IMG-LOGO

2025 පෙබරවාරි මස 18 වන අඟහරුවාදා


ඇඳිරිනීතිය කාලයේදී ගෘහස්ථ හිංසනය හා කෲරත්වය වැඩිවෙලා

(සිරංගිකා ලොකුකරවිට)
 

ඇඳිරිනීතිය පවතින කාලයේ දී ළමා අපයෝජන සිදුවීම් වර්තාවීම 33%කින් ඉහළ ගොස් ඇතැයි ජාතික ළමා ආරක්ෂණ අධිකාරියේ සභාපති මහාචාර්ය මුදිත විදානපතිරණ මහතා පවසයි. 
 
මේ පැමිණිලි සියල්ලම ගෘහස්ථ හිංසනය හා කෲරත්වය හේතුවෙන් සිදුවූ අපයෝජන බව ද ලිංගික අපයෝජනය සම්බන්ධ පැමිණිලි නොවන බවද හෙතෙම කියයි.
 
ඒ මහතා වැඩිදුරටත් කියා සිටියේ ඇඳිරිනීතිය බලපැවැත්වෙන බැවින් අපයෝජකයා සහ වින්දිතයා වන දරුවන් ද නිවසට කොටුවී සිටීම මෙයට හේතුවක් බවයි.
 
ළමා අපයෝජනයක් යනුවෙන් හැඳින්වෙන්නේ ළමයෙකුගේ කායික හා මානසික තත්ත්වයට පිටස්තරව, ඔහු ගේ හෝ ඇයගේ යහපතට, හා මනා කල්ක්‍රියාවට එරෙහිව සිදු කරන කුමන හෝ අයහපත් ක්‍රියාවකි.
 
ඇඳිරිනීතිය පැනවීමට පෙර ළමයින් සම්බන්ධ පැමිණිලි දිනකට 40ක් පමණ ලැබුණු අතර ඉන් 10% පමණ ළමා අපයෝජන සම්බන්ද පැමිණිලි විය. ඇඳිරිනීතිය පැනවූ පසු ගත වූ දින 07ක කාලයේ දී ළමා ආරක්ෂක අධිකාරියට ලැබී ඇති පැමිණිලි  සංඛ්‍යාව 111 කි. ඉන් පැමිණිලි 36ක් ළමා අපයෝජන සම්බන්ධ පැමිණිලි බව සභාපතිවරයා සඳහන්  කළේය. 
''ඇඳිරිනීති කාල සීමාවේ දී ළමා අපයෝජන සම්බන්ධයෙන් ලැබෙන පැමිණිලි සංඛ්‍යාත්මකව අඩුවී ඇතත් එහි ප්‍රතිශතය ඉහළ ගොස් තිබෙනවා. " යැයි හෙතෙම වැඩිදුරටත් ප්‍රකාශ කළේය.

මෙම පැමිණිලි වැඩිම ප්‍රමාණයක් ලැබී ඇත්තේ ළමා උපකාරක සේවාවේ 1929 හදිසි ඇමතුම් අංකයටය. එමෙන්ම වෙනත් දුරකථන මාර්ග ඔස්සේ ද ෆැක්ස් පණිවිඩ මගින් ද පැමිණිලි ලැබී තිබේ.මහාචාර්ය මුදිත විදානපතිරණ මහතා වැඩිදුරටත් මෙසේ ද කීවේය.
 

''ළමා අපයෝජනයන් සිදු කරන්නේ දරුවා හඳුනන අය වන දෙමාපියන්, වැඩිහිටියන් සහ දරුවන්ට රැකවරණය ලබාදෙන අය විසින්මයි. ඇඳිරිනීතියේ දී සිදුවන්නේ වෙනදා පාසල් ගිය, පන්ති ගිය දරුවන් ගෙදරට කොටුවීමයි. දෙපැත්තම ගෙදරට කොටුවීම නිසා ගෘහස්ථ හිංසනය, කෲරත්වය වැඩි වනවා, අපයෝජනය සිදුවෙනවා. 

ඉතින් මේ නිසා දෙමාපියන්ට ලොකු වගකීමකින් තියෙනවා දරුවන් නිසි පරිදි රැකබලා ගැනීමට. ඔවුන්ට ආදරය සෙනෙහස දැක්විය යුතුයි.  ළමයකුට පහරදීමෙන් ඒ ළමයා කායික හා මානසිකව තවදුරටත් හිංසනයට පත්වෙනවා. මේ වගේ අවස්ථාවක දී දරුවන් නිවෙස්වලට කොටුවී පීඩනයට පත්ව සිටින බව සියලු දෙමාපියන් වැඩහිටියන් තේරුම්ගත යුතුයි. අපිට පැමිණිල්ලක් ලැබුණාම අපි එ් සම්බන්ධයෙන් සොයා බලා අදාල අපයෝජකයා අත්අඩංගුවට ගන්නවා.



