ඇමෙරිකාව, චීනය ඇතුළු විදෙස් රටවල ප්‍රධානත්වයෙන් තායිලන්තයේ බැංකොක් නුවරදී අග්නිදිග ආසියානු ජාතීන්ගේ සංවිධානයේ සමුළුව (ආසියාන්) පැවැත්වෙන අද(02) දිනයේ සුළු පිපිරීම් හයක් සිදුවී ඇති බව තායිලන්ත පොලිසිය පවසයි.
 
පිපිරීම්වලින් සිව්දෙනෙකු තුවාල ලබා ඇති අතර,  එයින් තිදෙනෙක් නගර පිරිසිදු කරන සේවක කාන්තාවෝ වෙති.

මේවා කුඩා ප්‍රමාණයේ බෝම්බ බව සොයාගෙන ඇත.තවත් බෝම්බයක් පිපිරී යාමට පෙර සොයාගෙන නිෂ්ක්‍රීය කර තිබේ. රැස්වීම පැවැත්වෙන ප්‍රදේශයේ තිබී ව්‍යාජ බෝම්බ දෙකක් ද සොයාගෙන ඇති අතර, පුද්ගලයන් දෙදෙනෙකු අත්අඩංගුවට ගෙන තිබේ.

බැංකොක් නුවර ආසන්නයේ පිහිටි ස්ථාන දෙකකදී පළමු සහ දෙවන පිපිරුම් අද උදෑසන 9.00ට පමණ සිදුවී ඇති අතර, උතුරු ප්‍රදේශයේ අමත්‍යවරුන් රැස්වන රාජ්‍ය ආයතනයක් ආසන්නයේ තෙවන පිපිරුම වූ බව බලධාරීහු පවසති.

තායිලන්තයේ ප්‍රතිරූපයට හානි වන ආකාරයෙන්, සාමයට බාධා කරන මෙවැනි සිදුවීම්වලට අදාළ පුද්ගලයන් නීතිය හමුවන පමුණුවන බව තායිලන්ත අග්‍රාමාත්‍ය ප්‍රයුත් චාන් ඔ-චා මහතා ට්විටර් පනිවිඩයක් නිකුත් කරමින් පවසා ඇත. 

(රොයිටර් ඇසුරිනි)

16844