2025 නොවැම්බර් මස 24 වන සඳුදා
(විනීතා එම් ගමගේ)
අපොස සාමාන්‍ය පෙළ විෂයන් 6ක් සමත් වීම මූලික සුදුසුකම සේ සළකා බඳවාගත් ක්රීඩා පුහුණුකරුවන් 3850දෙනෙකුට අධ්‍යාපන අමාත්‍යංශය විසින් පත්වීම් ලබාදීම පිළිබඳව දැඩි විරෝධය පළ කරන බව ලංකා ගුරු සංගමය කියයි.
මෙම පිරිසට පත්වීම් ලබාදීම අද (12) අරලිය ගහ මන්දිරයේ දී සිදු කරන බවත් එම බඳවා ගැනීම් නීති විරෝධී යැයි ජනාධිපති මෛත‍්‍රිපාල සිරිසේන මහතාට දන්වා යැවූ බවත් ලංකා ගුරු සංගමයේ ප්රධාන ලේකම් ජෝසප් ස්ටාලින් මහතා ලංකාදීපයට පැවැසීය.
මෙම බඳවා ගැනීම් ජාතික මට්ටමින් සිදුකර ඇතැයි පැවසූ ස්ටාලින් මහතා 20,000 කට අධික තරුණ පිරිසකගෙන් මෙම පිරිස බඳවා ගෙන ඇත්තේ තරඟ විභාගයක්වත් නොපවත්වා සම්මුඛ පරීක්ෂණවලින් පමණක් යැයි ද කීය.
ඔවුන්ට ඇති එකම සුදුසුකම සේ සළකා තිබුණේ දිස්ති‍්‍රක් මට්ටමින් පාසල් කී‍්‍රඩා තරඟයකින් තෙවැනි ස්ථානය ලබා තිබීම බවත් මේ වනවිට මේ පිරිසට පුහුණුවකුත් ලබා දී ඇති බවත් ගුරු සංගම් ලේකම්වරයා සඳහන් කළේය.
අද දිනයේ ඇති ප‍්‍රධානතම අවශ්‍යතාවය වන්නේ ලක්ෂ 45ක් වන සිසු දරුවන් පිරිස පාසල් යැවීම සඳහා මව්පියන්ට ආරක්ෂාව පිළිබඳව සහතිකයක් ලබාදීම වුවත් එය වෙනුවට ආණ්ඩුව කරමින් සිටින්නේ මේ කටයුත්ත යැයි ද හෙතෙම කියා සිටියේය.
2025 නොවැම්බර් මස 21
76
0
ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක
2025 නොවැම්බර් මස 17
172
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1028
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
ක්රීඩා පුහුණුකරුවන් 3850ගේ පත්වීම්වලට ගුරු සංගමයේ විරෝධය
Piumi Sunday, 12 May 2019 09:00 AM
ඒක අසාධාරණ වැඩක්.. අපි කැම්පස් ගිහිනි ඩිග්‍රි ගන්නවා. පැත්තක ඉන්න අයට රජයේ රැකියා දෙනවා. අපේ රටේ දියුණුවක් නැත්තේ වංචාව නිසයි.
JayanthaSunday, 12 May 2019 09:38 AM
උපාධි ගත්තට රැකියාවට උවමනා සුදුසුකම් නැත්නම් ඒ උපාධියෙන් එම රැකියාවට කිසිම වැඩක් නැත. ඉන් ළමයින්ට කිසුදු පලක් නැත. රැකියා දිය යුත්තේ එම රැකියාවට අදාල Selection Criteria මත විය යුතුය.
ඇසිලින් නැන්දාSunday, 12 May 2019 01:08 PM
පියුමි කෙල්ලේ ඔයාගේ උපාධිය ක්රීඩා උපාධියක් නම් පත්වීමක් දෙන්න තිබුණා. ඔයාට පුළුවන් ක්‍රීඩාව මොකක්ද? උපාධියට ඔක්කොම කරන්න බැහැ. පාරේ පිකටින් කිරීම කඳුලුගෑස් වලට මුහුණදිම ක්රීඩා නොවෙයි.
Piumi Sunday, 12 May 2019 09:06 AM
ඒක අසාධාරණ වැඩක්. අපේ රට දියුණු වෙන්නේ නැත්තේ ඒ වගේ වංචා වැඩ නිසා.
මහින්ද Sunday, 12 May 2019 09:16 AM
ක්රීඩා ඉගෙන ගත්තොත් අධ්‍යාපනයට බාධා වෙනවා. ඉගෙන ගත්තොත් ක්රීඩා බැරිවෙනවා. උසස්පෙළ ප්‍රතිඵල අඩු වුනත් ක්රීඩා සහතික ඇත්නම් විශ්ව විද්‍යාලවලටත් ගන්නවා. පක්ෂ කණ්නාඩියෙන් බැලුවම ඔහොම පේනවා.
Jayantha Sunday, 12 May 2019 09:17 AM
මට නම් මේ පත්වීම් වල කිසිම වැරද්දක් පෙන්නේ නැත. අපොස සා පෙ කියන්නේ තරගකාරී විභාගයක්. එයත් සමග සමස්ත ලංකා පාසල් ක්රීඩා තරග සහතික පත් ඇත්නම්, ක්රීඩා ගුරුවරයෙක් වන්න එය අවම සුදුසුකමක් හැටියට වර්ගකීරීම ඉතා සාධාරන බව මාගේ හැගීමයි. ඒ දවස්වල සහ මෑත කාලේ සාමාන්‍ය පෙළ නැති ක්‍රිකට් හෝ රගර් ක්රීඩා කල අයට පුද්ගලික සේවයේ හෝ රජයේ සේවයේ උසස් තනතුරු දෙනකොට කවුරුත් කතා කරේ නැහැ. දැන් බලන්න ධම්මික රණතුංග, අසන්ත ද මෙල් සාමාන්‍ය පෙළ නැතිව සංස්ථා වල සභාපති වෙලා ඉන්නවා කවුරුවත් ඒවා ගැන කතා කරනවද. මේ ගමේ ගොඩේ ඉන්න ළමයින්ට රස්සාවක් දෙන්න හදනකොට ඔක්කොම නීති දානවා.
Sunil Gamage Monday, 13 May 2019 02:57 AM
දේශපාලන හා නිලධාරීන් විසින් සිදුකරන අයතා පත්වීම් ලබාදීමේ ක්‍රමවේදයන් සහමුලින්ම අවසන් කර ජනතාවට සාධාරණ හා යුක්තිසහගත ලෙස රැකියාවක් ලබාගැනීම සඳහා ඇති අයිතිය තහවුරු කිරීමට වෘත්තීය සමිති ඒකාබද්ධ වැඩ පිළිවෙළක් සකස් කළ යුතු ය.
Bamunuarachchi Monday, 13 May 2019 01:56 PM
පාසලේ ක්රීඩා දවසට දුවලා 3වෙනි ස්ථානය තිබීමත් ඕ ලෙවල් වැඩ 6 සමත් වීමත් ඩිග්‍රියක් ගන්නවා වගේද? කොච්චර වටිනවාද? හම්බයින්ගේ ඡන්දයට සිංහලයා පාවාදීම ගැන පුදුම වෙන්න එපා...