අදහස් (11)

ඇඳිරිනීතිය කාලයේදී ගෘහස්ථ හිංසනය හා කෲරත්වය වැඩිවෙලා

MD Wednesday, 25 March 2020 09:25 AM

දුවන මිනිසා හඳුනාගත ‌නොහැකිය. නැවතුන පසු ‌ලේසියෙන් හඳුනාගත හැකි ‌නේද? ඔන්න දරුවනේ සැබෑ ආදරය හඳුනාගන්න අවස්ථාව. ‌දෙමාපියන්ගේ වැරදි ආදරයෙන් ‌පෙන්වා ‌දෙන්න. ‌මෙච්චර දවස් ඔයාලා දිව්වා.දිව්වා. හති වැටෙනතුරු දිව්වා මතකද? ‌මොනවද ‌හොයාගත්තේ ? සල්ලිද? අධ්‍යාත්මයද? ආදරයද? කරුණාවද? වෛරයද? ඉරිසියාවද? පළිගැනීමද? ධර්මයට නැඹුරු ‌ෙවෙන්න. ඔබට සැමදා සතුටින් සිටිය හැකි ‌වෙයි. අත්දැකීමෙන් කියන්නේ.

:       0       312

RaveendraWednesday, 25 March 2020 09:59 AM

ඔබගේ ඉතා වටිනා අදහස් අපිි අගයන්නෙමු. අද සමාජයේ බොහෝ පවුල් තුළ එකට එක මේසයේ කෑම වේලක් ගැනීමත් ඉතා අසීරු කරුණක් උවත් අඩුතරමින් මෙම දින කිහිපය තුළ දෙමාපියන්ට මෙන් දු දරුවන්ටද දුර්ලබ අවස්ථාවක් ලැබිලා තියෙනවා එය සපුරා ගැනීමට.එය සියල්ලෝම ප්‍රයෝජනයට ගනිත්වා !!

:       0       94

රවින් Wednesday, 25 March 2020 09:48 AM

"වැඩක් නැති එකාගේ ඔලුව යකාගේ කම්මල" වගේ කියන්නේ ඇත්ත නේද? ඇඳිරි නිතිය එලියට බහින්න විදිහක් නැහැ. ඉස්සර තිබුනා වගේ පොඩි හරි වත්තක් පිටියක් නැහැ. ළඟ පාතක ගෙයකටවත් යන්න බැහැ. ඒගොල්ලොත් කොරෝනාවට බයේ. හැම තැනම තට්ටු නිවාස. දවස පුරාම කරන්න දෙයක් නැති උනහාම ? මොනවා කරන්නද? පොඩි උන්ටවත් ළඟ පාතක යාළුවන් එක්ක සෙල්ලම් කරන්න යන්න දෙන්නවත් බයයි. දැන් ටික දවසකට ඉස්සරනම් පොඩි උන්ට අමතර පන්ති, අමතර ක්‍රියා කාරකම් . දැන් එකත් නැහැ. පොඩි කට්ටියගේත් මොලේ තියෙන්නේ මොකද අපි කරන්නේ කියලා. එතකොට ගෙදර උන්දැ. ළමයි අමතර පන්ති ගෙනියන්න තියනවා , කඩේ ගිහින් බඩු නොගත්තත් රවුමක් ගහලා හරි එන්න පුළුවන්, වට පිට ගෙදරක ඉන්න යාලුවත් එක්ක කයියක්වත් ගහන්න පුළුවන්. දැන් ඔක්කොම හබක්. ආ ජංගම දුරකතනේ? ඒකට සල්ලි දාගන්න විදිහක් නැහැ. ඔක්කොටම ඩෝන් ගිහිල්ලා. ඇයි සුපුරුදු රටාව වෙනස් වෙලා. එකම දේ තමා හොස්ස ලඟින් මැස්සා ගියත් තරහා ගන්න එක. එක නිවාගන්න එළියට යන්න බැහැ. ඇඳිරි නිතිය.. චීනයේ වුහන් පළාතෙත් දික්කසාද 300% කින් වැඩිවෙලාලු. පුරුවේ පිනකට දියවන්නාවේ 225 ගෙදර. නැතිනම් මොලේ ඩබල් කචල්. කොහොමද පෙරලිය.

:       0       113

Asanka Wednesday, 25 March 2020 10:07 AM

මේ අය මිනිස්සුද ? ‌ෙමේ ‌ෙගෙවල් වලටම ‌‌ෙකොටු වුනු දරුවන්ට වද ‌දෙන්නේ ? ‌කොරෝනා හැදිලා මැරිලා යන්න සුදුසු ‌මේවගේ අය. ඇයි ‌දෙයියනේ තමන්ගේ ‌ලෙයින් හැදුනු දරුවන් ආදරෙන් බලාගන්න බැරි ?

:       0       33

samantha Wednesday, 25 March 2020 10:16 AM

පෙරදිග රටවල් කාර්මික දැනුමෙන් දුප්පත් වුවත්, අධ්‍යාත්මික දැනුමෙන් පොහොසත් පිරිසක් ලෙසයි මිනිසුන් සලකන්නේ. නමුත්, මේ පුවතින් දක්වන්නේ, අපේ රට හැම දෙයින්ම දුප්පත් රටක් බවයි. මෙයට වගකීම ගත යුත්තේ දේශපාලකයින් නොව, රටේ වාසය කරන මිනිසුන්මයි.

