(ලලිත් නවරත්න සහ ඔගස්ටීන් ප්‍රනාන්දු)
 
ආරච්චිකට්ටුව ආනවිලුන්දාව රැම්සා තෙත් භූමියේ කොටසක් නීතිවිරෝධී ලෙස අනවසරයෙන් ඩෝසර් කර එහි ඉස්සන් ටැංකි සෑදීමට අනුබල දුන්බවට සැකකරන ආරච්චිකට්ටුව ප්‍රාදේශීය සභාවේ හිටපු සභාපති ජගත් සමන්ත පෙරේරා අද(22) අධිකරණයට ඉදිරිපත් වීමෙන් 24 දක්වා රිමාන්ඩ් බන්ධනාගාර ගත කිරීමට  හලාවත මහේස්ත්‍රාත්  අනුර බුද්ධදාස මහතා නියෝග කළේය.
 
ඉකුත් 25දින ආනවිලුන්දාව රැම්සා තෙත් බිමට නීතිවිරෝධීව ඇතුලුවී අනවසරයෙන් එහි බිමි කොටසක් ඩෝසර් කර ඉස්සන් පොකුණු සෑදූ ව්‍යාපාරිකයෙකු සහ ඩෝසර් ක්‍රියාකර වන්නෙකුට මෙම නීතිවිරෝධි ක්‍රියාව සිදුකිරීමට අනුබලදුන් බවට සහාපතිවරයාට පවරා ඇති චෝදනාව වේ.
 
ව්‍යාපාරිකයා සහ  ඩෝසර් ක්‍රියාකරු ඩෝසරය සමඟ  ආරච්චිකට්ටුව පොලීසිය විසින් ඉකුත් 2020. 08. 28දා අත්අඩංගුවට ගනුලැබූ අතර ඔවුන් අධිකරණයට ඉදිරිපත් කිරීමෙන් පසු රිමාන්ඞ් බන්ධනාගාර ගතව සිට ඉකුත් 2020. 09. 18 දින රුපියල් කෝටිය බැගින් වූ ශරීර ඇපසහ තවත් ඇප කොන්දේසි 3ක් මත අධිකරණය විසින් ඇප ලබාදෙන ලදි.
 
විත්ති පක්ෂය වෙනුවෙන්  තරංග දිසානායක,  චින්තක කරණාරත්න ප්‍රසන්න හිලරි සහ රුවන් ප්‍රනාන්දු යන නීතිඥවරුන් පෙනීසිටි අතර පැමිණිලි පක්ෂය වෙනුවෙන් ආච්චිකට්ටුව පොලිස් ස්ථානාධිපතිවරයා පෙනී සිටියේය.