ගුවන් හමුදා බස් රථයකට රත්ගමදී ගල් ප්‍රහාරයක්

තමන්ට වූ අසාධාරණය වෙනුවෙන් සටන් කිරීම අප අගය කරන්නෙමු. නමුත් රජයේ දේපළ, රජයේ නිලධාරීන්ට මෙන්ම කිසිඳු කෙනෙකුට හිංසා වෙන අන්දමින් හැසිරෙන "උරගයන්ගේ ක්‍රියාවන් " අප කිසිසේත්ම අගය නොකරන්නෙමු. අප කිසිවෙකුට තව කෙනෙකුට හානියක් වෙන ආකාරයට හැසිරීමට කිසිඳු අයිතියක් නැති බැවින් මෙම ජඩ ක්‍රියාව කළ" නිවටයන්ට " උපරිම දඬුවම් දියයුතුය...

පාරවල් අවහිර නොකර, නිලධාරීන්ට පහර නොදී රජයේ දේපල විනාශ නොකර මාර්ගය දෙපස සිට නිහඬ විරෝධාතයක් කළානම් මෙතනින් යන වාහනවල ගමන් කරන සියලුදෙනාම මෙය දකින අතර සියලුදෙනාගේම අනුකම්පාව මොවුන්ට ලැබෙනවා. තුවාල ලබපු හමුදා සෙබළු දකින කොට රටේ මිනිසුන්ට ඇතිවෙන්නේ කේන්තියක්, ගුවන් හමුදාවට ගල් ගහපු කාලකන්නි ටික ඉස්සෙල්ලම අල්ලලා හිටින්න ඕනේ...

ඔය රත්ගම කියන ගමේ වැඩිපුරම ඉන්නේ නූගත්තු. මේවා කරන අහිංසක මිනිස්සු කොච්චර රස්තියාදු වෙනවද?

රත්ගම දේශප්‍රේමී ජනතාවගේ නවතම රණවිරු උපහාරය... බැරිවෙලාවත් මේක වෙන කාගෙන් හරි උණානම් බලන්න තිබුණා මේ ගහපු අයම බැනර් උස්සන් පාරේ පෙලපාලි යනහැටි ‘‘ රණවිරුවන්ට පහරදීම් හෙලා දකිමු‘‘ කියලා...

මිනිසුන් රැකීමට බලය පවරා ඔවුන් අතට පත් කළ ගිනිඅවි වලින් රැකිය යුතු මිනිසුන් අමුඅමුවේ මරා දමන ලංකාවේ ආරක්ෂක අංශවල පුද්ගලයින්ට නිහඬ විරෝධතා පෑමෙන් පලක්නැත. ඉතිහාසය පුරාම අපි නිහඬ විරෝධතා පල කලෙමු.. ගමේ සිරිපාලගේ සිට කතුවරුන් දක්වා මේ ආරක්ෂක අංශ මගින් මරා දමන ලදී.. මේ තවත් එක් සිදුවීමකි.. හෙට මේ පුවත් ලියන මම හෝ බලන ඔබ විය හැක.. මෙය අළුගෝසුවන්ගේ දේශයම බව ලංකාවේ ආරක්ෂක අංශ මගින් දිනෙන් දින ඔප්පු කරමින් සිටී.. නිරායුධ අහිංසකයින් අසරණය..

විරෝධතාවයක් පැවැත්වුවත් එය නිසියාකාරව තිබිය යුතුයි. ඔබ හට යම්කිසි අසාධාරණයක් වූවානම් එයට ගත යුත්තේ අනෙකුත් මිනිසුන් හට බාධා වනසේ උද්ඝෝෂණය කිරීම නොව ඔබගේ අසාධාරණය වෙනුවෙන් පෙනී සිටින්න. මෙකී අවස්ථාවලදී අනුන්ගේ පහනින් එළිය බලන බොහෝ පිරිස් මාන බලමින් සිටින්නේ මොන යම් හෝ ආකාරයකින් ඔවුන්ගේ අවශ්‍යතාවයන් සපුරා ගැනීමට ඔබ ප්‍රවේශම් වන්න. අප රට වෙනුවෙන් දිවි පුදා මහත් සේවයක් කලාවූ ගුවන් හමුදාවට කලාවූ මේ පහත් වැඩේ කරන්න ඇත්තේ මෙතන උද්ඝෝෂණය ලොකු කලබලයක් හැටියට පත් කිරීම සඳහා කවුරුන් හෝ සැලසුම් කිරීමක් විය හැකිය.

