විවේචනය කලත් අරගෙන තිබෙන ණය ගෙවන ක්රමයක් ගැන කිසිම කතාවක් නැහැ.
damitha Wednesday, 16 January 2019 11:34 PM
බැරිනම් දාලා යන්න පව් නොදී. අපිට ළමයි ඉන්නවා. උන්ට කවද හරි ඔය ණය ගෙවන්න වෙනවා.
දිලුම් Thursday, 17 January 2019 04:57 AM
රටේ ප්රමාණයට වඩා වැඩි ඇමති හැතිකරේ සහ අඹු දරැවො නඩත්තු කර කර සැප දෙන්න මේ ගන්න ණය මදිවෙයි. දැං රනිල්ට තියන එකම ප්රශ්නේ දෙවනි වතාවට අගමැති වෙන්න යනකොට ටී.එන්.ඒ එකට උන පොරොන්දුව ඉටු කරන එක.
Rohana Thursday, 17 January 2019 06:21 AM
කලින් ගත ණය හරියට පරිහරණය කලේ නැත්නම් ණය රෝල් කරන්න වෙනවා. ලංකාව ඇත්තටම ණයෙන්ම ජීවත්වෙන පවුලක් වගෙයි.