(විනීතා එම් ගමගේ)

ආණ්ඩුවේ සහනාධාර සදහා වන පෝරමය පොහොට්ටුවේ ලාංඡනය සහිත මුද්‍රාවක් තබා ලබාදීමේ සිද්ධියක් පිළිබදව පැමිණිලි කිහිපයක් ලැබී ඇතැයි පැෆරල් සංවිධානය කියයි.
 
මැතිවරණයට තරඟ කරන සමහර අපේක්ෂකයින් හා ප‍්‍රාදේශිය දේශපාලඥයින් ආණ්ඩුවේ සහනාධාර බෙදාදීමේ  වැඩ පිළිවෙලින් අතිරෝක වාසි ලබාගන්නා බවක් පෙනී යන්නේ යැයි පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා  ලංකාදීපයට පැවැසීය.
 
එම සහනාධාර වැඩ පිළිවෙල දේශපාලනයෙන් තොරව හොදින් ක‍්‍රියාත්මක වුවහොත් එහි වාසිය ආණ්ඩුවට යාම ගැන සැකයක් නොමැති බවත් ප‍්‍රාදේශීය දේශපාලඥයන් සහන බෙදාදීමේ කමිටුවලට යොදා තිබීමෙන් මෙවැනි අවුල් සහගත තත්ත්වයන් ඇති වන බව පෙනී යන බවත් හෙතෙම ස`දහන් කළේය.
 
සහනාධාරවලින් මෙසේ දේශපාලන වාසි ගැනීමට උත්සාහ කරන්නන් ගැන සොයා බලන ලෙස ආණ්ඩුවෙන් ඉල්ලා සිටින බව පැවසූ හෙට්ටිආරච්චි මහතා මේ පිළිබදව මැතිවරණ කොමිසමේ සභාපති මහින්ද දේශප්‍රිය  මහතා වෙත දැන්වීමට බලාපොරොත්තු වන බව ද කියා සිටියේය.