(සුජිත් හේවාජුලිගේ)
ඉන්දියාවේ මේදිනවල වේගයෙන් පැතිර යන බී.1.617.2 හෙවත් ඩෙල්ටා කොවිඩ් වයිරස ප්රභේදය ආසාදනයවූ පුද්ගලයන් පස් දෙනකු කොළඹ දෙමටගොඩ ප්රදේශයෙන් හමුවූ බව කොරෝනා නව වයිරස ප්රභේද පිළිබඳ පරීක්ෂණ පවත්වන ශ්රී ජයවර්ධනපුර විශ්ව විද්යාලයේ වෛද්ය පීඨයේ ආසාත්මිකතා ප්රතිශක්තිවේද හා සෛල ජෛව විද්යා අධ්යයන අංශයේ ප්රධානී ආචාර්ය චන්දිම ජීවන්දර මහතා පවසයි.
මීට අමතරව බ්රිතාන්යයේ පැතිර ඇති බී117 ඇල්ෆා වයිරස ප්රභේදය ආසාදනයවූ ආසාදිතයන් පිරිසක් තවත් ප්රදේශ පහකින් සොයාගත් බවද ඔහු සඳහන් කරයි.
සෞඛ්ය අංශ ප්රධානීන් සඳහන් කරන අන්දමට ඉන්දියාවේ මේදිනවල සීග්රයෙන් පැතිර යන ඩෙල්ටා කොවිඩ් වයිරස ප්රභේදය මෙරට සමාජයෙන් හමුවූ පළමු අවස්ථාව මෙය වෙයි.
ඩෙල්ටා ඉන්දීය කොවිඩ් වයිරස ප්රභේදය ආසාදනය වූ දෙදෙනකු මෙයට පෙර මෙරටින් හමුවූවත් ඔවුන් දෙදෙනාම සොයාගෙන තිබුණේ මෙරට නිරෝධායන මධ්යස්ථාන දෙකකිනි.
මෙම ඉන්දීය වයිරස ප්රභේදය මෙරට මේ දිනවල ශීඝ්රයෙන් පැතිර යන බී117 ඇල්ෆා බ්රිතාන්ය වයිරස ප්රභේදයට සාපේක්ෂව පැතිරීමේ සීඝ්රතාව සියයට 50කින් පමණ ඉහළ අගයක් ගන්නා බවත් ඉන් දරුණු රෝග ඇතිවීමේ හැකියාවද වැඩි බවත් චන්දිම ජීවන්දර මහතා සඳහන් කළේය.
එසේම එක් කොරෝනා මර්දන එන්නත් මාත්රාවකින් මෙම ඉන්දීය ප්රභේදය පාලනය කළ නොහැකි බවත් ඔහු පැවසුවේය.
බ්රිතාන්ය ඇල්ෆා වයිරස ප්රභේදය ආසාදනය වූ පුද්ගලයන් හමු වී ඇත්තේ කොළඹ 6, කොළඹ8 ,කොළඹ 10 ,මඩකලපුව සහ ගාල්ල කරාපිටිය ප්රදේශවලිනි .
මේ සැර කොරෝනා වයිරස ප්රභේද ආසාදනය වූ පුද්ගලයන් හමු වීමෙන් පසුව ඔවුන්ගේ ළඟම ආශ්රිතයන් වෙන්කර නිරෝධායනය කිරීමට පියවර ගත් බව සෞඛ්ය අංශ ප්රධානීහු පවසති.
මෙම සැර කොරෝනා වයිරස ආසාදනවූ පුද්ගලයන් පිළිබඳ ජාන විශ්ලේෂණ වාර්තාව ආචාර්ය චන්දිම ජීවන්දර මහතා විසින් සෞඛ්ය සේවා අධ්යක්ෂ ජනරාල් අසේල ගුණවර්ධන මහතාට අද (17) පෙරවරුවේ බාරදෙනු ලැබීය
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඉන්දීය සැර කොරෝනා ප්රභේදය කොළඹින් හමුවෙයි
chandima Thursday, 17 June 2021 02:29 PM
අර නගර 100 සංවර්ධනය කරනන තියන මුදල් වලින් එන්නත් ගේන්න බැරිද
Nimal Thursday, 17 June 2021 05:33 PM
ශ්රී ලංකා මහත්තයා, දාමුකෝ අදහසක්... මේ ගැන විශේෂඥ වෛද්යතුමාටත් වඩා ඔබ දන්න දේ රටට කියන්න බලන්න...!!!
kapila Thursday, 17 June 2021 08:08 PM
එච්චරයි අඩුවක් තිබුනේ. මේ විදිහට සංචරණ සීමා තිබුනොත් අප්රිකානු එකත් එනවා හරියැ.... ගුවන්තොටුපොළත් ඔය විදිහටම ඇරලා තියමු. සංචාරකයිනුත් ආපුදෙන්...!!!
jagath Thursday, 17 June 2021 08:27 PM
හිටපු හිටන් ෙහාඳයි වගේ... දැන්ද මේ ආණ්ඩුවට ඉන්දියන් ප්රභේදය හමුවෙලා තියෙන්නේ..? අයියෝ නන්දසේන...!!!
bandara Thursday, 17 June 2021 09:50 PM
තව අප්රිකානු ප්රභේදය විතරයි අඩු... මේ යන විදිහට එ්කත් එයි...