(විනීතා එම් ගමගේ)
ගාල්ල දිස්ත්රික්කයේ අති දුෂ්කර ගම්මානයක් වන නෙළුව ප්රාදේශීය ලේකම් කොට්ඨාසයේ ඉහළ මිල්ලව, අකුරුගෙදර ගම්මානයේ වැසියන්ට ඡන්ද මධ්යස්ථානය ඇති දුර වන කිලෝ මීටර් 50 පැමිණීම සඳහා බස් රථ යොදන්නැයි පැෆරල් සංවිධානය කළ ඉල්ලීමට අනුව මැතිවරණ කොමිෂන් සභාව ක්රියාත්මක වී බස් රථ යොදවා ඇත.
මැතිවරණ කොමිෂන් සභාවේ දැනුම් දීම මත මේ සඳහා බස්රථ යොදවා ඇත්තේ නෙළුව ප්රාදේශීය ලේකම් කාර්යාලය මගිනි.
අකුරු ගෙදර ගම්මානය සඳහා ඡන්ද මධ්යස්ථානය මිල්ලව කණිෂ්ඨ විද්යාලයේ වන අතර එහි පැමිණීම සඳහා ගම්වැසියන් කිලෝ මීටර් 50 ක් පමණ දුරක් බස් රථ තුනකින් පැමිණීය යුත්තේ පල්ලේගම, දෙණියාය මොරවක හරහා මිල්ලවටය.
නොඑසේ නම් ඔවුන් කිලෝමීටර් තුනක පමණ දුරකින් සිංහරාජ වනාන්තරය හරහා අනාරක්ෂිත මාර්ගයක් ඔස්සේ පැමිණිය යුතුය.
අකුරු ගෙදර ඡන්ද දායකයන් 191 දෙනෙක් සිටින අතර විශාල වියදමක් කාලයක් හා දුරක් ගෙවා දමමින් ඡන්දය දෙනු වෙනුවට මේ පිරිස කරන්නේ ඡන්ද පොළ වෙත නොපැමිණ සිටීමය.
මේ පිළිබඳව පැෆරල් සංවිධානය වෙත වාර්තා වීමෙන් පසු තමන් ගාල්ල නියෝජ්ය මැතිවරණ කොමසාරිස්වරයා වෙත පැමිණිලි කළ බවත් පසුව ඔහු ප්රදේශීය ලේකම් කාර්යාලය හරහා එම ගමට බස් රථයක් යෙදවීමට කටයුතු යොදා ඇති බවත් පැෆරල් විධායක අධ්යක්ෂ රෝහණ හෙට්ටිආරච්චි මහතා පැවසීය.
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග්රහණය කිරීමට ශ්රී ලංකා ඉන්ෂුවරන්ස් පාපන්දු කණ්ඩායම සමත් විය. ශ්රී ලංකා ඉන්ෂුවරන
අකුරුගෙදර ගම්වැසියන්ට ඡන්දය දාන්න යන්න බස් රථ
Gamarala Friday, 15 November 2019 03:38 PM
අලුතින් පත්වන ජනාධිපතිතුමාගේ පළමු කාර්ය වියයුත්තේ මෙවැනි දුෂ්කර ගම්වල ජීවත්වන ජනතාවට පහසුකම් ලබාදීමයි. මොකද ඔවුන් රටට බරක් නොවන වැසියන් නිසයි...
siri Friday, 15 November 2019 07:21 PM
මෙම පුවත ඊයේ පලවුවෙන් එයට අද දින යහපත් ප්රතිචාරයක් ලැබීම ගැන සතුටු වෙමි. ඒවගේම මොවුන්ගේ හෙට දිනය ගැනත් එසේම වේවා!
Amila Saturday, 16 November 2019 02:32 AM
අති දුෂ්කර ගම්මානද, කටුක දිවි ගෙවන ජනතාවද, තවමත් මෙරට සිටින බව කොන්ක්රීට් වනාත්තර ඉදිකරන නායකයන් දැන්වත් තේරුම් ගත්තොත් ලොකු දෙයක්...
senith Saturday, 16 November 2019 04:41 AM
අනිත් දවස් වලට යන්න ඕන නැද්ද? මේ අයට ඡන්දෙ විතරද ඕනේ..?