(තිළිණි ද සිල්වා)
ශ්රී ලංකාව ඇතුළු රටවල් 14 කින් පැමිණෙන පුද්ගලයන්ට අද ( 09) සිට තම රටට ඇතුළුවීම තාවකාලිකව තහනම් කරන බව කටාර් රාජ්යය ප්රකාශයට පත් කර ඇතැයි කටාරයේ ශ්රී ලංකා තානාපති කාර්යාලය සඳහන් කරයි.
කොරෝනා වයිරසය ව්යාප්තිය හේතුවෙන් මෙම තීරණය ගෙන ඇතැයි කටාර් රාජ්යයේ සන්නිවේදන කාර්යාලය ඊයේ (08) නිවේදනය කළේය.
ලංකාවට අමතරව බංග්ලාදේශය, චීනය, ඊජිප්තුව , ඉන්දියාව , ඉරානය , ඉරාකය, ලෙබනන්, නේපාලය , පාකිස්ථානය, පිලිපීනය, දකුණු කොරියාව , සිරියාව සහ තායිලන්තය යන රටවල පුද්ගලයින්ට ද අදාළ තහනම පනවා තිබේ.
වයිරසය ව්යාප්ත වීම පාලනය කිරීමේ පියවරක් ලෙස කටාර් රාජ්ය මෙම පියවර ගෙන ඇති අතර අත්යවශ්ය ගමනක් හැර සියලු ගමන් බිමන් වලින් වළකින ලෙස ද කටාර් රාජ්ය එරට ජනතාවට දැනුම් දී ඇතැයි ශ්රී ලංකා තානාපති කාර්යාලය ආරංචි මාර්ග කියා සිටී.
මේ අතර කොරෝනා වයිරසය පැතිර යාමේ අවදානමක් පවතින බවට සෞදි බලධාරින් කළ දැනුම් දීම්වලට අනුව රියාද් නුවර ශ්රී ලංකා තානාපති කාර්යාල පරිශ්රයේ පිහිටි සංස්කෘතික ශාලාව අද (10) සිට නැවත දැනුම් දෙන තුරු සියලු කටයුතු සඳහා වසා දැමූ බව එම තානාපති කාර්යාලය කියා සිටී.
සෞදි අරාබිය එක්සත් අරාබි එමීර් රාජ්යය, බහරේනය සහ ඊජිප්තුව ඇතුළු රටවල් නවයකට සංචාරය කිරීම සිය පුරවැසියන්ට තහනම් කරනු ලැබ ඇති එම රටවලට ගුවන් සහ නාවික ගමන්වාර ද මේ වන විට නවතා දමා ඇතැයි ද වෛරසය පැතිරයාම හේතුවෙන් සෞදි අරාබියේ සියලු පාසල් සහ විශ්වවිද්යාල යළි දැනුම් දෙනතුරු වසා දමා තිබෙන බවද රියාද් නුවර ශ්රී ලංකා තානාපති කාර්යාලය පැවසීය.
සෞදි අරාබියේ කොරෝනා ආසාදිතයන් 11 දෙනෙකු වාර්තා වන අතර බොරතෙල් නිෂ්පාදනය කෙරෙන කටීෆ් පළාත ද තාවකාලිකව වසා දමා ඇති බවද විදෙස් මාධ්ය කියා සිටී.
කටීෆ් පළාතේ සියලුම පොදු සහ පෞද්ගලික ආයතන ද වසාදමා ඇති බව පැවසේ.
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
අධිකරණය මගින් අත්හිටුවා ඇති කෝටි ගණනක සිය දේපළ මුදාහැරීමේ නියෝගයක් නිකුත් කරන්නැයි මහා පරිමාණ මත්ද්රව්ය ජාවාරම්කාරයකු ලෙස ප්රකට සිරිනාථ පතිරණග
හිටපු ජනාධිපති මෛත්රිපාල සිරිසේන මහතා පාස්කු ඉරු දින ප්රහාරයට මේ රටේ පුරවැසියකු ගැන හෝ මේ රටේ පුරවැසියෙකුගේ සම්බන්ධතාවක් ගැන හෝ කිසිදු තොරතුරු
මත්ද්රව්ය සමග අත්අඩංගුවට පත් නාවික හමුදාවේ ලුතිනන් කමාන්ඩෝවරුන් දෙදෙනා ඇතුළු සැකකරුවන් සිව් දෙනා මැයි මස 09 දින දක්වා රක්ෂිත බන්ධනාගාර ගත කිරීමට ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ශ්රී ලාංකිකයන්ට කටාර් රාජ්යයෙන් තාවකාලික තහනමක්
susantha Monday, 09 March 2020 09:49 AM
මේ අයට මොලේ නැහැ කියන්නේ නිකන්ද? ලංකාව අහවල් එකටද තහනම් කරේ? දැනට කොරෝනා වසංගතය දරුණුවට පැතිරෙන රටවල් වලින් චීනය ඉරානය විතරයි නම් කරලා තියෙන්නේ... ඉතාලිය බ්රිතාන්ය අසල්වැසි එමීර් රජය සෞදිය නම්කරලා නැහැ. අපේ රටෙන් වාර්තා වුනේ එක රෝගියයි. ඇයත් සුවකරලා චීනයටම යැව්වා.
SLMonday, 09 March 2020 10:52 AM
අපේ ජනාධිපතිතුමා අපිට විශ්වාසයි. තෙල්මිල පොඩිගාණකින් අඩු කරන්නේ නැහැ. අඩුතරමින් Rs 20ක් වත් අඩුකරනවා අපිට ශුවර්, මොකද ජනාධිපතිතුමා ජනතාවගේ දුක දන්නවා.
Aris Monday, 09 March 2020 09:55 AM
ලංකාවේ කොරෝනා නැත්නම් ඇයි මේ තහනමක් දාලා තියෙන්නේ? කොරෝනා තියන යුරෝප් රටවල් වලට නම් තහනම් දාලා නැහැ...
Samantha Monday, 09 March 2020 10:10 AM
තවම එක රෝගියෙක්වත් නැති ලංකාවේ පුරවැසියන්ට කටාර්වලට ඇතුල්වීම තහනම්... නමුත් රෝගීන් දහස් ගණනක් ඉන්න ඉතාලි වැසියන්ට ඇතුල්වීමට කිසිම බාධාවක් නැහැ. මොවුන්ගේ ධීනභාවය ඉතා පැහැදිලිය..
ranasinghe Monday, 09 March 2020 11:28 AM
අධික ජනගහනයක් මේ රටවලින් දිනකට පැමිණෙනවා මේ නිසා නිරෝධයන කටයුතු අපහසු වෙනවා. නැතිව තරහට නොවේ නේපාලයේත් රෝගීන් නැහැ.
ලියන්නා Monday, 09 March 2020 02:41 PM
රටේ කොරෝනා රෝගීන් නැති තත්ත්වයක් තුළ මෙලෙස තහනම් කිරීමට හේතුව කුමක්ද? සෞඛ්ය අංශ වහාම මේ ගැන ප්රකාශයක් නිකුත් කළ යුතුයි. දොස්තර සංගමය තව දුරටත් සැඟව සිටියි.