(ජයන්ත සමරකෝන්)

කළුතර බන්ධනාගාරයේ කළ හදිසි සෝදිසි මෙහෙයුමකදී එහි බී-6 දරන සිර වාට්ටුවේ සඟවා තිබූ ජංගම දුරකතන 3ක් සිය බාරයට ගත් බව බන්ධනාගාර බුද්ධි අංශය පවසයි.

බී-6 සිර වාට්ටුවේ බිත්ති තුළ මෙම ජංගම දුරකතන සඟවා තිබී ඇත.

නිරන්තර සෝදිසි කිරීම් හේතුවෙන් තහනම් භාණ්ඩ මෙම බන්ධනාගාරය තුළට ගෙනඒම සෑහෙන දුරකට පාලනය වී ඇතැයි වාර්තා වේ.

විටින්විට බන්ධනාගාරය පිටුපස ආරක්ෂිත තාප්පයෙන් වීසිකරන තහනම් භාණ්ඩ හැරුණුවිට වෙනත් ආකාරයකින් ඒවා ලැබෙන්නට ඉඩකඩක් නැතැයිද දැනගන්නට තිබේ.

බන්ධනාගාර කොමසාරිස් ජනරාල් තුෂාර උපුල්දෙණිය මහතාගේ නවතම වැඩපිළිවෙළ යටතේ මෙම අඛණ්ඩ වැටලීම් සිදුකෙරේ.