කොටු පැන්න ඕ.අයි.සී ජංගම දුරකතනයෙන් මාට්ටු

(නයනජීව බණ්ඩාර)

මොණරාගල පොලිස් කොට්ඨාශයට අයත් පොලිස් ස්ථානයක ස්ථානාධිපතිවරයකු බව කියන අයකු තම අනියම් පෙම්වතියගේ නිවසට ගොස් ඇය සමඟ සිටියදී නිවසට පැමිණි ඇගේ සැමියා එම පොලිස් ස්ථානාධිපතිවරයාගේ ජංගම දුරකතනය හා පොලීසියට අයත් සුදු පැහැති හෙල්මටය තමා භාරයට ගෙන ඇතැයි වාර්තා වේ.

ඔහු විසින් පොලිස් ස්ථානාධිපතිවරයා තමන් නොමැති අවස්ථාවේ නිවසට පැමිණ බිරිඳ සමඟ අනියම් සම්බන්ධයක් පවත්වාගෙන ගොස් ඇති බවට මොණරාගල ජ්‍යෙෂ්ඨ පොලිස් අධිකාරීවරයාට පැමිණිල්ලක් කළේය.

මේ වන විටත් පොලිස් ස්ථානාධිපතිවරයාගේ ජංගම දුරකතනය හා හෙල්මටය අදාළ පුද්ගලයා සන්තකයේ පවතින අතර ඉදිරි විමර්ශනවලදී ඒවා ඉදිරිපත් කරන බව ඔහු පවසා ඇත.

ඔහුගේ පැමිණිල්ල සම්බන්ධයෙන් මොණරාගල පොලිස් අධිකාරී සිසිර කුමාර මහතාගේ නියෝග මත විමර්ශනයක් ද ආරම්භ වී තිබේ.

තමන් ඉකුත් 6 වැනිදා නිවසින් බැහැරව ගොස් නැවත රාත්‍රී 11.30ට පමණ නිවසට පැමිණෙන විට පොලිස් ස්ථානාධිපතිවරයා නිවසේ කාමරයක සිටි බවත්, පසුව තමා පොලිස් ස්ථානාධිපතිවරයාගේ හා බිරිඳගේ ජංගම දුරකතන ගත් බවත්, එම අවස්ථාවේ පොලිස් ස්ථානාධිපතිවරයා නිවසේ ඉදිරි දොර විවෘත කරගෙන පලා යාමට උත්සහ දරා ඇති බවත් ඒ අවස්ථාවේෙ තමා පොලිස් ස්ථානාධිපතිවරයා පසුපස එලවාගෙන ගිය බවත්, එවිට ඔහු පය පැටලී ඇද වැටුණු විට ජංගම දුරකතනයේ එළියෙන් ඔහුව හඳුනාගත් බවත් ඔහු සිය පැමිණිල්ලේ සඳහන් කර ඇත.

පොලිස් ස්ථානාධිපතිවරයා තම නිවසට පැමිණ තිබුණේ යතුරු පැදියකින් බව ද ඔහු පවසා ඇත.

මෙම පැමිණිල්ල සම්බන්ධයෙන් විමර්ශනයක් සිදුකර වාර්තාවක් ලබාදෙන ලෙස මොණරාගල පොලිස් අධිකාරී සිසිර කුමාර මහතා, මොණරාගල සහකාර පොලිස් අධිකාරී එස්.පී.කේ ගාල්ලගේ මහතාට උපදෙස් දී ඇකි අතර ඒ අනුව සහකාර පොලිස් අධිකාරීවරයා අදාළ විමර්ශනය ආරම්භ කර තිබේ.

අදහස් (12)

කොටු පැන්න ඕ.අයි.සී ජංගම දුරකතනයෙන් මාට්ටු

kumarage Friday, 08 October 2021 11:23 PM

පොලීසියේ බලට අරන් ගැහැණු ඩැහැගන්න මේ වගේ අය පොලිසියෙන් අයින්ම කරලා දාන්න ඕනේ...

: 1 5

අරුණ Saturday, 09 October 2021 01:44 AM

දන් දෙනවා කියල වචනයක් තිබුනට දන් ගන්නවා කියල වචනයක් නැහැ නේද? හැබැයි එක හිතින් දන් දෙන කෙනාට ලැබීමත් ඒ වගේමයි කියල දන් දෙන අය දන්නවා. ආදරෙත් ඒ වගේ. ඒක තියෙන්නේ දෙන්න විතරයි. ගන්න නෙවෙයි. ආදරේ ගන්න බලන් හිටියට කවදාවත් ලැබෙන්නේ නැ. එතකොට ලැබෙන්නේ ප්‍රශ්න විතරයි. දන් දෙනවා වගේ ආදරෙත් දෙන්න. එතකොට ඔයාටත් ලැබෙයි.

: 1 5

ලුම්බිණි Saturday, 09 October 2021 04:13 AM

පොලිස් රාජකාරි කරන කොට රැයද දවාලද කියල බල බල ඉන්න බැහැනේ.

: 0 5

පිටිගල මිලානෝ Saturday, 09 October 2021 08:47 AM

මා දන්නා පරිදි කොටු පැනීම ලංකාවේ ජනප්‍රිය ක්‍රීඩාවකි...

: 0 8

Don Saturday, 09 October 2021 09:23 AM

ඕ.අයි.සී. පොලිසියේ පුටුවේ ඉන්නකම් විතරයි චණ්ඩියා කියන්න හොඳම උදාහරණේ...

