(ආනන්ද ඉ ජයකොඩි)
කොරෝනා වයිරසය ආසාදනය වි දුර මධ්යස්ථානයක ප්රතිකාරගෙන සුවය ලබා නැවත පැමිණෙන පුද්ගලයන්ගෙන් මහා පරිමාණ මුදල් ගසා කෑමක් කර ගෙන යන බව ශ්රී ලංකා මහජන සෞඛ්ය පරීක්ෂකවරුන් ගේ සංගමයේ උප සභාපති ඇස් ඒ යූ ටී කුලතිලක මහතා පවසයි.
යාපනය ප්රතිකාර මධ්යස්ථානයක දී සුවය ලබා ඇති රෝගීන් පිරිසක් වෑන් රථයකින් ගම්පහ සිය නිවෙසට පැමිණීමට එක් අයකු ගෙන් රුපියල් 6000 බැගින් අයකරගෙන ඇති බවද උප සභාපතිවරයා කියයි.
වයිරසයෙන්සුව වූ රෝගීන් රැගෙන යාමට වාහන නැති බවත් නිවාසවලට යාමට අවශ්ය නම් පුද්ගලික වාහන වලින් යා යුතු බව පවසා එසේ වාහන රැගෙන දී මුදල් ගරා ගැනීමක් කරන බවත් උප සභාපතිවරයා වැඩිදුරටත් සඳහන් කළේය.
මෙය බලවත් අසාධාරණයක් බවත් මේ තත්ත්වය යටතේ සුවය ලබා ඇති රෝගීන් දොස් පවරන්නේ ප්රතිකාර මධ්යස්ථානවලට යැවීමට මූලික වූ මහජන සෞඛ්ය පරීක්ෂකවරුන් හට බවද උප සභාපතිවරයා කීය.
මෙම මුදල් ගසා කෑම වහාම නැවැත්විය යුතු බවද පැවසූ උප සභාපතිවරයා අනෙක් පැත්තෙන් ගම්පහ දිස්ත්රික්කයේ සාමාන්ය ජනතාවට එන්නත් නැති බවට ප්රකාශ කරන නමුත් දේශපාලන බලපෑම් මත යම් යම් ස්ථාන වලදී කොවිඩ් එන්නත් ලබා දීම කර ගෙන යන බවද උප සභාපතිවරයා කියා සිටියේය.
COMMENTS
නව නීති ක්රියාත්මක වීමෙන් මහජන ආරක්ෂාව වැඩි වන බව ඉතා පැහැදිලිව පෙන්වන ලිපියක්.
තවත් අදහස් හා දත්ත සමඟ මෙම විශ්ලේෂණය යාවත්කාලීන කරලා නම් හොඳයි.