IMG-LOGO

2024 අප්‍රේල් මස 18 වන බ්‍රහස්පතින්දා


අනුර කුමාර-ශානි අබේසේකර කොමිසමට කැඳවීම තාවකාලිකව අත්හිටුවයි

( තිළිණි ද සිල්වා  සහ රංජන් කටුගම්පොළ )

ඇවන්ට්ගාඩ් සභාපති නිශ්ශංක සේනාධිපති මහතා කළ පැමිණිල්ලකට අදාළව ජනතා විමුක්ති පෙරමුණ නායක අනුර කුමාර දිසානායක සහ අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂක ශානි අබේසේකර යන මහත්වරුන් දේශපාලන පලිගැනීම් පිළිබඳ විමර්ශනය කරන ජනාධිපති කොමිසම හමුවට කැඳවීම තාවකාලිකව අත්හිටුවීමට එම ජනාධිපති කොමිසම අභියාචනාධිකරණය හමුවේ අද (27) එකඟතාවය පළ කළේය.

එම කොමිසම හමුවට කැඳවමින් නොතීසි නිකුත් කිරීමට එරෙහිව ජනතා විමුක්ති පෙරමුණ නායක අනුර කුමාර දිසානායක සහ අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂක ශානි අබේසේකර යන මහත්වරුන් ගොනු කළ රිට් පෙත්සම් දෙක සම්බන්ධයෙන් නොතීසි නිකුත් කර කරුණු තහවුරු තෙක් ඔවුන් දෙදෙනා කොමිසම හමුවට නොකැඳවීමට එම කොමිසම වෙනුවෙන් පෙනී සිටි ජනාධිපති නීතීඥ උදිත ඉගළහේවා මහතා ස්වේච්ඡාවෙන්ම අධිකරණය හමුවේ එකඟතාවය පළ කළේය.

එසේම රජයේ ජ්‍යෙෂ්ඨ නීතීඥ ජනක බණ්ඩාර මහතා මෙම නඩුකරයෙන් ඉවත් කිරීමටද ජනාධිපති නීතීඥ උදිත ඉගළහේවා මහතා අධිකරණය හමුවේ එකඟ විණි.

ඇවන්ට්ගාඩ් සභාපති නිශ්ශංක සේනාධිපති කළ පැමිණිල්ලට අනුව දේශපාලන පලිගැනීම් පිළිබඳ සොයා බැලීමේ  ජනාධිපති  කොමිසම හමුවේ සිදුකරන විමර්ශන නීතියට පටහැනි බව සඳහන් කරමින්, එම විමර්ශන අත්හිටුවන්නැයි අනුර කුමාර දිසානායක මහතා සහ ශානි අබේසේකර  යන මහත්වරුන්  රිට් පෙත්සම් දෙක අද අභියාචනාධිකරණය හමුවේ කැඳවූ අවස්ථාවේදී ජනාධිපති නීතීඥ උදිත ඉගළහේවා මහතා මෙම එකඟත්වය පළ කර සිටියේය.

අභියාචනාධිකරණ සභාපති විනිසුරු ඒ.එච්.එම්.ඩී.නවාස් සහ සෝභිත රාජකරුණා යන මහත්වරුන්ගෙන් සමන්විත අභියාචනාධිකරණ විනිසුරු මඬුල්ල ඉදිරියේ මෙම පෙත්සම කැඳවිණි.

පෙත්සම් අධිකරණය හමුවේ කැඳවූ අවස්ථාවේදී පෙත්සම්කාර අනුර කුමාර දිසානායක මහතා වෙනුවෙන් පෙනී සිටි ජනාධිපති නීතිඥ සාලිය පීරිස් මහතා කරුණු දක්වමින් කියා සිටියේ මේ වසරේ ජනවාරි මස 09 වනදා ජනාධිපතිවරයා විසින් පත් කරනු ලැබූ මෙම කොමිසමට බලය පැවරී තිබෙන්නේ ඉකුත් පාලන සමයේ රජයේ නිලධාරීන්, සංස්ථා හා මණ්ඩලවල සේවය කළ නිලධාරින් සහ ත්‍රිවිධ හමුදාවේ හා පොලිසියේ සේවය කළ නිලධාරීන්ට සිදුවු බව කියන දේශපාලන පලිගැනීම් පිළිබඳව සොයා බැලීමට පමණක් බව පැවසීය.

