කුළියට සාමාන්‍ය පෙළ ලියා පොලිසියෙන් නවතී

(ඩී.ජී. සුගතපාල)

අ‍.පො.ස. සාමාන්‍ය පෙළ විභාගයට වලස්මුල්ල ජාතික පාසලේ විභාග මධ්‍යස්ථානයේ පෙනි සිටින පුද්ගලික අයදුම්කරුවෙකු වෙනුවට පෙනී සිටි වෙනත් අයෙකු වලස්මුල්ල පොලිසිය විසින් අත්අඩංගුවට ගෙන ඇතැයි දකුණු පළාත් අධ්‍යාපන දෙපාර්තමේන්තු පවසයි.

වලස්මුල්ල ජාතික පාසලේ අංක 5 විභාග ශාලාවේ පෙනී සිටීමට නියමිත වලස්මුල්ල නතුවල ප්‍රදේශයේ පුද්ගලික අයදුම්කරු වෙනුවට වලස්මුල්ල බෝවල පහළ ප්‍රදේශයේ සිසුවෙකු ව්‍යාජ ලෙස විභාගයට පෙනී සිටියදි විභාග ශාලාධිපති විසින් පොලිසියට දැන්වීමෙන් පසු පොලීසිය පැමිණ ඔහු අත්අඩංගුවට ගෙන ඇත.

සැකකාර සිසුවා 2020 උසස් පෙළ විභාගයට ගණිත අංශයෙන් පෙනී සිට ප්‍රතිඵල අපේක්ෂාවෙන් සිටින සිසුවෙකු බවද අනාවරණය වී තිබේ.

සැකකාර සිසුවා අද (06) වලස්මුල්ල මහේස්ත්‍රාත් අධිකරණය වෙත ඉදිරිපත් කිරීමට නියමිතය.

අදහස් (5)

කුළියට සාමාන්‍ය පෙළ ලියා පොලිසියෙන් නවතී

විපරමා Saturday, 06 March 2021 09:08 AM

සමහර නායකයොත් නීති විභාග පාස්කරපු විදිය බලපුවාම සාමාන්‍ය පෙළ ලියන එක මහ කජ්ජක් ද කියලා හිතුණා...

: 5 24

සමිත සේනක අලුත්ගමගේ.Saturday, 06 March 2021 04:46 PM

කතාව සහතික ඇත්ත. පොලීසිය පනින්නේත්.. මේ වගේ දේවල් වලට විතරයි. රටේ නීතිය හා සම්බන්ධ විභාග හොරෙන් කරපුවා අල්ලනවා තියා ඒ ගැන කතාකරන්නත් බයයි. බලය ඇති අය කරනා වැරදි අල්ලන්නේ නැහැ. ඒත්, පොඩිමිනිහා කරන දේ මහා ඉහළින් අල්ලනවා. " උස් තැන් දැක හැකිලෙන්නේ ... මිටි තැන් දැක පුප්පන්නේ ... නිවටුන් බව ... "

: 0 0

කපුරුහාමි Saturday, 06 March 2021 12:19 PM

ලංකාවේ සිදු වුණු, සිද්ද වෙන දේවල් දිහා බැලුවාම කවර කතාද?

: 0 0

Always breakdown Saturday, 06 March 2021 12:35 PM

ශුවර් එකට 69 ලක්ෂයේ බයියෙක් වෙන්නැති ගමේ පළාත වලස්මුල්ලේනේ...

: 0 0

Demuni Uduwara Saturday, 06 March 2021 03:42 PM

දේශපාලකයින්ගේ පුත්තුන්ටත් නීතිය යෙදවිය යුතුයි.

: 0 0