(දඹුල්ල කාංචන කුමාර ආරියදාස)                
මාතලේ  පළාත් පාලන ආයතනයන්හි පවතින ගැටලු තත්ත්වයන් සොයා බැලීම සඳහා නව ආණ්ඩුකාර මෛත්‍රී ගුණරත්න මහතා ගේ පැමිණි අවස්ථාවේ එය වාර්තා කිරීමට ගිය මාධ්‍යවේදීන්ට රැස්වීම් අවස්ථාව වාර්තා කිරීමට බාධා එල්ල වීම සම්බන්ධයෙන් තමන්   මාධ්‍යවේදීන්ගෙන් සමාව අයදින බව නව ආණ්ඩුකාර මෛත්‍රි ගුණරත්න මහතා සඳහන් කළේය.

දඹුල්ල බස් නැවතුම්පළ භුමියේ  පිහිටි දඹුල්ල මහ නගර සභා ශ්‍රවණාගාරයේදී මතලේ දිස්ත්‍රික්කයේ සියලුම පළාත් පාලන ආයතන නිලධාරීන් සහ ආයතන ප්‍රධානීන් සමග මෙම සාකච්ඡාව පැවැත්විණි.

ඒ සඳහා මාධ්‍යවේදීන්ට ආණ්ඩුකාර කාර්යාලය ආරාධනා කර තිබිණි. එහෙත් එම ස්ථානයට ගිය මාධ්‍යවේදීන් හට ආණ්ඩුකාරවරයාගේ රැස්වීම් අවස්තාව වාර්තා  කිරීමට නොහැකි බව   දඹුල්ල නගරාධිපති ජාලිය ඕපාත මහතා සඳහන් කළේය. පසුව එම ස්ථානයේ මාධ්‍යවේදීන් පිටව ගිය අතර පැය දෙකහමාරකට පමණ පසු සාකච්ඡාවෙන් අනතුරුව එලියට පැමිණෙද්දි ඒ පිළිබඳව මෛත්‍රි ගුණරත්න මහතාගෙන් මාධ්‍යවේදීන් කරුණු විමසන්නට වූහ.

එහිදී ව ආණ්ඩුකාර මෛත්‍රී ගුණරත්න මහතා කියා සිටියේ පෞද්ගලික ප්‍රශ්න පිළිබඳව කතාකරන කෙරුණු බවය. ඒ නිසා ඇතැම් විට මාධ්‍යවේදීන්ට ඇතුලට නොගත් බවත් සඳහන් කළේය. වෙතත් පෞද්ගලික සාකච්ඡා පවත්වන්නේනම්   රජයේ ගොඩනැගිලි රජයේ යාන වාහන සහ රජයේ මුද්ල් වියදම් කළේ ඇයිදැයි මාධ්‍යවේදීහු නව ආණ්ඩුකාරයාගෙන් විමසීමක් කළ පසුව ඔහු කියා සිටියේ මාධ්‍යවේදීන්ට මේ ස්ථානයේදී අපහසුතාවයක් වූයේ නම් සමාව අයදින බව ය.

කෙසේවෙතත් මාතලේ දිස්ත්‍රික්කයේ පළාත් පාලන ආයතන වල ඉල්ලීම් මධ්‍යම ආණ්ඩුවෙන් ඉටු නොවන නිසා සංවර්ධනයට විශාල බාධාවක් සිදුවන බව එම නිසා තමාගේ දැනගැනීම පිණිස මෙම සාකච්ඡා වට පැවැත්වූ බවද සඳහන් කළේය.