(පුෂ්පකුමාර මල්ලවආරච්චි)
කොරෝනා ආසාදිතව ප්රතිකාර ලබා නිවසට ආ හැත්තෑ හතර හැවිරිදි මවක දින තුනක් තිස්සේ නිවසේ අගුවේ කල් ගත කරන පුවතක් පල්ලෙවෙල ප්රදේශයෙන් වාර්තා වෙයි.
නිවසේ වෙසෙන තම සහෝදරයා තම එකම බැඩවැල කඩාගෙන ආ සහෝදරිය මෙසේ නිවස තුළට නොගැනීම නිසා අසල්වාසීන්ගේ උපකාරයෙන් දිවි රැකගෙන මින් සිටින්නේ පල්ලෙවෙල නුංගමුවේ එක් දරු මවකි.
ඇය දිගු කලක් තිස්සේ සිය සහෝදරයා සමඟ මෙම නිවසේ පදිංචිව සිට ඇති අතර පසුගිය දිනක රෝගාතුර වීම හේතුවෙන් මීරිගම රෝහලට ඇතුළත් කළේය.
එහිදී ඇය කොරෝනා වෛරසය ආසාදිත බව හෙළි වීමෙන් පසු වැල්ලවත්ත ප්රතිකාර මධ්යස්ථානය වෙත යොමු කර කළේය.
එහි දස දිනක් ප්රතිකාර ලැබූ ඇය 21 රාත්රියේ ඇගේ නිවසට ඇරලවා තිබේ.
ඒ අවස්ථාවේ සිට නිවසේ වෙසෙන සිය සහෝදරයා තමන්ට නිවසේ දොරගුළු විවෘත නොකළ නිසා තමන් ඉස්තෝප්පුවටවී අව් වැසි ආදියෙන් පීඩාවට පත්වෙමින් කල්ගත කරන බවත් අසල්වාසීන්ගෙන් ලැබෙන ආහාර පානයෙන් දිවි රැක ගන්නා බවත් ඇය හඬමින් කීවාය.
එමෙන්ම තමන් වැල්ලවත්ත ප්රතිකාර මධ්යස්ථානයේදී හැඳ සිටි ඇඳුම් මෙන්ම තවමත් කල් ගත කරන බව කියන ඇය ඇගේ ඇඳුමක් ලබා ගැනීමට ඇගේ කාමරයට යාමට හෝ සහෝදරයා අවස්ථාව ලබා නොදී ඇතැයි හඬමින් පැවසුවාය.
තමන්ගේ දියණිය කණ්ඩලම ප්රදේශයේ නිවසක බෝඩිං වී රැකියාව කරන හෙයින් ඇය සිටින ස්ථානයට යාමට පවා තමන්ට හැකියාවක් නැතැයිද එසේ යාමට තමන්ගේ ඇඳුම් කැඩුම් ආදිය ලබා ගැනීමට සහෝදරයා නිවසේ දොර විවෘත නොකිරීම මහත් ගැටලුවක් බව ඇය පැවසුවාය.
ප්රදේශය භාර මහජන සෞඛ්ය පරීක්ෂක නිලධාරියා දහවල් පැමිණ කාන්තාවට සුපුරුදු පරිදි නිවසේ දිවි ගෙවීමට අවස්ථාව සලසා දෙන ලෙස ඇගේ සහෝදරයාට උපදෙස් දී ඇතත් ඔහු එය ප්රතික්ෂේප කළ බව අසල්වාසීන්ගෙන් දැන ගන්නට ලැබිණි .
පවුල් ආරවුලක් හේතුවෙන් සැමියාගේ පොරෝ පහර ලක්ව බරපතල තුවාල ලබා පුත්තලම මූලික රෝහලට ඇතුලත් කල තිදරු මවක් ප්රතිකාර ලබමින් සිටියදී මරණයට පත්ව ඇති බව පුත
තෙදින නිල සංචාරයක් සඳහා ජනාධිපති අනුර කුමාර දිසානායක මහතා හෙට (10) එක්සත් අරාබි එමීර් රාජ්යය බලා පිටත්ව යයි.
විදුලිය බිඳ වැටීමට හේතුව පානදුර විදුලි උප පොලේ සිදුවූ හදිසි තත්ත්වයක් බව බලශක්ති අමාත්යාංශය පවසයි.
විදුලි බිල සඳහා ස්ථාවර මිලක් ලබාදීමේ වැඩසටහන මේ වන විට අරඹා ඇතැයි ජනාධිපති අනුර කුමාර දිසානායක මහතා පැවසීය.
නොරෝච්චෝල ලක්විජය බලාගාරයෙ ජනන යන්ත්ර වල හදිසියෙ ඇතිවු කාර්මික දෝෂයක් හේතුවෙන් රට පුරා සමස්ථ විදුලි පද්ධතිය නැවති ඇති බව ඉහල නිළධාරීයකු පවසයි.
විදේශගත ශ්රමිකයන් පසුගිය ජනවාරි මස ප්රේෂණ ලෙස මෙරටට ඩොලර් මිලියන 573 ක් ඒවා ඇති බවත් එය පසුගිය වසරේ ජනවාරි මාසයට සාපේක්ෂව සියයට 17.5 ක වර්ධනයක් බවත් ශ්ර
ශ්රී ලංකාවේ අංක එකේ පාරිභෝගික ඉලෙක්ට්රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
අක්කා කොරෝනා සුව වී ගෙදර එද්දී මල්ලී දොර වහයි
Raveendra Thursday, 26 August 2021 08:31 AM
වික්ටර් රත්නායක මහත්මාගේ මෙම අර්ථවත් ගීතය නොහික්මුණු මේ සහෝදරයාට ඇසීමට හැකි වේවා.... අම්මා නැති මට කිරි අම්මාවී...... කරුවල ගෙදරට මිනි පහනක්වී....... දැනගත්දා සිට පෙරුම් පිරුවේ...... "අක්කේ" මම මතු සක්විති වෙයි සිතලා දෝ......
Nimal Thursday, 26 August 2021 09:00 AM
එය ඉතා ශෝචනීය කතාවකි.
janahitha UAE Thursday, 26 August 2021 09:01 AM
කොච්චර මහත්මා ගති පැවතුම් ඇති මිනිසුන් මැද උවද ගෝත්රික ගති ඇති අය ඕනෑතරම් සිටිනවා.
kamal Thursday, 26 August 2021 09:11 AM
සන්=සමහර තිරිසනුන්ගේ වැඩ දැක්කහම 2500 සංස්කෘතියත් එපා වෙනවා
සෙනෙවිරත්න Thursday, 26 August 2021 11:11 AM
කොන්ක්රීට් බුදුපිළිම , බෝගස්, වලට ඇබ්බැහිවෙච්ච මිනිස්සු ලඟ සැබෑ බුදුන් නැහැ.