(රංජන් කස්තුරි)

ගුරුවරුන්ගේ වැටුප් විෂමතා ඉවත් කළ යුත්තේ වසර කිහිපයක් තුළ පියවරෙන් පියවරට යැයිද ඇතැම් ගුරුසංගම් මස් රාත්තලම ඉල්ලන බවද ශ්‍රී ලංකා පොදුජන අධ්‍යාපන සේවා සංගමයේ සභාපති වසන්තා හඳපාන්ගොඩ මහත්මිය පැවසුවාය.

දරුවන්ට අධ්‍යාපනය ලබා දීම ගුරුවරුන්ගේ වගකීමක් බැවින් ඔන්ලයින් වර්ජනය අතහැර වෙනත් ක්‍රියාමාර්ග මගින් වැටුප් දිනා ගත යුතු බවද වසන්තා හඳපාන්ගොඩ මහත්මිය පැවැසුවාය.

අධ්‍යාපන ඇමතිවරයා ලබන සඳුදා කැබිනට් මණ්ඩලයට ඉදිරිපත් කරන පත්‍රිකාවෙන් ගුරුවැටුප් විෂමතාවයට විසඳුම් ලැබෙනු ඇතැයි අපේක්ෂා කරන බවද හඳපාන මහත්මිය පැවසුවාය.

ඇතැම් ගුරු සංගම් නායකයන්ට ඇත්තේ දේශපාලන අරමුණු වන අතර තවත් පිරිසක් ආණ්ඩු විරෝධී අරමුණක සිටින බවද සභාපතිවරිය පැවසුවාය.