(ජයන්ත සමරකෝන්)

 

කොළඹ නගරයේ ඇගලුම් කම්හල්, ඉදිකිරිම් වැඩබිම් හා වරාය ආශ්‍රීතව අහඹු ලෙස තෝරාගත් ස්ථානවල සේවකයින්ගේ පීසිආර් පරීක්ෂණ සිදුකිරිමට කොළඹ මහ නගර සභාව තීරණය කර ඇත.

ඒ අනුව අද (9) දිනය තුළ පීසීආර් පරීක්ෂණ 200 ක් සිදුකළ බවද, කොළඹ ප්‍රධාන සෞඛ්‍ය වෛද්‍ය නිලධාරී රුවන් විජයමුනි මහතා පැවසීය.

කොළඹ නගරයේ ඇගලුම් කම්හල්වල අඛණ්ඩව මෙම පීසිආර් පරීක්ෂණ සිදුකිරිමට තීරණය කර ඇතැයි ද කීය.

අහඹු ලෙස තෝරාගන්නා ස්ථානවල සේවකයින් මේ අනුව පිසිආර් පරීක්ෂණ වලට යොමුකර වාර්තා ලබාගන්නා බවද හෙතෙම සඳහන් කළේය.

කොළඹ නගර සභා සේවකයින් 402 කගෙන් ඉකුත් දා ලබාගත් පීසීආර් පරීක්ෂණවල ප්‍රතිඵල මෙතෙක් ලැබී නැතැයි ද ඔහු කීවේය.