(හර්ෂණ තුෂාර සිල්වා)
ශ්රී ලංකා නාවික හමුදා අත්අඩංගුවේ තිබෙන ඉන්දීය ධීවර යාත්රා මුදාහැරීමට පියවර ගන්නා බව ජනාධිපති ගෝඨාභය රාජපක්ෂ මහතා නවදිල්ලි අගනුවරදී අද (29) පැවැසීය.
සිය ධුර කාලයේදී ඉන්දියාව සහ ශ්රී ලංකාව අතර තිබෙන සබඳතා ඉහළ මට්ටමකට ගෙන ඒමට තමන්ට අවශ්ය යැයි ද ජනාධිපති ගෝඨාභය රාජපක්ෂ මහතා කීය.
ඉන්දියාවේ නවදිල්ලි අගනුවර ‘හයිද්රාබාද් හවුස්’ නිල නිවස්නයේදී ඉන්දීය අග්රාමාත්ය නරේන්ද්ර මෝදි මහතා සමඟ ඒකාබද්ධ මාධ්ය හමුවකට එක්වෙමින් ජනාධිපති ගෝඨාභය රාජපක්ෂ මහතා එම කරුණු සඳහන් කළේය.
අග්රාමාත්ය මෝදි මහතා සමඟ ඉන්දු ලංකා ධීවර ගැටලුව සම්බන්ධයෙන් දීර්ඝව සාකච්ඡා කළ බවත් අත්අඩංගුවේ තිබෙන ඉන්දීය ධීවර බෝට්ටු මුදා හැරීමට ඉදිරියේදී පියවර ගන්නා බවත් ජනාධිපති ගෝඨාභය රාජපක්ෂ මහතා කීවේය.
ජාතික ආරක්ෂාව, යටිතල පහසුකම් සංවර්ධනය, වාණිජ සහ වෙළෙඳ අවස්ථා සම්බන්ධයෙන් ඉන්දීය අග්රාමාත්ය නරේන්ද්ර මෝදි මහතා දුන් සහතිකය සහ සහයෝගය පිළිබඳව ඔහුට කෘතඥ වන බව ද හෙතෙම පැවැසීය.
නුදුරේදීම ශ්රී ලංකාවට පැමිණෙන්නැයි ඉන්දීය අග්රාමාත්ය නරේන්ද්ර මෝදි මහතාට ආරාධනා කරන බවත් තමන් ජනාධිපති ධුරයේ සිටියදීම පළමුවෙන්ම ශ්රී ලංකාවට පැමිණෙන රාජ්ය නායකයා ලෙස අගමැති මෝදි මහතා පිළිගැනීමට තමන් සූදානමින් සිටින බවත් ජනාධිපතිවරයා කීය.
ශ්රී ලංකාව සහ ඉන්දියාව අතර ඓතිහාසිකව මෙන්ම දේශපාලනික වශයෙන් දීර්ඝකාලීන සබඳතාවක් තිබෙන බව ජනාධිපති ගෝඨාභය රාජපක්ෂ මහතා ආරක්ෂාව, ආර්ථික සංවර්ධනය සහ දෙරටේ ජනතාවගේ සුබසාධනය යන ප්රධාන කරුණු සම්බන්ධයෙන් ඉන්දියාව සහ ශ්රී ලංකාව එකට වැඩ කළ යුතු යැයි ද කීවේය.
බුද්ධි ආයතනවල හැකියාව වැඩි කිරීම සඳහා ඇමෙරිකානු ඩොලර් මිලියන 50ක ණය මුදලක් ලබාදීම සම්බන්ධයෙන් අග්රාමාත්ය මෝදි මහතාට ස්තූතිවන්ත වන බවද ජනාධිපති ගෝඨාභය රාජපක්ෂ මහතා කීය.
ශ්රී ලංකාව සහ ඉන්දියාව අතර සහයෝගීතාව අංශ රැසකින් පවතින බවත් එහිදි ආරක්ෂාව සම්බන්ධ කරුණුවලට ප්රමුඛත්වය දෙන බවත් ජනාධිපතිවරයා පැවැසීය.
අග්රාමාත්ය නරේන්ද්ර මෝදි මහතා සමඟ ආර්ථික සහයෝගීතාව සම්බන්ධයෙන් ද සාකච්ඡා පැවැත්වූ බව ජනාධිපති ගෝඨාභය රාජපක්ෂ මහතා මෙහිදි කීවේය.
බස්නාහිර, සබරගමුව, මධ්යම, වයඹ සහ දකුණු පළාත්වලට අද පස්වරු 2.00 පමණ පසු තැනින් තැනට වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව කිය
කකුලේ ඇතිව තිබූ තුවාලයකට ප්රතිකාර ගැනීමට කුලියාපිටිය ශික්ෂණ රෝහලට පෙරේදා (24) මවත් සමග පැමිණ සිටි දරුවකු පැළඳ සිටි රුපියල් තුන් ලක්ෂ අසූ දෙදහසක් පමණ වට
කෑගල්ල මහ රෝහලේ අරක්කැමි (කොකියා) රුපියල් හාර දහස් අසු දෙකක් වටිනා කරවල, අලුත් මාළු හා අර්තාපල් සොරාගෙන යමින් සිටියදී රෝහල් අධ්යක්ෂවරයාට හසුවූ බව කිය
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘අත්අඩංගුවේ තිබෙන ඉන්දීය ධීවර යාත්රා මුදාහැරීමට පියවර ගන්නවා‘‘
Champa Friday, 29 November 2019 03:51 PM
සම්පූරණ වැරදි තීරණයක්. මේ බෝට්ටු අත් අඩංගුවට ගත්තේ අපේ රටේ මුහුදු සීමා උල්ලංඝනය කරපු නිසා. මේ බෝට්ටු නිදහස් කරන එක වැරදියි. ඉන්දියාව ජාත්යන්තර සාගර නීතිය යටතේ අපේ රටට අයිති මුහුදු තීරයට අනවසරයෙන් ඇතුල් වෙන එක වැරදියි.
රනා Friday, 29 November 2019 03:52 PM
අන්න නියම ගනුදෙනු. බෝට්ටු ටික ආපහු දීලා මිලියන 50ක ණය ගත්තා...
Licky Friday, 29 November 2019 06:10 PM
මෙතන කවුරු ලිව්වත් තරහෙන්, වෛරයෙන් නොසිතා රට ගැන සිතා ලියන්න. තවම සති දෙකයි බලය ලැබිලා. ඒ නිසා ඔයාලත් පොඩි විවේකයක් ගන්න...
සුදු බංඩාර Saturday, 30 November 2019 05:14 AM
මම ඔබතුමාට ඡන්දය දුන්නේ නෑ. ඒත් ඔබගේ වැඩ පිළිවෙල ප්රතිපත්ති රටට ඉතා අගනේය. ජයවේවා... !!!
sandy Saturday, 30 November 2019 07:17 AM
කිසිම ප්රශ්නයක් වෙන්නේ නැහැ. මින් පසු අත්අඩංගුවට නොගෙන ඉන්න. නැතිනම් ලොකු අයියා තර වෙයි. කිසිම උදව්වක් (ණයක්) ගන්න බැහැ ඉදිරියේදී...
පිටිගල මිලානෝ Saturday, 30 November 2019 09:08 AM
බැංකු හොරු අල්ලනවද?
Bamunuarachchi Sunday, 01 December 2019 02:37 AM
එ්ක හොඳයි සර්, මාළු ටිකකට ඉන්දියාව තරහ කරගන්න ඕනෑ නැහැ.