(නිමන්ති රණසිංහ)
 
රුපියල් කෝටි 277කට අධික වටිනාකමකින් යුත් හෙරොයින් කිලෝග‍්‍රෑම් 231ක් ඡාවාරම් කළැයි කියන සිද්ධියේ ප‍්‍රධාන සැකකරු ඇතුළු සැකකරුවන් තිදෙනා ලබන 11 වැනි දා තෙක් තවදුරටත් රක්ෂිත බන්ධනාගාර ගත කරන ලෙස කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය අද (3) නියෝග කළාය.

මෙම එක් එක් සැකකරුවන් පිළිබඳව වූ චෝදනා සම්බන්ධයෙන් වෙන් වෙන්ම වාර්තාවක් එදිනට අධිකරණය වෙත ඉදිරිපත් කරන ලෙසට ද මහේස්ත‍්‍රාත්වරිය මත්ද්‍රව්‍ය නාශක කාර්යාංශය වෙත නියෝග කළාය.

ඒ අනුව මෙලෙස රක්ෂිත බන්ධනාගාර ගත කරනු ලැබුවේ බේරුවල පදිංචි දිනයාදුර දුලිප් ලසන්ත ද සිල්වා (41) එම්. රික්සි මොහොමඩ් සහ දිනයාදුර දිලිප් සුසන්ත නැමැත්තන්ය.

මෙම සැකකරු 1984 අංක 13 අබිං සහ අන්තරාදායක ඖෂධ වර්ගයක් වූ හෙරොයින් කිලෝග‍්‍රෑම් 231කයි ග‍්‍රෑම් 54ක් ඡාවාරම් කර සන්තකයේ තබාගත්තැයි කියමින් මත්ද්‍රව්‍ය නාශක කාර්යාංශය සැකකරුවන්ට එරෙහිව චෝදනා නගා ඇත.