ඒ අනුව ඇවන් ගාඞ් සමාගමේ සභාපති නිශ්ශංක යාපා සේනාධිපති විසින් ඉදිරිපත් කළ පැමිණිල්ල අදාළ කොමිසමේ විෂය පථයට අයත් නොවන අතර එය විමර්ශනය කිරීමට අදාළ කොමිසමට බලයක් නොමැති බව ද ජනාධිපති නීතිඥවරයා සාලිය පීරිස් මහතා වැඩිදුරටත් කියා සිටියේය. එසේම එම කොමිසමට පැමිණිලි කිරීමට නිශ්ශංක සේනාධිපතිට අයිතියක් නොමැති බවද ජනාධිපති නීතීඥවරයා පෙන්වා දුන්නේය.

පෙත්සම් අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ශානි අබේසේකර මහතා වෙනුවෙන් පෙනී සිටි නීතීඥ අස්තික දේවේන්ද්‍ර මහතා කරුණු දක්වමින් කියා සිටියේ දේශපාලන පලිගැනීම් වලට ලක්වූ රාජ්‍ය හා සංස්ථා සේවකයින් පිළිබඳ විමර්ශන කිරීමට පත් කළ මෙම කොමිසමට පැමිණිල්ලක් ඉදිරිපත් කිරීමට නිශ්ශංක සේනාධිපති මහතාට නීතීමය අයිතියක් නොමැති බවය.

එසේම එවැන්නෙකු කරන පැමිණිල්ලක් විමර්ශනය කිරීමට එම ජනාධිපති කොමිසමට බලයක් නොමැති බවද නීතීඥ අස්තික දේවේන්ද්‍ර මහතා අධිකරණය හමුවේ වැඩිදුරටත් කියා සිටියේය.

පෙත්සම් දෙක  පිළිබඳ වැඩිදුර කරුණු සලකා බැලීම ලබන සැප්තැම්බර් මස 29 වන දා තෙක් කල් තැබීමට අභියාචනාධිකරණය දින නියම කළේය.

මෙම ⁣පෙත්සමේ වගඋත්තරකරුවන් ලෙස දේශපාලන පළිගැනීම් පිලිබද විමර්ශනය කරන ජනාධිපති කොමිසමේ සභාපති විශ්‍රාමික විනිසුරු  උපාලි අබේරත්න , සහ එහි සාමාජිකයන් වන දයා චන්ද්‍රසිරි ජයතිලක සහ චන්ද්‍ර ප්‍රනාන්දු යන මහත්වරුන්  , කොමිසමේ ලේකම්වරයා, නීතිපති දප්පුල ද ලිවේරා, ජ්‍යෙෂ්ඨ රජයේ නීතිඥ ජනක බණ්ඩාර , ඇවන්ගාඞ් සමාගමේ සභාපති නිශ්ශංක සේනාධිපති නම් කරනු ලැබ සිටිති.

නීතීඥ සුනිල් වටගල සහ නීතීඥ මංජුල බාලසූරිය යන මහත්වරුන් මාර්ගයෙන් මෙම පෙත්සම් ගොනු කෙරිණි.

පෙත්සම්කාර අනුර කුමාර දිසානායක මහතා සිය රිට් පෙත්සමෙන් පෙන්වා දෙන්නේ  දේශපාලන පළිගැනීම් සම්බන්ධයෙන් සොයා බැලීමේ ජනාධිපති කොමිසම විසින් ඇවන්ට්ගාඩ් සමාගමේ සභාපති නිශ්ශංක යාපා සේනාධිපති විසින් කරන ලද පැමිණිල්ලකට අදාළව සාක්ෂි දීම සඳහා තමන්ට මෙම මේ මස 16 වැනිදා එම කොමිසම හමුවේ පෙනී සිටින ලෙස දන්වා  සිතාසි නිකුත් කර ඇති බවයි.

