(බිඟුන් මේනක ගමගේ)
ස්ථාවර ආණ්ඩුවක් පිහිටුවීමෙන් මිස මහ මැතිවරණයකට යෑමෙන් මේ අවස්ථාවේ රටට පලක් නැතැයි ද ඒ සඳහා සුදුසු පියවර ජාතික ආණ්ඩුවක් පිහිටුවීම යැයි ද ශ්රී ලංකා නිදහස් පක්ෂයේ ගාල්ල දිස්ත්රික් පාර්ලිමේන්තු මන්ත්රී පියසේන ගමගේ මහතා ‘ලංකාදීප’ යට පැවසීය.
ඒ මහතා මෙම අදහස පළ කළේ එක්සත් ජාතික පක්ෂ ආණ්ඩුව පිහිටුවීමට සහාය පළ කළ ශ්රී ලංකා නිදහස් පක්ෂයේ මන්ත්රීවරුන් හතර දෙනෙකුගේ නම් ඇමැති ධුර පිරිනැමීමට යෝජනා කරමින් එ.ජා.පය විසින් ජනාධිපතිවරයාට කරන ලද ඉල්ලීම ගැන කළ විමසීමේදීය.
පියසේන ගමගේ, ඒ.එච්.එම් ෆවුසි, විජිත් විජයමුනි සොයිසා හා ලක්ෂ්මන් සෙනෙවිරත්න යන මන්ත්රීවරුන්ගේ නම් ජනාධිපතිවරයාට යොමු කළ ලැයිස්තුවේ ඇති බවට මාධ්ය වාර්තා පළ විය.
පියසේන ගමගේ මන්ත්රීවරයා මෙසේ ද කීය.
“පවතින දේශපාලන ක්රමය තුළ බහුතර බලයක් ලබාගන්න එකම පක්ෂයකටවත් හැකියාවක් නෑ. ඉතින් සුළුතර බලයක් සහිත ආණ්ඩු තමයි හැදෙන්නේ. ඒක රටට අවදානම්. ශක්තිමත් ආණ්ඩුවක් නැතිව රටක් පාලනය කරන්න බෑ. ස්ථිර වැඩපිළිවෙලක් දිගට ක්රියාත්මක වෙන්න නම් ශක්තිමත් ආණ්ඩුවක් ඕනෑ. ජාතික ආණ්ඩුවක් කියන්නේ සියලු පක්ෂ එකතු වෙන දේශපාලන ක්රියාවලියක්නේ. එතැනදි ප්රධාන දේශපාලන පක්ෂ වගේම සුළු පක්ෂත් එකතු වී රටට අර්ථවත් වැඩක් කරන්න පුළුවන කියන මතයේ මම ඉන්නවා.”
“දැන් තියෙන්නෙ ජාතික ආණ්ඩුවක් නෙවෙයිද? දැනුත් පක්ෂ දෙකක නියෝජනයක් තියෙන්නෙ. ජනාධිපතිතුමා එක පක්ෂෙක. අගමැතිතුමා තවත් පක්ෂෙක. ජනාධිපතිතුමා මේ ආණ්ඩුවෙ ප්රධානතම අමාත්යංශ හතරක පමණ ඇමැතිවරයායි. ආරක්ෂාව, පරිසරය, නීතිය හා සාමය ආදී වශයෙන් ගත්තාම මේ ආණ්ඩුවෙන් බාගයක් පමණ තිබෙන්නේ ජනාධිපතිවරයාටනෙ. මේ ආණ්ඩුව දුවන්නේ ශ්රී ලංකා නිදහස් පක්ෂයෙන් හා එක්සත් ජාතික පක්ෂයෙන්. දැනටම ජාතික ආණ්ඩුව පණගැන්විලා ඉවරයි. මේකෙ අලුතින් පිහිටුවන්න දෙයක් නෑ. ඒක හරි විහිළුවක්. ”
මේ ගැන කළ විමසීමේදී ලක්ෂ්මන් සෙනෙවිරත්න මන්ත්රීවරයා අදහස් පළ කිරීමට නොහැකි බව කී අතර ඒ.එච්.එම් ෆවුසි හා විජයමුනි සොයිසා යන මන්ත්රීවරුන් අවධාරණය කළේ සිය නම් ඇමැති ධුර සඳහා යෝජනා කර ඇත්තේ ජාතික ආණ්ඩුවක් පිහිටුවීමට නොවන බවටය.
කැබිනට් මණ්ඩලය තිහක සීමාවේ පවතින අතර මෙම මන්ත්රීවරුන් කැබිනට් මණ්ඩලයට ඇතුලත් කරගැනීමට නම් පවතින ආණ්ඩුක්රම ව්යවස්ථාවට අනුව ජාතික ආණ්ඩුවක් පිහිටුවිය යුතුය.
මත්ද්රව්ය ජාලයට එරෙහිව සිදුකරනු ලබන මෙහෙයුම් නිසා තමාට අමාත්යධූරයෙන් ඉවත්වන ලෙස මත්ද්රව්ය ජාවාරම්කරුවන් සමග සබදතා පවත්වන ඇතැමුන් බලපෑම් කරන බ
වීසා අර්බුදය සම්බන්ධයෙන් සාකච්ඡා කිරීමට මහජන ආරක්ෂක අමාත්යංශයේ ලේකම්වරයා සහ ආගමන විගමන පාලකවරයා රජයේ මුදල් පිළිබඳ පාර්ලිමේන්තු කාරක සභාවට හෙට කැඳ
ණය ප්රතිව්යුහගත කිරීමේ සමස්ත ක්රියාවලිය සාර්ථක කර ගැනීමෙන් ශ්රී ලංකාවේ ණය බර එක්සත් ජනපද ඩොලර් බිලියන 17කින් පමණ අඩු කර ගත හැකි වනු ඇති බව විදේශ අමා
මිනිසුන් විසි දහසකට ආසන්න පිරිසක් වෙනුවෙන් නොමිලයේ එළවළු ලබා දීමේ ’’එළවළු දන්සැලක්’’ මහරගම පන්නිපිටිය ප්රදේශයේ අද (08) දින පැවැත්විණි.
බිංගිරිය කර්මාන්ත කලාපයේ යටිතල පහසුකම් සංවර්ධන කටයුතු මෙම වසර අවසන් වීමට පෙර නිම කරන ලෙස ජනාධිපති රනිල් වික්රමසිංහ මහතා නිලධාරීන්ට උපදෙස් දුන්නේය.
කෘෂිකර්මාන්තය දියුණු නොකොට ග්රාමීය ආර්ථිකය ශක්තිමත් කළ නොහැකි බව ජනාධිපති රනිල් වික්රමසිංහ මහතා පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රටට ජාතික ආණ්ඩුවක් ඕනෑ