:       0       0

පිටිගල මිලානෝ Wednesday, 25 March 2020 10:16 AM

ස්වභාවධර්මයාට මිනිසාව පසෙකට ඇද, ගෙවල් අස්සටම දමා ස්වභාවධර්මයාට මිනිසා විසින් කල අපරිමිත හානිය යලි සකස් කර ගනිමින් පවතී. වාතය පිරිසිදුවෙමින් පවතින අතර ඕසෝන් ස්ථරයේද පලුදු වූ තැන සැකසෙමින් පවතී.

:       0       0

Mano Wednesday, 25 March 2020 10:34 AM

කොරොන්ටයින් මිසක් ‌කොරොල් ටයිම් ‌නෙවේ.

:       0       16

මුණසිංහ Wednesday, 25 March 2020 10:48 AM

පාසල් ගියා නම් හොදයි කියලා ‌නේද ‌මේ කියන්නේ ? පාසල් තුළ ගුරුවරුන්‌ගේ ආදරය දෙමාපියන්ට වඩා ලැබෙන බවයි ඔය කියන්නේ.

:       0       7

ravi Wednesday, 25 March 2020 10:50 AM

නිදහසේ දහදුරාවේ යන්න බැරිවෙනකොට ‌මේ වගේ ප්‍රශ්න ඇතිවෙනවා.

:       0       77

Kamal Wednesday, 25 March 2020 12:27 PM

බුදු බණට හීලෑ වුන යක්කු ඉන්නෙ කිව්ව නේද? මේ දවස්වල බන අහන්න විදිහක් නැති නිසා හීලෑ ගතිය අඩු වෙලා ඇති.

:       2       18

bandula Wednesday, 25 March 2020 02:07 PM

මෙම ප්‍රශනය ලොව පූරා පැතිරිලා. මේ නිසා ඔස්ට්‍රලියාවේ තවම පාසල් වහලා නැහැ, බොහෝ පාසල් ගෙවල් වලට ළඟ නිසා. මත් පැන් පානය වැඩි වෙලා.

:       0       0

ඔබේ අදහස් එවන්න

 

 

දියත

කැනඩා යානයක් උඩු යටිකුරු වෙයි
2025 පෙබරවාරි මස 18 208 0

කැනඩාවේ ටොරොන්ටෝ පියර්සන් ජාත්‍යන්තර ගුවන්තොටුපොළට ගොඩබෑම සඳහා පැමිණි මගී ගුවන් යානයක් හිම කුණාටුවට මැදිවීමෙන් අනතුරට ලක්විය.


රුසියාවට ඇමෙරිකාවට යුක්රේනය ගැන තීරණ ගන්න බෑ
2025 පෙබරවාරි මස 18 132 0

රුසියන් යුක්රේන යුද්ධය නිමා කිරීමට ඇමෙරිකා ජනාධිපති ඩොනල්ඩ් ට්‍රම්ප්, සෞදි අරාබියේ දී, රුසියන් ජනාධිපති ව්ලැදිමීර් පුටින් හමුවීමට නියමිතය.


කටාර් එමීර් දෙදින සංචාරයකට ඉන්දියාවට
2025 පෙබරවාරි මස 18 38 0

දෙදින නිල සංචාරයක් ආරම්භ කරමින්, කටාර් එමීර් ෂෙයික් තමීන් බින් හමාද් අල් තානී දෙදින නිල සංචාරයක් සඳහා ඉන්දියාවේ නවදිල්ලි අගනුවරට පැමිණියේය.


පාප්තුමන්ගේ රෝගී තත්ත්වය නරක අතට
2025 පෙබරවාරි මස 18 101 0

පෙනහළු ආසාදනයක් හේතුවෙන් රෝහල්ගත කළ ශුද්ධෝත්තම ෆ්‍රැන්සිස් පාප්තුමන්ගේ තත්ත්වය නරක අතට හැරෙමින් පවතින බව රෝහල් ආරංචි මාර්ග සඳහන් කරයි.


ගිනි අවි කම්හලක් වටලයි
2025 පෙබරවාරි මස 17 402 0

නීතිවිරෝධී ගිණි අවි සොයා සිදු කළ මෙහෙයුමකදී නීති විරෝධී ගිණී අවි 06ක් සමග සැකරුවන් දෙදෙනකු අත්අඩංගුවට ගත් බව ගිරානේගම පොලිසිය කියයි.


රට පැන්න කොස්තාපල්ගේ ගිනි අවිය සොයාගනියි
2025 පෙබරවාරි මස 17 1814 0

ගල්කිස්ස පොලිස් ස්ථානයේ කොස්තාපල්වරයා විසින් රැගෙන ගිය ටී 56 වර්ගයේ ගිනි අවිය සහ උණ්ඩ 30 සමග සැකකරුවකු අද (17) රාත්‍රී අත්අඩංගුවට ගත් බව පොලිස් මාධ්‍ය ප්‍ර


මේවාටත් කැමතිවනු ඇති

Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක් 2025 පෙබරවාරි මස 07 310 1
Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක්

ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 147 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 989 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

Our Group Site