එසේම දේශපාලන පළිගැනීම් සම්බන්ධයෙන් සොයා බැලීම සඳහා පත් කරන ලැබූ ජනාධිපති කොමිසම පිහිටුවීමට අදාළව ඉකුත් ජනවාරි මස 09 වැනිදා නිකුත් කළ ගැසට් නිවේදනයට අනුව එම කොමිසමට විමර්ශන සිදුකිරීම සඳහා බලය පැවරී තිබෙන්නේ රාජ්‍ය සේවකයින් විසින් ඉදිරිපත් කරන පැමිණිලි පමණක් බවද පෙත්සම්කාර අනුර දිසානායක මහතා සිය පෙත්සමෙන් පෙන්වා දේ.

ඒ අනුව ඇවන් ගාඞ් සමාගමේ සභාපති නිශ්ශංක යාපා සේනාධිපති මහතා විසින් ඉදිරිපත් කර තිබෙන පැමිණිල්ල විභාග කිරීමට එම කොමිසමට බලයක් නොමැති බවත් , එම පැමිණිලි විමර්ශනය සඳහා තමන්ව කැඳවීම සඳහා නිකුත් කර තිබෙන නොතීසිය ද බල රහිත ලියවිල්ලක් යැයිද පෙත්සම්කාර අනුර දිසානායක මහතා සිය පෙත්සමේ සඳහන් කර ඇත.

මේ හේතුවෙන් එම කොමිසම හමුවේ පෙනී සිටින ලෙස තමන් වෙත නිකුත් කර තිබෙන නොතිසිය බල රහිත කිරීමේ රිට් ආඥාවක් නිකුත් කරන ලෙසත් ,  ඇවන්ගාඞ් සමාගමේ සභාපතිවරයා සිදුකරන ලද පැමිණිල්ලට අදාළව පවත්වනු ලබන විමර්ශනය අත්හිටුවන අතුරු නියෝගයක් නිකුත් කරන්නැයි අනුර කුමාර දිසානායක මහතා සිය පෙත්සමින් ඉල්ලා සිටී.

මේ අතර දේශපාලන පළිගැනීම් පිළිබදව සොයා බලන ජනාධිපති කොමිසම හමුවේ වගඋත්තරකරුවකු ලෙස නම් කරමින් මේ මස 17 වනදා පෙනී සිටින ලෙස දන්වා තමන් වෙත නිකුත් කර තිබෙන නොතීසිය බල රහිත කිරීමේ නියෝගයක් නිකුත් කරන ලෙස ඉල්ලා අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ පොලිස් අධිකාරි ශානි අබේසේකර මහතා විසින් ද අභියාචනාධිකරණයට තවත් පෙත්සමක් ඉදිරිපත් කර තිබේ.

පෙත්සම්කරුවන් වෙනුවෙන් ජනාධිපති නීතීඥ සාලිය පීරිස් සහ නීතීඥ අස්තික දේවේන්ද්‍ර යන මහත්වරුන් පෙනී සිටියහ.

නීතිපති වෙනුවෙන් නියෝජ්‍ය සොලිසිටර් ජනරාල් නෙරින් පුල්ලේ මහතා පෙනී සිටියේය.



අදහස් (2)

අනුර කුමාර-ශානි අබේසේකර කොමිසමට කැඳවීම තාවකාලිකව අත්හිටුවයි

සමිත සේනක අලුත්ගමගේ. Monday, 27 July 2020 12:10 PM

අනුර කුමාර මහතාගේ හෝ ශානි අබේසේකර මහතාගේ දේශපාලන පැත්ත කුමක් වුවත් අපට එය වැදගත් නොවේ. වෙනත් කුමන පක්ෂයක් හෝ වැදගත් නොවේ. අප කතා කරන්නේ කොයි දේශපාලනයෙත් ඇත්ත ඇති සැටියෙන්. කොයිකවුරු දේශපාලන බලවතාත් පත්කරනු ලබන මෙවැනි කොමිසම්වලට පත්කරනුයේ තමන්ගේ සිතැඟි අනුව කටයුතු කරන්නන්ය. එසේ හෙයින්, මේ කොමිසම් රටේ පවතින නීති හා අධිකරණ පද්ධතියට අදාළ නොවන බව පෙනේ. මේ කොමිෂන් පත් කෙරිල්ල පසෙක තබා, අදාල සිද්ධි රටේ අධිකරණය වෙත යොමු කරන්නේ නම්, එයට කිසියම් නීතිමය පසුබිමක් තිබෙන බව පෙනේ. දේශපාලන පසුබිමක් සහිතව නඩුව ඇසෙන මේ කොමිෂන්වලට වියදම් කරනු ලබන විශාල මුදල් සම්භාරය රටේ ආර්ථිකයට ඔරොත්තු නොදේ. රටේ අධිකරණයක් තිබියදී මෙවන් දේට මහජන මුදල් නාස්ති කිරීම අපරාධයකි.