: 0 9

කිරි පුතා Saturday, 09 October 2021 10:04 AM

එම පොලිස් නිලධාරියා පමණක් නොව ඔහුට එම අවස්ථාව ලබාදුන් කාන්තාවද වරදට සමසමව වගකිව යුතුයි..

: 0 8

JAYATH Saturday, 09 October 2021 10:34 AM

මරු පොලිස් ස්ථානාධිපති, රෝන්දෙ ගිහින් සිවිල් වැසියෙක් පන්නාගෙන එනකොට දුවලා ගිහින්වත් බේරෙන්න බැරි අපූරු පොලිස් කාරයෙක්...!

: 0 12

RaveendraSaturday, 09 October 2021 11:21 AM

මිලකළ නොහැකි වටිනා නිල ඇඳුමේ මළපහ කළා මදිවට හතර වටේ එම ඇඳුමෙන්ම දුවනවා. මහජන මුදලින් නඩත්තු වන පොලිසියේ අදාළ නිලධාරින්ගෙන් කාරුණිකව ඉල්ලා සිටින්නේ මෙම "පොලිස් ස්ථානාධිපතියාගේ" සියලු විස්තර මාධ්‍යයට හෙළි කර පොලිසියේ වටිනා නිල ඇඳුමට පරිභව කළ මේ "ස්ථානාධිපතිට" උපරිම දඬුවම් ලබා දෙන ලෙසයි... පොලිස් දෙපාර්තමේන්තුවේ උසස්ම නිලධාරියාට මෙම අදහස් වෙනසකින් තොරව කියවීමට වාසනාව උදාවේවා..!

: 1 10

sira Saturday, 09 October 2021 11:29 AM

හරිනම් මේ මිනිහව ඕඅයිසී පුටුවෙන් පන්නලා, පාරේ සාමාන්‍ය රාජකාරිවලට දාන්න ඕනේ.

: 0 8

Rohana Saturday, 09 October 2021 02:43 PM

කොරෝනා බෝ කරගන්න කියාපු වැඩේ...

: 0 2

Pathum Saturday, 09 October 2021 03:14 PM

සමහරවිට රාජකාරි කටයුත්තක් නිසා බැලීමට යන්න ඇති.

: 0 4

ජෝසප් පෙරේරා Sunday, 10 October 2021 08:17 AM

මට තේරෙන්නෙ නෑ මොකක්ද මෙතන සිද්ධ වෙච්ච වැරදි වැඩේ කියලා. කාන්තාවගේ ආරාධනාව පිට ඇගේ කැමැත්තෙන් රාජකාරී නොවන වෙලාවට මෙහෙම යන්ඩ බැරිද?

: 1 4

ඔබේ අදහස් එවන්න

දියත

‘විපක්ෂට අපේ දේවල් කර තියාගෙන යන්න වෙලා‘

2025 මැයි මස 09 32 0

විපක්ෂයට ජාතික ජන බලවේගයේ සටන් පාඨ අරගෙන ඉදිරියට යාමට සිදුවීම රටේ ජයග්‍රහණයක් බව කොළඹ දිස්ත්‍රික් මන්ත්‍රී සුසන්ත දොඩාවත්ත මහතා:-(ජා.ජ.බ) පාර්ලිමේන්තු

දේශපාලක වරප්‍රසාද කපන යෝජනාව පාර්ලිමේන්තුවට

2025 මැයි මස 09 143 0

ශ්‍රී ලංකා පාර්ලිමේන්තුව නියෝජනය කරන මහජන නියෝජිතයින් සහ හිටපු රාජ්‍ය නායකයින් සහ ඔවුන්ගේ වැන්දඹුවන් භුක්ති විඳින වරප්‍රසාද සුදුසු ලෙස කප්පාදු කිර

මන්ත්‍රී විශ්‍රාම වැටුපට තට්ටු වන පනත ළඟ ළඟ එයි

2025 මැයි මස 09 215 0

පාර්ලිමේන්තු මන්ත්‍රී විශ්‍රාම වැටුප් පනත සංශෝධනය කිරීම සඳහා මේ වන විට කෙටුම්පත් කරමින් සිටින බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද වි

මාදුරුඔය ගුවන් අනතුරින් 6 දෙනකුගේ දිවි අහිමි වෙති

2025 මැයි මස 09 2171 1

මාදුරුඔය ජලාශයට අද (09) උදෑසන කඩාවැටුණු ගුවන් හමුදාවට අයත් බෙල් 212 හෙලිකොප්ටර් යානයේ සිටි හමුදා සෙබළුන් 6 දෙනෙකු මියගොස් ඇතැයි පොලීසිය කියයි.

රට බැංකු දෙකක හොඳ හිත ගන්න වැඩසටහනක්

2025 මැයි මස 09 292 0

ලෝක බැංකුවේ සහ ආසියා සංවර්ධන බැංකුවේ පූර්ණ අන්‍යෝන්‍ය විශ්වාසය පිළිබඳ කාර්ය රාමුව යටතේ ඉහළ ප්‍රමුඛතා සම්ප්‍රේෂණ සංවර්ධන ව්‍යාපෘති ක්‍රියාවට නැංවීම

ජනපති පාප්තුමන්ට සුබ පතයි

2025 මැයි මස 09 233 0

14 වැනි ලියෝ පාප් තුමන්ට ජනාධිපති අනුර කුමාර දිසානායක මහතා සුබ පැතුම් පළ කර තිබේ.