IMG-LOGO

කීඩෑ උවදුරට ලක්වූ කුඹුරු යායකට රන්න ගොවීහු ගිනි තබති

(චන්ද්‍රසේන ගමගේ)

රන්න - කට්ටකඩුවේ කීඩෑ උවදුරට ලක්වීමෙන් විනාශ වූ කුඹුරු යායකට අද (22) සවස ගොවීහු ගිනි තැබූහ.

රන්න කට්ටකඩුව ගොවීහු පවසන්නේ රන්න යායේ කුඹුරු අක්කර 250 ක් පමණ මෙම කීඩෑ උවදුර නිසා සම්පූර්ණයෙන්ම විනාශ වී ඇති බවයි.සශ්‍රීකව තිබූ තම කුඹුරු යාය හිටි ගමන්ම වියළී ගිය බවත් කෘෂිකර්ම නිලධාරීන් නිර්දේශ කරන ලද කෘමි නාශක යෙදුවද ඉන් ඵලක් නොවූ බවත් එම ගොවීහු පවසති.

එම නිසා රන්න යාය කීඩෑ උවුදුරෙන් මුදවා ගැනීම සඳහා විනාශ වී ගිය කුඹුරු සියල්ල ගිනි තබන්නට තමන් තීරණය කළ බවද ආපදාවට ලක්වූ කුඹුරු හිමියෝ පවසති.

එමෙන්ම කීඩෑ උවදුර නිසා හානියට පත් වූ කුඹුරු හිමියෝ පවසන්නේ තමන්ට සිදුව ඇති පාඩුව මගහරවා ගැනීම සඳහාත් ඉදිරි කන්නයේ නැවත වගාව ආරම්භ කිරීම සඳහාත් තමන්ට යම් සහනයක් වගකිව යුතු අංශ වලින් ලබා දීමට කටයුතු කළ යුතු බවයි.

ප්‍රදේශය භාර කෘෂිකර්ම පර්යේෂණ නිලධාරී විමලරත්න වනිගසිංහ මහතා පවසන්නේ කෘෂිකර්ම උපදේශකවරුන් හරහා අදාළ ගොවීන් දැනුම්වත් කළ බවත් ඒ අනුව ගොවීන් ක්‍රියා කළද කීඩෑ උවදුර මැඩ පැවැත්වීමට  නොහැකි වූ බවයි.

මෙම දිලීර හානිය හා කීඩෑ උවදුර පාලනය කර ගැනීම සඳහා හානියට පත් වූ කුඹුරු සියල්ල ගිනි තබන ලෙසට කෘෂිකර්ම නිලධාරීන් ගොවීන්ට උපදෙස් දුන් බවද ඒ මහතා වැඩි දුරටත් පැවසීය.

ඒ අනුව හානියට පත් වූ ගොයමට අද සවස ගොවීන් විසින් ගිනි තැබුවද පවතින වැසි තත්වය නිසා කුඹුරු යාය සම්පූර් ණයෙන් විනාශ කිරීමට නොහැකි වූහ.

ඉදිරි දින කිහිපයේදී හානියට පත් වු කුඹුරු සියල්ල ගිනි තබා විනාශ කරන බව රන්න යායේ ගොවීහු පැවසූහ.

 



අදහස් (4)

කීඩෑ උවදුරට ලක්වූ කුඹුරු යායකට රන්න ගොවීහු ගිනි තබති

jayath Friday, 23 August 2019 03:12 AM

රටම ගිනි අරගෙන නෙව තියෙන්නේ එහෙම එකේ මේ රන්න කුඹුරක් -ඇල්ලේ රක්ෂිතයක් ගිනිගන්න එක ඒ තරම් ගණන් ගන්න ඕන නැහැ

:       57       0

දිමුත්Friday, 23 August 2019 06:59 AM

ඔයා කන්නේ පාන්ද?

:       3       0

Bamunuarachchi Friday, 23 August 2019 07:01 AM

225 දෙනාගේ උවදුරෙන් බේරෙන්න රටට ගිනිතියන්න වේවිද?

:       0       0

Bamunuarachchi Friday, 23 August 2019 07:04 AM

අර රතු ටී ෂර්ට් හාදයා ගින්න නිවන්න හදනවා වගෙයි මට එකපාරට පෙනුනේ.

:       1       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 81 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 507 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 933 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site