(මුදිතා දයානන්ද)


අගමැති මහින්ද රාජපක්ෂ මහතා ඇතුළු රජය ශක්තිමත් කිරිමට උපරිම දායකත්වය ලබාදෙන බව වනජීවි හා සංචාරක කටයුතු අමාත්‍යංශයට අභිනවයෙන් පත්වූ වසන්ත සේනානායක අමාත්‍යවරයා අද (31) පැවසීය. 


සේනානායක මහතා මෙසේ පැවසූයේ සිය අමාත්‍යංශය වැඩ භාරගැනීමේ අවස්ථාවට එක්වෙමිනි.


එහිදි තවදුරටත් ඔහු මෙසේද පැවසීය.


මම එක්සත් ජාතික පක්ෂයෙන් ඉවත් වෙලා නැහැ. තවමත් එක්සත් ජාතික පක්ෂයේ මන්ත‍්‍රීවරයෙක්.ඇමතිධුරයක් ගත්තා කියලා මන්ත‍්‍රීකමෙන් හෝ පක්ෂයෙන් ඉවත් කරන්න බැහැ. එක්සත් ජාතික පක්ෂයෙන් ඉවත් නොවී වෙනත් ආණ්ඩුවල ඇමතිකම් ගත්ත පළමු වැනියා මම නෙවෙයි. 


කරු ජයසූරිය මහතා පවා ජාතික අවශ්‍යතාවය සලකා එලෙස සිදුකර තිබෙනවා . 


මම මේ ආණ්ඩුව හදන්න එකතු වුණේ රටට හොඳ ආණ්ඩුවක්  ඕන, ඒක පවත්වාගෙන යන්න  ඕන කියලා හිතුව නිසයි. ඒ වගේම එක්සත් ජාතික පක්ෂයෙත් වෙනසක් වෙන්න  ඕන කියලා මා විශ්වාස කරනවා.ඩි. එස්. සේනානායක, ඩඩ්ලි  සේනානායක නායකවරුන්ගේ කාලයේ පැවති ප‍්‍රතිපත්ති සමඟ එක්සත් ජාතික පක්ෂය ගොඩනැගිය යුතුයි. කියලා මම විශ්වාසය කරනවා.  

(ඡායාරූප -  ජයමාල් චන්ද්‍රසිරි)