(තිළිණි ද සිල්වා)
කෘෂිකර්ම අමාත්යාංශය පවත්වා ගෙන යාම සඳහා බත්තරමුල්ලේ ඩී.පී.ජේ ගොඩනැගිල්ල ලබා ගැනීම සඳහා වන ගිවිසුම් අත්සන් කිරීමට කෝටි 103 ක් පමණ වැය වී ඇති බවත් එම ගොඩනැගිල්ල සඳහා භාණ්ඩ ගැනීමට තවත් කෝටි 46 ක් වැය කළ බවත් මෙසේ වියදම් කළ මුදලින් එම ගොඩනැගිල්ල මිළදී ගැනීමට වුවත් පුළුවන් කමක් තිබුණේ යැයි අග්රාමාත්ය ලේකම් සමන් ඒකනායක මහතා අද (06) ජනාධිපති පරීක්ෂණ කොමිසම හමුවේ සාක්කි දෙමින් කියා සිටියේය.
කෘෂිකර්ම අමාත්යාංශය රුපියල් මිලියන 24 .6 ක මාසික කුලියට බත්තරමුල්ල පිහිටි ඩී.පී.ජයසිංහ ගොඩනැගිල්ලට රැගෙන යාමෙන් රජයට පාඩු සිදුව ඇතැයි කියමින් එම ජනාධිපති කොමිසම හමුවේ ගොනු කල පැමිණිල්ල සම්බන්ධයෙන් පැය 5 ක් පුරා සාක්කි ලබා දෙමින් හෙතෙම මේ බව පැවසීය.
අදාළ ගොඩනැගිල්ල කෘෂිකර්ම අමාත්යාංශයට ලබා ගෙන වසර එකහමාරක් පමණ හිස්ව තබා ගැනීමත් එම කාලයට කුලිය ගෙවීමත් එම අමාත්යාංශ නිලධාරීන්ගේ අකාර්යක්ෂමතාව මත සිදුව ඇති බවත් කියා සිටි අග්රාමාත්ය ලේකම්වරයා එම ගොඩනැගිල්ල කෘෂිකර්ම අමාත්යාංශයට ලබා ගැනීමට කැබිනට් පත්රිකාව ඉදිරිපත් කළ එවකට කෘෂිකර්ම ඇමතිවරයා වූ දුමින්ද දිසානායක මහතා පෞද්ගලිකව ගොස් පරීක්ෂා කර බලා ඇති බව කැබිනට් පත්රිකාවේ සඳහන් වුවද ගොඩනැගිල්ලේ අඩුපාඩු අමාත්යවරයාද දැක නැති බව හෙතෙම ජනාධිපති කොමිසම හමුවේ සාක්කි දෙමින් පිළිගත්තේය.
අග්රමාත්ය ලේකම්වරයා වැඩිදුරටත් කොමිසම හමුවේ සාක්කි දෙමින් ප්රකාශ කර සිටියේ පාර්ලිමේන්තු ආංශික අධීක්ෂණ කාරක සභා 17 ක් සඳහා කාර්යාල ඉඩකඩ ලබා ගැනීමට කෘෂීකර්ම අමාත්යාංශය පවත්වා ගෙන ගිය ගොවිජන මන්දිරය ලබා ගැනීමට අවශ්ය වූ බවත් එය ඉතා හදිසි අවශ්යතාවයක් නිසා කෘෂීකර්ම අමාත්යාශයට සුදුසු තැනක් සෙවීමේ අවශ්යතාවය යටතේ ඩී.පී.ජේ ගොඩනැගිල්ල මිලඳී ගත් බවය.
එලෙස ලබා ගත් එම ගොඩනැගිල්ල සඳහා අනුමත නීත්යානුකූල ගොඩනැගිලි සැලැස්ම නීත්යානුකූල අනුකූලතා සහතිකය හෝ එම ඉඩම සඳහා නඩුවක් පවතින බවක් තමන් නොදන්නා බවද අග්රමාත්ය ලේකම්වරයා කොමිසම හමුවේ වැඩිදුරටත් ප්රකාශ කර ඇත.
රාජ්ය කාර්යාලයක් බදු ක්රමයකට ලබා ගන්නා විට අනිවාර්යයෙන්ම නීතිපති වෙත බදුගිවිසුම් ඉදිරිපත් කළා නම් සියලූ තොරතුරු හෙළි කර ගත හැකි වන බවත් අදාළ පෙළපත් සටහන් ආදිය එමඟින් පැහැදිලි වන බවත් හෙතෙම කොමිසමට කීය.
කෙසේ වුවද කෘෂිකර්ම අමාත්යාංශය සඳහා කලින් යෝජනා වූ සුහුරුපාය නව ගොඩනැගිල්ලේ හිස්ව තිබූ 14 ‐ 18 යන මහල් ලබා ගත්තේ නම් අදාළ ගොඩනැගිල්ලට ගෙවූ රුපියල් බිලියන ගණනක රාජ්ය මුදල් ඉතිරිවන බව අග්රාමාත්ය ලේකම්වරයා කොමිසමේ දී පිළිගෙන ඇත.
