(බිඟුන් මේනක ගමගේ)
පරිපාලන වියදම් දීමනාව ලබාදීම ඇතුළු ඉල්ලීම් 6ක් මුල්කරගනිමින් දිවයින පුරා රාජ්ය සේවයේ නියුතු සංවර්ධන නිලධාරීන් හෙට(4) වැඩවර්ජනයක හා උද්ඝෝෂණයක නියැළෙන බව සංවර්ධන නිලධාරී සේවා සංගමයේ කැඳවුම්කරු චන්දන සූරියආරච්චි මහතා ‘ලංකාදීප’ යට පැවසීය.
ඒ අනුව ස්වදේශ කටයුතු අමාත්යාංශයට අයත් දිස්ත්රික් ලේකම් කාර්යාල 25 හා ප්රාදේශීය ලේකම් කාර්යාල 336 ක සේවයේ නියුතු 16,000 කට ආසන්න සංවර්ධන නිලධාරීන් පිරිසක් මෙම විරෝධතාවයට එක්වන බව සූරියආරච්චි මහතා කීවේය.
ගම්පෙරළිය ව්යාපෘතිය ක්රියාත්මක කිරීමේදී එම ව්යාපෘති සම්බන්ධයෙන් පූර්ණකාලීන රාජකාරී වගකීම දරණ සංවර්ධන නිලධාරීන්ට අදාළ ව්යාපෘතියෙන් වෙන්වන පරිපාලන වියදම්වලින් දීමනාවක් ලබා නොදීම, ජනාධිපති ලේකම් කාර්යාලය මගින් මෙහෙයවන ග්රාම ශක්ති වැඩසටහන වැඩසටහනට අදාළ රාජකාරියේ යෙදෙන සංවර්ධන නිලධාරීන්ට ලබාදීමට පොරොන්දු වූ රුපියල් 3000 ක දීමනාව ලබානොදීම, 2013 සිට මේ දක්වා පුරප්පාඩු සේවා ස්ථානවල රාජකාරි සිදුකිරීම වෙනුවෙන් සංවර්ධන නිලධාරීන්ට රාජ්ය සේවය අනුව හිමිවිය යුතු වැඩබැලීමේ දීමනා මේ දක්වා ලබා නොදීම, 2013 සිට මේ දක්වා මාසික ගමන් වියදම් දීමනාවක් ලබා නොදීම, පිළිගත හැකි සුදුසු ස්ථාන මාරු පටිපාටියක් මෙතෙක් ක්රියාත්මක නොකිරීම හා සංවර්ධන නිලධාරීන්ට ව්යවස්ථාව අනුව සංවර්ධන විෂය ඇතුලූ සුදුසු රාජකාරී සහිත රාජකාරී ලැයිස්තුවක් 2013 සිට මෙතෙක් ලබා නොදීම අදාළ ඉල්ලීම් හය වේ.
වසර හයක් තිස්සේ පැවැති මෙම වෘත්තීය ගැටලූවලට අමාත්යාංශ බලධාරීන් ඇතුළු ආණ්ඩුවේ දේශපාලන අධිකාරියෙන් විසඳුම් ඉල්ලා සාකච්ඡා වට ගණනාවක් පැවැත්වුවද අදාළ ගැටලූවලට විසඳුමක් නොලැබීම නිසා මෙසේ වෘත්තීය ක්රියාමාර්ගයට අවතීර්ණය වීමට සිදු වී යැයි ද ඔහු කීය.
කෙසේ වෙතත් අදාළ ඉල්ලීම් හෙට දිනයේදී ලබාදීමට ආණ්ඩුව අපොහොසත් වන්නේ නම් ගම්පෙරළිය වැඩසටහනෙන් හා ග්රාම ශක්ති වැඩසටහනෙන් මෙන්ම වැඩබැලීමේ රාජකාරීවලින් ඉවත්වීමේ වෘත්තීය ක්රියාමාර්ගයකට අවතීර්ණ වන්නේ යැයි ද සූරියආරච්චි මහතා වැඩිදුරටත් සඳහන් කළේය.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සංවර්ධන නිලධාරීහු වර්ජනයකට සැරසෙති
Gamarala Tuesday, 03 September 2019 10:05 AM
ඔය කියන රාජකාරිවලින් ඉවත් උනා කියල රටට හෝ ජනතාවට පාඩුවක් වෙන එකක් නැහැ. මොකද කෙරෙන රාජකාරියක් නැහැනේ.
bandaraWednesday, 04 September 2019 07:50 AM
ඇත්තටම මොවුන් ලංකාවට කරන සේවය කුමක්ද? මොවුන් රැකියාවට ගන්නට පෙර මේ අය දැන් කරන රාජකාරි මීට වඩා හොඳට සිදුවුණා. සංවර්ධන නිලධාරීන් රාජ්ය සේවයට බරක් පමණි. වර්ජනයට සහභාගි වන සියලු දෙනා ගෙදර යැවිය යුතුයි.
Dilan Tuesday, 03 September 2019 11:43 AM
මෙයාලා වර්ජනය කරා කියලා කාටවත් දැනෙන්නේ නෑ. මොකද මෙයාලා කරන සේවයක් නැහැ .