(මනෝජ් හර්ෂික)
 
පවතින වැසි සහිත කාලගුණික තත්ත්වය හේතුවෙන් අවතැන් වූ ජනයා රැඳී සිටින තාවකාලික කඳවුරු වෙත නොමිලේ විදුලි පහසුකම් සැපයීමට රජය තීරණය කර ඇත.
 
ඒ අනුව ඔවුන්ට විදුලි පහසුකම් සැලසීම සඳහා අවශ්‍ය කඩිනම් පියවර ගන්නා ලෙස විදුලිබල, බලශක්ති සහ ව්‍යාපාර සංවර්ධන අමාත්‍ය, රවී කරුණානායක මහතා ලංකා විදුලිබල මණ්ඩලයේ සහ ලංකා විදුලි පෞද්ගලික සමාගමේ අදාළ අංශ වෙත උපදෙස් ලබා දී තිබේ.