ගොඩනැගිල්ලේ විවිධ අඩුපාඩු තිබියදී විශාල මුදලක් වැය කර ලබා ගැනීම සුදුසු නොවන බවත් බදුගිවිසුම් අත්සන් කිරීමට පෙර මෙම ගොඩනැගිල්ලේ තත්ත්වය නිසි ලෙස පරීක්ෂා කළා නම් එය ආපසු අමාත්ය මණ්ඩලයට වාර්තා කළ යුතුව තිබූ බවද හෙතෙම කොමිසම හමුවේ කියා සිටියේය.
මෙහිදී කොමිසමේ සභාපති හිටපු ශ්රේෂ්ඨාධිකරණ විනිසුරු උපාලි අබේරත්න මහතා මුල් අවස්ථාවේ කැබිනට් පත්රිකාවකින් සුහුරු පායේ ගොඩනැගිලි කීපයක් ගැනීමට අගමැති යෝජනා කළත් පසුව එම තීරණය වෙනස්කර අගමැතිවරායම දුමින්ද දිසානායක ඇමතිවරයාට අදාළ ගොඩනැගිල්ල ලබා ගැනීමට උපදෙස් දී ඇති බව දුමින්ද දිසානායක මහතා ඉදිරිපත් කළ කැබිනට් පත්රිකාවේ සඳහන් ඇති බවත් එවැනි පරස්පර් මත දෙකක සිටීමෙන් අගමැතිවරයාද මෙම සිද්ධියේ වගකිව යුත්තෙක් නේද යැයි කොමිසමේ සභාපතිවරයා ඔහුගෙන් විමසා සිටයේය.
එහිදී සාක්කිකාර අගමැති ලේකම්වරයා කියා සිටියේ එම පැහැදිලි කර ගැනීම සඳහා අගමැතිවරයා ගෙන් විමසා බැලිය යුතු බවය.
අග්රාමාත්ය ලේකම්වරයා පුරා පැය 5ක් පමණ කාලයක් කොමිසම හමුවේ සාක්කි ලබා දෙන ලදී.
මෙම පැමිණිලලේ වැඩිදුර විභාගය ලබන 10 වැනිදා යළි කැඳවන අතර එදින හිටපු කෘෂිකර්ම අමාත්ය සහ පාර්ලිමේන්තු මන්ත්රී දුමින්ද දිසානායක මහතා සාක්කි දීමට නියමිතය.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අගමැති ලේකම් පැය 5 ක් ජනපති කොමිසම හමුවේ සාක්කි දෙයි
Mahee Friday, 06 September 2019 03:26 PM
මං කලිනුත් කිව්වා වගේ පැදුරක් කොට්ටයක් දාලා දුන්නා නම් පහසුයිනේ...
surath Friday, 06 September 2019 04:27 PM
මොවුන්ට සහ මොවුන් මෙහෙයවන දේශපාලුවන්ට රජකාලේ දඬුවම් දුන්නොත් නරකද?
Gamarala Friday, 06 September 2019 05:12 PM
මේ සෙල්ලම් කර ඇත්තේ ජනතා බදු මුදල් සමග නේද? අදාල සියලු දෙනාගෙන්ම මේ වියදම් පොලිය සමග අයකර ගත යුතුයි.
vidya Friday, 06 September 2019 08:04 PM
ඔය කන්තෝරුවා අනුරාධපුරයට අරන් යනවා හලෝ... ගොවිතැන් කරන්න උදලු, ටැක්ටර්, පොහොර, විශේෂයෙන්ම වතුර වින්තරයි ඕනේ... ඔය ටයි සූට් ගහගෙන සීත කළ කාමරවල ඉඳගෙන ගොචිතැන් කරන්න බෑ. අපි ඕවා කරලා තියනවනේ. ඔය වියදම් කරන මුදල් වැව් හාරන්න යොදනවා හලෝ... ඔය තනතුරට ආදිවාසී නායක වන්නියලේ ඇත්තෝ පත් කෙරුවොත් එතුමා බෝගවර්ග හඳුනාගෙන, සතා සර්පයා හඳුනාගෙන වැඩේ ලස්සනට කරයි.
sirimal Saturday, 07 September 2019 07:26 AM
අම්මා මුත්තා කාලේවත් අහන්න වෙච්ච කතාද මේවා? අර මාධ්යයට ප්රශ්න අහන්න දෙන්නේ නැති එක්කෙනා දිනුවොත් නම් මේවගේ දේවල්වලට තිතතියයි ඔන්න...
rim Saturday, 07 September 2019 08:25 AM
කොයිතරම් මුදල් නාස්තියක්ද? තවත් ඡන්දෙ දීලා පත්කරන්නද වලිකන්නේ?