(මනෝප්රිය ගුණසේකර)
ලංකාව අවට මුහුදේ ‘පාවෙන අවි ගබඩාවක්’ පවත්වාගෙන යෑමේ චෝදනා මත “ඇවන්ට් ගාඩ්” සභාපති නිශ්ශංක සේනාධිපති මහතා ඇතුළු විත්තිකරුවන් 8 දෙනකුට එරෙහිව පවරා ඇති නඩුවේ පැමිණිල්ලේ හා විත්තියේ දේශන ලබන අප්රේල් 23 වැනිදා ඉදිරිපත් කරන ලෙස ත්රිපුද්ගල මහාධිකරණ විනිසුරු මඩුල්ල අද (03) නියම කළේය.
මහාධිකරණ විනිසුරුවරුන් වන ආදිත්ය පටබැඳිගේ (සභාපති) මංජුල තිලකරත්න සහ එම්.එබ්ලිව්.ජේ.කේ. වීරමන් යන මහත්වරුන්ගෙන් සැදුම්ලත් ත්රිපුද්ගල මහාධිකරණ විනිසුරු මඩුල්ල ඉදිරියේ මෙම නඩුව විභාග කෙරේ.
2014 අප්රේල් 07 වැනිදා සිට 2015 ඔක්තොබර් මස 6 වැනිදා දක්වා කාලයේ ඉන්දියන් සාගරය, රතු මුහුද හික්කඩුව සහ කොළඹදී නිත්යනුකූල බලපත්ර නොමැති ස්වයංක්රීය ගිනි අවි සහ උණ්ඩ ලඟ තබාගැනීම සඳහා කුමන්ත්රණය කිරීම ඒ අනුව ටී-56, 84 එස් සහ එල්.එම්.ජී. වර්ගයේ ගිනි අවි 816ක් සහ උණ්ඩ 2,02,935ක් නිත්යනුකූල බලපත්ර නොමැතිව ලඟ තබාගැනීම මෙන්ම 2015 සැප්තැම්බර් 23 වැනිදා සිට 2015 ඔක්තෝබර් මස 6 වැනිදා දක්වා කාල සීමාව තුළදී ඉන්දියන් සාගරය, රතු මුහුද හික්කඩුව සහ කොළඹදී නිත්යනුකූල බලපත්ර නොමැති ස්වයංක්රීය ගිනි අවි සහ උණ්ඩ ප්රවාහනය කිරීම සඳහා කුමන්ත්රණය කිරීම සහ ඒ සඳහා ආධාර හා අනුබල දුන් බවට විත්තිකරුවන්ට එරෙහිව නීතීපතිවරයා විසින් චෝදනා නඟා තිබිණි.
ගිනි අවි ආඥා පනත යටතේ සහ පුපුරණ ද්රව්ය ආඥා පනත යටතේ දඬුවම් ලැබිය යුතු වරදවල් විත්තිකරුවන් විසින් සිදු කොට ඇති බව නීතීපතිවරයා විසින් චෝදනා පත්රයේ සඳහන් කොට ඇත.
එලෙස චෝදනා කරමින් නඩු පවරා තිබුණේ “ඇවන්ට් ගාඩ්” සභාපති නිශ්ශංක සේනාධිපති, විශ්වජිත් නන්දන දියබලනගේ, නිලුපුල් ද කොස්තා, කෙනඩි ග්රැව්රි ලෝච්, සමන් දිසානායක, වික්ටර් සමරවීර, බාලසුබ්රමනියම් ප්රේමචන්ද්රන් හා ඇල්බට් තිලකරත්න ඇතුළු විත්තිකරුවන් 08 දෙනෙකුට එරෙහිවය.
මෙම නඩුවේ පැමිණිල්ලේ හා විත්තියේ සාක්කි මේ වන විට අවසන් වී ඇත.
මෙම නඩුව කැඳවනු ලැබු අවස්ථාවේදී විත්තිකරුවන් වෙනුවෙන් පෙනී සිටි ජනාධිපති නීතීඥ කුවේර ද සොයිසා මහතා කරුණු ඉදිරිපත් කරමින් මෙම නඩුවේ 05 වැනි විත්තිකාර බාලසුබ්රමනියම් ප්රේමචන්ද්රන් නමැත්තා විදේශගතව ප්රතිකාර ගනිමින් සිටියදී පසුගිය පෙබරවාරී 2 වැනිදා මියගොස් ඇතැයි කියමින් ඔහුගේ මරණ සහතිකය අධිකරණයට ඉදිරිපත් කළේය.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇවන්ට් ගාඩ් පැමිණිල්ලේ හා විත්තියේ දේශන අප්රේල් 23 දාට ඕනෑ
gamage Wednesday, 03 March 2021 02:53 PM
නිදොස් කොට, නිදහස් කරන ලදී...
fairoos Thursday, 04 March 2021 09:55 AM
මේ ආණ්ඩුව ආවාට පස්සේ නඩු කීයක් ඉවරද? ඔක්කෝමලා නිදහස්... නියමයි අලි සබ්රි මැතිතුමා...