(ඉන්දිකා රාමනායක සහ බිමල් ශ්‍යාමන් ජයසිංහ )

මාරක රිය අනතුරුවලින් ඊයේ 27 දිනයේ පුද්ගලයන් 12 දෙනකු මියගොස් ඇති බව පොලිස් මාධ්‍ය ප්‍රකාශක වැඩබලන ⁣ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

රිය අනතුරුවලින් දිනකට පුද්ගලයන් 12 දෙනකු මිය යන්නේ නම් මෙය ඉතාමත් බරපතල තත්ත්වයක් බව ද පොලිස් මාධ්‍ය ප්‍රකාශකවරයා කීය.

මින් පුද්ගලයන් 8 දෙනකු ඊයේ දිනය තුළ සිදු වූ රිය අනතුරුවලින් මිය ගොස් ඇති අතර , සෙසු පිරිස මීට දින කිහිපයකට පෙර සිදු වූ රිය අනතුරින් බරපතල තුවාල ලබා රෝහල් ගතව සිටියදී ඊයේ දින මියගොස් ඇත.

මියගොස් සිටි පිරිස අතර යතුරුපැදිකරුවන් 8 දෙනකු, පාපැදිකරුවන් තිදෙනකු, ත්‍රිරෝද රථයකින් ගමන්ගත් කාන්තාවක් සිටින බව පොලිස් මාධ්‍ය ප්‍රකාශකවරයා කියා.