(ඩී.කේ.රත්න )

බණ්ඩාරවෙල කිණිගම උඩපේරුව ප‍්‍රදේශයේදී කුඩා ළමයෙකු අත තිබූ කිසියම් ද්‍රව්‍යයක් පුපුරායාමෙන් බරපතල තුවාල ලැබූ ළමයෙකු අද (7) දියතලාව මූලික රෝහලට ඇතුළත් කර ඇතැයි  දියතලාව රෝහල් ආරංචි මාර්ග  පැවසීය.
 
කිණිගම උඩපේරුව ප‍්‍රදේශයේම පදිංචි බණ්ඩාරවෙල නගරයේ ජනප‍්‍රියම පාසලක ඉගෙනුම ලබන 11 හැවිරිදි කුඩා ළමයෙකු මෙසේ බරපතල තුවාල ලබා දියතලාව මූලික රෝහලට ඇතුලත් කර තිබේ.

මෙම අනතුරින් මෙම ළමයාගේ අතකට පපුවට සහ මුහුණට බරපතල තුවාල සිදුවී ඇතයි දියතලාව රෝහල් ආරංචි මාර් ග කියයි.

කිසියම් පුපුරණ ද්‍රව්‍යයක් අත තබා ගෙන සිටියදී පුපුරායාමෙන් මෙම අනතුර සිදුවී ඇති අතර මෙම ද්‍රව්‍ය කුමක්ද යන්න මෙතෙක් අනාවරණය වී නොමැත.

බණ්ඩාරවෙල පොලීසියේ නිලධාරීහු මේ පිළිබඳව පරීක්ෂණ සිදු කරති.