IMG-LOGO

2025 ඔක්තෝබර් මස 15 වන බදාදා


ඊජිප්තුවෙන් ගෙන්වූ නරක් වූ ලූනු කන්ටේනරයක් සොයාගනී

(කාංචන කුමාර ආරියදාස)

ඊජිප්තුවෙන් ගෙන්වන ලද, මිනිස් පරිභෝජනයට නුසුදුසු ලොකු ලූනු තොගයක් දඹුල්ල ආර්ථික මධ්‍යස්ථානය පිටුපස මාර්ගයේ  කන්ටේනර් රථයක තබා අලෙවි කිරීමට සූදානම්ව තිබියදී දඹුල්ල මහ නගර සභාවේ සෞඛ්‍ය ඒකකය සහ දඹුල්ල පොලිසියේ පරිසර ඒකකය මඟින්  අද(23) සොයා ගෙන තිබේ.

දඹුල්ල මහ නගර සභාවේ නගරාධිපති ජාලිය ඕපාත මහතාගේ උපදෙස් පරිදි අද සිට වහාම ක්‍රියාත්මක වන පරිදි මෙම පරීක්ෂාව සිදුකෙරිණි.
 
දඹුල්ල ආර්ථික මධ්‍යස්ථානය ආසන්නයේ පාකිස්ථානය ඇතුළු විදේශ රටවලින් ලොකු ලූනු සහ අර්තාපල් අල  ලියාපදිංචියකින්, වෙළඳ බලපත්‍රයකින් තොරව අලෙවි කිරීම  පිළිබඳව කළ පරීක්ෂාවක් අතරතුරදී පරිභෝජනයට නුසුදුසු ලොකු ලූනු කන්ටේනරය  හමුවී තිබේ.

මෙම ලූනු කන්ටේනරයෙන් දැඩි දුර්ගන්ධයක් සමග ජලය පිටතට පැමිණි බවද, පැළ වී තිබූ ලොකු ලූනු තිබූ බවද නිලධාරීහු කීහ.

දඹුල්ල මහ නගර සභාවේ සෞඛ්‍ය අංශයේ මහජන සෞඛ්‍යය පරීක්ෂක ප්‍රියන්ත ද සිල්වා   මහතා කියාසිටියේ මෙම ලූනු ආහාරයට ගැනීමට නුසුදුසු බවය. පැළ වීමෙන් පසුව ලූනු ගෙඩිය තුළ විසක් වර්ධනය වන බවත් ඒවා මිනිස් සිරුරට අහිතකර ඒවා බවත් ඔහු කීය.

මෙම ලොකු ලූනු තොගය ගෙන්වා ඇත්තේ කොළඹ ප්‍රදේශයේ ව්‍යාපාරිකයෙකු බවත්, කිසිදු වෙළඳ බලපත්‍රයක් හෝ වෙළඳසැලක් නොමැති ව්‍යාපාරිකයන් මෙම ලොකු ලූනු ගෙන්වා ආර්ථික මධ්‍යස්ථාන පිටුපස කන්ටේනර් රථ නවතා අලෙවි කරන බවත් මෙහිදී අනාවරණය වී ඇත.

ඊජිප්තුවේ සිට ගෙන්වා ඇති මෙම ලොකුලූනු වරායෙන් කිසිදු සොයා බැලීමකින් තොරව පිට කර ඇති බවත් මහජන සෞඛ්‍ය පරීක්ෂකවරු සඳහන් කළහ. කාන්තාවන් යොදවා පැළවුණු  ලුනු ගොබ  කඩා දමා හොඳ ලූනු බවට පත්කර  උත්සව සමයේ ජනතාවට අලෙවි කරන බවද අනාවරණය වී තිබේ.
 
දඹුල්ල නගරාධිපති ජාලිය ඕපාත මහතා කියා සිටියේ  පකිස්තානයේ ව්‍යාපාරිකයන් කිහිපදෙනෙකු දඹුල්ලට පැමිණ ඉතා රහසිගතව ආර්ථික මධ්‍යස්ථාන පිටුපස නගර සභාව සතු මාර්ග භාවිතා කරමින් මෙම ලොකු ලූනු සහ අර්තාපල් අලෙවි කරන බවය. අද සිට ප්‍රධාන මාර්ගයේ අලෙවිය තහනම් කරන බවද ඔහු කීය. ඒ අනුව පොලිස් කණ්ඩායම් සහ නගර සභාවේ විශේෂ පරීක්ෂණ කණ්ඩායම් වැටලීම් කරමින් ද සිටිති.

 



අදහස් (2)

ඊජිප්තුවෙන් ගෙන්වූ නරක් වූ ලූනු කන්ටේනරයක් සොයාගනී

Asanka Monday, 23 December 2019 12:30 PM

අපූරුයි අපූරුයි කවුරුත් දන්නේ නැහැ. පකිස්තානුවන් විසින් ඊජිප්තුවෙන් ගෙන්වලා ලංකාවේ කාන්තාවන් දම්මලා තෝරලා උත්සවසමයේ වෙළඳපළට යවනකන්ම කවුරුත් දන්නේ නැහැ..

:       0       0

සුදු බංඩාර Monday, 23 December 2019 12:51 PM

වටිනා පුවතක්.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 721 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 883 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී. 2025 සැප්තැම්බර් මස 23 372 0
ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී.

ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන

Our Group Site