"ධම්මො හවෙ රක්ඛති ධම්මචාරි" (ධර්මයෙහි හැසිරෙන්නා ධර්මය විසින් ආරක්ෂා කරයි.) යන පාලි පාඨය පොලිස් නිල ලාංඡනයයෙහි ඇත. පොලිස් නිල හිස් වැසුමේ මෙම දහම් පදය බැබලේ. පොලිස් නිල කබායේ බාහු යුග්මයේ ඇමිණූ ධර්ම චක්‍රය සහිත ලාංඡන දෙකකි. අපරාධ මැඩීමට සිටින පොලීසිය මෙවැනි අපරාධ කිරීම පිළිබඳව, ඇසීම කොතරම් අභාග්‍යයක්ද? එයද දහම් පාඨය සහිත ලාංඡනය හිසේ පැළඳ ධර්ම චක්‍ර සහිත ලාංජන අත් බාහුවල පැළඳගෙනය. ඇතැමෙක් මනුෂ්‍ය ඝාතන කරයි! අනීතිකව වදහිංසා කරයි! ඇතැමෙක් ඇත්ත නැත්ත කරයි! නැත්ත ඇත්ත සේ මවා පායි! කොතෙක් නම් සුරාවට ඇබ්බැහි වී ඇද්ද? බලය ඇත්තන් ඉදිරියේ හිස නමයි! බලය නැත්තන්ට කඩා පනී. බැණ අඩ ගසයි! අත් බාහු දෙකේ ධර්ම චක්‍ර සහ හිස් වැසුමේ ඇති දහම් පදය අමතක වූ සේය! මේ කියනුයේ සියලු නිලධාරින් ගැන නොව එයට සම්බන්ධ වූවන් ගැනය. පොලීසියේ ආරක්ෂාව, නීතියේ රැකවරණය ජනතාවට ඇවැසිමය. එක් කලක “ධර්මිෂ්ඨ සමාජයක්” යනුවෙන් මුද්දරයක් නිකුත් විය. ධර්ම චක්‍රයේ භාගයක් පොළොව යටය; භාගයක් පොළොව උඩය; ඒ මුද්දරය නිකුත් වූ හැටිය; වැඩ සිදුවූයේත් ඒ ලෙසය. පොලිස් නිල ලකුණෙහි දහම් පදය අඩුනැත..

මේ සිද්ධිය උතුරු, නැගෙනහිර සිදුවුණානන්, ඒකාබද්ධය කියාවි ඔන්න කොටි ආයිත් නැගිටිලා කියලා....

පවුළේ සමීපතමයකුට බරපතළ අකරතැබ්බයක් වනවිට පවුළේ උදවිය කලබලවීම සාධාරණයි... නමුත් රටට පාඩු ඇති කරගෙන අනුන්ට කරදරයක් වන විදිහට හැසිරීම පිළිකුල් සහගතයි.

සිද්ධියට අදාල පරීක්ෂණ නිවැරදිව සිදුකරගෙන යන බව කවුරුත් දන්නවා. වැරදි කරුවනුත් ආ ගිය මුල ගිය තැනුත් මම හිතන්නේ හදුනගෙන. ඉදිරියට අපි නොහිතන අයත් සමහර විට පටලැවේවි. මේ උද්ගෝෂණය කවුරු කුමන අරමුණක් උදෙසා කලාද යන්න සැකයි. සමහර විට පරීක්ෂණ යට ගහන්න ගන්න උත්සාහයක්ද දන්නෙත් නැහැ. මීට සම්බන්ධ වුන ගමේ අය මීට වඩා බුද්ධිමත් වෙන්න ඕන.

විඩියෝ එකේ තිබුනෙ නම් වෙන දෙයක්

කෝ අපේ නීතිය සහ සාමය ඇමති?

මේ කරපු අපරාදෙට මුළු රටේම පොලිසි ඉස්සරහා‍ විරෝධතා දක්වන්න ඕනෑ...