(රොමේෂ් මධුෂංඛ)  

විකිණීම සඳහා කාර් රථයක් තුල ඉතා සූක්ෂමව සඟවාගෙන රැගෙන ගිය කේරල ගංජා කිලෝ 18 ග්‍රෑම් 220 ක් සමගින් සැකකරුවන් දෙදෙනෙකු වව්නියාව ඊරට්පෙරියකුලම පොලිස් වසමේ ඖෂධපිටිය ප්‍රදේශයේදී කැබිතිගොල්ලෑව පොලිස් විශේෂ කාර්ය බලකා කඳවුරේ නිලධාරින් විසින් අත්අඩංගුවට ගනු ලැබීය.

කැබිතිගොල්ලෑව පොලිස් විශේෂ කාර්ය බලකා කඳවුරේ නිලධාරීන්ට ලැබුනු බුද්ධි තොරතුරකට අනුව එහි නිලධාරින් විසින් ඖෂධපිටිය ප්‍රදේශයේ සෝදිසි මුරකාවල් යොදා සිටියදී එම මෝටර් රථය යාපනය මහනුවර ඒ - 9 ප්‍රධාන මාර්ගයේ ධාවනය වෙමින් සිටියදී නවතා සිදුකරන ලද සෝදිසියකදී මෝටර් රථයේ පිටුපස සඟවා තිබූ කේරල ගංජා තොගය සමග මෝටර් රථයේ සිටි සැකකරුවන් දෙදෙනෙකු අත්අඩංගුවට ගනු ලැබීය.

එහිදී අත්අඩංගුවට ගත් සැකකරුවන් දෙමටගොඩ සහ මෝදර ප්‍රදේශයන්හි පදිංචිකරුවන් වන අතර ඔවුන් සමග මෝටර් රථයද කේරල ගංජා තොගය සමගින් වැඩිදුර පරික්ෂණ කටයුතු සඳහා ඊරට්පෙරියකුලම් පොලිස් ස්ථානය වෙතට බාර දීමට පියවර ගෙන ඇත.