(විනීතා එම් ගමගේ)

කොවිඞ් 19 ව්‍යසනයෙන් පීඩාවට රටම පීඩාවට පත්වීමෙන් පසු ජාතික කම්කරු උපදේශක සභාවේ දී හාම්පුතුන් ගේ වෘත්තිය සමිති හා සේවක වෘත්තිය සමිති ආයතන යළි ආරම්භ කිරීම ගැන එකඟතාවන්ට පැමිණියත් ආයතන හිමිකරුවන් විවිධ හේතු ඉදිරිපත් කරමින් සේවක කප්පාදු සිදුකරගෙන යන බව නිදහස් වෙළඳ කලාප හා පොදු සේවක සංගමයේ සම ලේකම් ඇන්ටන් මාකස් මහතා ප‍්‍රකාශ කළේය.

මේ වනවිටත් බොහෝ කම්හල්වල විවිධ හේතු ඉදිරිපත් කරමින් සේවක මර්දනය ආරම්භ කර ඇතැයි ද ප‍්‍රවාහන පහසුකම් ලබා නොදීම මාරු කිරීම්,  නිසි ලෙස වැටුප් නොගෙවීම ආදී කටයුතු සිදුකරන බව ද හෙතෙම ස`දහන් කළේය.

වැටුප් ගෙවීම් එකඟතා අනුව සිදු නොකරන ආයතන විශාල සංඛ්‍යාවක් පිළිබ`දව මේ වනවිට තම සංගමය වෙත පැමිණිලි ලැබී ඇතැයි ද ඔහු කියා සිටියේය.

විශේෂයෙන් ඇඟලුම් කම්හල්වල සේවක කප්පාදුව සිදුවෙමින් පවතින බව ද හෙතෙම ස`දහන් කළේය

ජාතික කම්කරු උපදේශක සභාවේ එකඟතා කඩ කරන්නේ නම් කොන්දේසි විරහිතව වැඩ කරන ජනතාව වෙනුවෙන් පෙනී සිටින්නට කම්කරු වෘත්තිය සමිතිවලට මේ අවස්ථාවේ සිදුවන බව ද මාකස් මහතා පැවැසීය.
 
ඇන්ටන් මාකස් මහතා මේ අදහස් පළ කළේ කොල්ලූපිටිය සී එම් යූ ශාලාවේ අද (02 ) පවැති මාධ්‍ය හමුවක් අමතමිනි.
 
එහි දී තවදුරටත් අදහස් දැක්වූ නිදහස් වෙළ`ද කලාප සහ පොදු සේවා සේවක සංගමයේ සම ලේකම්වරයා මෙසේ සේවක මර්දනයේ යෙදෙන කම්හල් පිළිබ`දව සවිස්තරව ලැයිස්තුවක් ඉදිරියේ දී හෙළි කරන බව ද කියා සිටියේය
.
මෙසේ සේවක කප්පාදුව සිදුකරන හා මර්දනයේ යෙදෙන කම්හල් රජයට පවරාගෙන ක‍්‍රියාත්මක කරන ලෙසත් මේ වනවිට යුනිසෙෆ් සංවිධානයෙන් හා ලෝක සෞඛ්‍ය සංවිධානයෙන් විශාල ඇණවුම් ලැබෙමින් ඇති  බැවින් පුහුණු ශ‍්‍රමය ඇති බැවින් සාර්ථකව කම්හල් පවත්වාගෙන යා හැකි වන බවත් ඔහු පෙන්වා දුන්නේය.
 
නිදහස් සේවක සංගමය, ලංකා වෙළ`ද කාර්මික හා පොදු කම්කරු සංගමය, එක්සත් කම්කරු සම්මේලනය හා නැෂනල් යුනියන් ඔෆ් සී ෆෙයාර්ස් යන වෘත්තිය සමිතිවල නියෝජිතයෝ මෙම මාධ්‍ය හමුවට සහභාගි වුහ.