:       0       0

beau Monday, 27 July 2020 08:16 PM

ඒ මොකද? මේ අය නීතියට වඩා ඉහළින්ද ඉන්නේ...?නැතිනම් අධිකරණය මේ අයට බයද?

:       0       0

ඔබේ අදහස් එවන්න

එසැණ පුවත්

ඉරාන නැවියෝ මෙරට නැවියන් 21 බේරා ගැනෙති
2024 අප්‍රේල් මස 17 352 0

ඕමාන මුහුදේදී අනතුරට පත් ඉන්ධන ප්‍රවාහන නෞකාවක සිටි ශ්‍රී ලාංකික නාවිකයන් 21 දෙනකු බේරා ගැනීමට ඉරාන හදිසි සේවා සමත් වී ඇතැයි එරට මාධ්‍ය වාර්තා කළේය.


‘‘එක්වරක් රැවටුණා‘‘
2024 අප්‍රේල් මස 17 375 0

පාස්කු දින ත්‍රස්ත ප්‍රහාරය සම්බන්ධයෙන් පරීක්ෂණයක් කරන බවට කළ පොරොන්දුවකින් එක වාර්තාවක් අතපුච්චාගත් බවත් බලයට පැමිණි පසු පාස්කු දින ත්‍රස්ත ප්‍රහ


කොන්ත්‍රාත්කරුවෝ පැනයති:අනුරාධපුර රෝහලේ ගොඩනැගිලි පැලවෙති
2024 අප්‍රේල් මස 17 532 0

අනුරාධපුර ශික්ෂණ රෝහලේ විවිධ අංශවල ප්‍රයෝජනය සඳහා රුපියල් කෝටි ගණනක් වියදම් කරමින් ඉදි කිරීම් ආරම්භ කළ දැවැන්ත ගොඩනැගිලි සංකීර්ණ කිහිපයක් විනාශ වෙම


පාතාල කල්ලි මඩින පොලිසියේ 100 ක් එස්.ටී.එෆ් පුහුණුවේ
2024 අප්‍රේල් මස 17 324 0

සංවිධානාත්මක අපරාධ කල්ලි මර්දනය කිරීම සදහා පොලිස් නිලධාරීන් 100 ක් පොලිස් විශේෂ කාර්ය බළකාය යටතේ පුහුණුවීම් සිදුකරමින් පවතින බව පොලිස් මූලස්ථානය පවසය


සගයාගේ අවසන් කටයුතු ගැන බලන්න ’’මහ ගෙදරින්’’ යයි
2024 අප්‍රේල් මස 17 3033 0

අභාවප්‍රාප්ත හිටපු රාජ්‍ය අමාත්‍යවරයකු මෙන්ම මානවහිතවාදී දේශපාලනඥයකු වූ පාලිත තෙවරප්පෙරුම මහතාගේ අවසන් කටයුතු සම්බන්ධයෙන් සාකච්ඡා කිරීම සඳහා එක්


සිරිල් ගාමිණි පියතුමා සි.අයි.ඩී.යට කැඳවයි
2024 අප්‍රේල් මස 17 991 0

ඥානාර්ථ ප්‍රදීපය කතෝලික පුවත්පතේ ප්‍රධාන කර්තෘ සිරිල් ගාමිණී පියතුමා අනිද්දා(19) පෙරවරු 10.00 ට අපරාධ පරීක්ෂණ දෙපාර්තමේන්තුවට කැදවා තිබේ.


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 182 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1463 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1379 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site