(අංජුල මහික වීරරත්න මාලදිවයිනේ සිට)
මාලදිවයිනේ දෙදින නිල සංචාරය ආරම්භ කරමින් අග්රාමාත්ය රනිල් වික්රමසිංහ මහතා අද (02) පෙරවරුවේ මාලේ නුවර වෙලනා ජාත්යන්තර ගුවන් තොටුපොළින් මාලදිවයිනට ළඟාවිය.
මාලේ නුවර, වෙලනා ජාත්යන්තර ගුවන් තොටුපොළට පැමිණි ශ්රී ලංකා අග්රාමාත්ය රනිල් වික්රමසිංහ මහතා ඇතුලු දූත පිරිස එරට විදේශ කටයුතු පිළිබඳ අමාත්ය අබ්දුල්ලා ෂහීඩ් මහතා විසින් පිළිගනු ලැබීය.
මාලදිවයින් ජනාධිපති ඊබ්රහිම් මොහොමඩ් සෝලි මහතාගේ ආරාධනයකට අනුව මාලදිවයිනේ නිල සංචාරයේ නිරත වන අග්රාමාත්ය රනිල් වික්රමසිංහ මහතා, මාලේ නුවර වෙලනා ජාත්යන්තර ගුවන් තොටුපොලේ සිට විශේෂ යාත්රා පෙරහරකින් මාලේ නුවර ජනරජ චතුරස්රය වෙත කැඳවාගෙන එනු ලැබීය.
මාලේ නුවර ජනරජ චතුරස්රය වෙත පැමිණි අග්රාමාත්ය රනිල් වික්රමසිංහ මහතා ප්රමුඛ දූත පිරිස ජනරජ චතුරස්රය අසල, ඉසුදීන් ජැටියේ දී, මාලදිවයින් ජනාධිපති ඊබ්රහිම් මොහොමඩ් සෝලි මහතා සහ එම ආර්යාව ඇතුලු එරට මැති ඇමැතිවරු විසින් මහත් උත්කර්ෂවත් අන්දමින් පිළිගනු ලැබුහ.
අනතුරුව, ශ්රී ලංකා අග්රාමාත්යවරයා ප්රමුඛ දූත පිරිස එරට ජනරජ චතුරස්රය වෙත කැඳවා ගෙනු එනු ලැබූ අතර එහිදී ශ්රී ලංකා අග්රාමාත්යවරයා වෙනුවෙන් මාලදිවයින් ජාතික ආරක්ෂක බලකාය විසින් ආචාර වෙඩිමුර හතක් පවත්වා ආචාරය දැක්වීය.
මෙහිදී ශ්රී ලංකා අග්රාමාත්යවරයා වෙනුවෙන් එරට හමුදා උත්තමාචාර පෙළපාලියක් ද පවත්වනු ලැබූ අතර අග්රාමාත්යවරයා රතු පළස මතින් ගොස් හමුදා උත්තමාචාරය පිළිගනු ලැබීමෙන් පසු මාලදිවයින් සංස්කෘතිකාංග පිළිබිඹු කෙරෙන නර්තන පෙරහරකින් ශ්රී ලංකා අග්රාම්යවරයා ප්රමුඛ දූත පිරිස එරට ජනාධිපති මන්දිරය වෙත කැඳවා ගෙන යනු ලැබූහ.
මෙම අවස්ථාවට මහාචාර්ය මෛත්රී වික්රමසිංහ, ස්වදේශ කටයුතු, පළාත් සභා, පළාත් පාලන සහ අභ්යන්තර කටයුතු අමාත්ය වජිර අබේවර්ධන, උසස් අධ්යාපන, නගර සැලසුම් සහ ජල සම්පාදන අමාත්ය රාවුෆ් හකීම්, සමාජ සවිබලගැන්වීමේ සහ ප්රාථමික කර්මාන්ත අමාත්ය දයා ගමගේ, ඛනිජ තෙල් සම්පත් සංවර්ධන රාජ්ය අමාත්ය අනෝමා ගමගේ, අග්රාමාත්ය ලේකම් සමන් ඒකනායක, මාලදිවයිනේ ශ්රී ලංකා මහකොමසාරිස් මේජර් ජනරාල් අශෝක තෝරදෙනිය, අග්රාමාත්ය විශේෂ සහායිකා සැන්ඩ්රා පෙරේරා යන මහත්ම මහත්මීහු ඇතුලු පිරිසක් සහභාගි වූහ.
(ඡායාරූප - ප්රදීප් පතිරණ)
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මාලදිවයින් ජනපති අගමැතිව හරසරින් පිළිගනී
Raveendra Monday, 02 September 2019 01:19 PM
මල්ලියේ මමත් රටේ ලොක්කා වුණු ගමන්ම මම මලයව මේ විදියට පිළිගන්න හොඳේ...
anura Monday, 02 September 2019 04:01 PM
මේ එක්තරා දුරකථන සංවාදයක්...........අනේ යාළුවේ දවස් කිහිපයකට හරි ආරාධන්නාවක් මට කරන්නකෝ.......හැබයි රාජ්ය පිළිගැනීම් වගේ දේවල් කලබලයෙන් කරන්න අමාරුයි.............කමක් නෑ ඔය නලාවක් වගේ එකක් ගැහුවම හොඳටම ඇති, මට අපේ එව්න් එක්ක ඉඳලා ඇති වෙලයි ඉන්නේ.
sunil Monday, 02 September 2019 09:35 PM
අනේ පව්ව් අපේ කොල්ලෝ මොකා අවත දේශපලුවොන් ගේ නම යන්න අපේ එවුන් සැලියුට් ගහන්න ඕනේ නේ ..හැමදාම කලේ ඕකයි ...!!! ඕකට තියෙනව උත්තරයක් නම් ...?
sirimal Tuesday, 03 September 2019 09:33 AM
අගමැතිට පක්යේ අයවත් කැමති නැත්තේ එතුමා විශාල වැඩ ගොඩක් කළ නිසාද ?
wedageTuesday, 03 September 2019 10:56 AM
ඔව් සෙල්ලම් වැඩක්ද මහා බැංකුවක් කඩන්න සහ කපු හොරාව රටින් පන්නල දුන්නේ